Паёми табрикии Раиси вилоят ба ифтихори Рӯзи кормандони соҳаи тиб

Азназаргузаронӣ: 1078

Дар асоси Қонуни Ҷумҳурии Тоҷикистон “Дар бораи рўзҳои ид” ҳамасола санаи 18-уми август дар Тоҷикистон Рўзи кормандони соҳаи тиб таҷлил мешавад. Боиси ифтихору саодатмандист, ки ҳар сол иди касбии кормандони ҳифзи сиҳатии омма дар арафаи ҷашни бузургу фархунда - 32-солагии Истиқлоли давлатии Ҷумҳурии Тоҷикистон таҷлил мегардад. Иди касбии шифокорони ҳабибро ба кормандони соҳа, собиқадорон ва кулли ҳамдиёрон табрику муборакбод гуфта, ба ҳамагон саломатии бардавом, хотирҷамъии ҳамешагӣ ва саодати рӯзгору бахту иқболи баланд таманно дорам.

Рӯзи кормандони соҳаи тиб бо мавлуди алломаи Машриқзамин Абўалӣ ибни Сино робитаи қавӣ дорад. Дар таъриху фарҳанги халқи тоҷик соҳаи тиб мақоми шоиста дошт ва хазинаи тибби халқи тоҷик ғаниву беназир ташаккул ёфтааст. Тӯли қарнҳо аҷдодони донишманди мо, ба мисли Закариёи Розӣ, Абӯалӣ ибни Сино ва даҳҳои дигар ганҷинаи бебаҳои тибби ҷаҳониро ба вуҷуд овардаанд.

Табрикоти Раиси вилояти Суғд муҳтарам Раҷаббой Аҳмадзода ба муносибати Рӯзи варзишгарон

Азназаргузаронӣ: 1591

Варзишгарони арҷманд, муҳтарам кормандони соҳаи варзиш!

Боиси ифтихор аст, ки ҳамасола дар кишвари азизи мо санаи 10 - уми август Рӯзи варзишгарон мутантан таҷлил мешавад. Иқдоми мазкур самараи неки сулҳ ва суботи сиёсӣ буда, аз ҷониби дигар далел аз таваҷҷуҳи Ҳукумати мамлакат, хоса Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳаи варзиш маҳсуб меёбад. 

Бо истифода аз фурсати муносибат аз номи Мақомоти иҷроияи ҳокимияти давлатии вилояти Суғд Шумо, варзишгарон - муаррифгарони Ватанро табрик намуда, ба шумоён саломатӣ, сарбаландӣ ва саодату комёбӣ таманно мекунам.

Паёми табрикии Раиси вилоят ба муносибати Рӯзи Қувваҳои Мусаллаҳи Ҷумҳурии Тоҷикистон

Азназаргузаронӣ: 1163
Сӣ сол қабл, яъне 23 феврали соли 1993 дар таърихи кишвари мо боз як саҳифаи хеле муҳими таърихӣ-таъсиси Қувваҳои Мусаллаҳи Ҷумҳурии Тоҷикистон, сипари боэътимоди давлат ба ҳисоб меравад, боз гардид.
 
Ба муносибати ин санаи фархунда тамоми ҳайати шахсии Қувваҳои Мусаллаҳи вилоятро самимона табрик гуфта, ба кулли ҳомиёни содиқи марзу буми Ватан сиҳатмандиву хушбахтӣ ва сарбаландиву барори кор орзу менамоям.
 
Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали артиш муҳтарам Эмомалӣ Раҳмон бо ишора ба садоқати ин нерӯи тавоно ва сипари боэътимоди давлат қайд намудаанд: “Ҳайати шахсии Қувваҳои Мусаллаҳ дар солҳои душвори муқовимати мусаллаҳонаи дохилӣ ва ҷанги таҳмилии шаҳрвандӣ қарзи фарзандии худро дар назди Ватан халқи Тоҷикистон содиқона иҷро карда, дар роҳи ба эътидол овардани вазъият, яъне қатъи ҷангу хунрезӣ, таъмини сулҳу субот ва мубориза бар зидди гуруҳҳои экстремистиву террористӣ саҳми басо арзишманд гузоштаанд”.

Мақолаҳои боқимонда...