Дар деҳаи Нурободи ноҳияи Деваштич бо иқдоми соҳибкори маҳаллӣ кӯдакистоне бунёд гардид, ки дар он 100 нафар хурдсолон ба таълиму тарбия фаро гирифта мешаванд.

Раиси вилояти Суғд Раҷаббой Аҳмадзода имрӯз ҷараёни корҳои сохтмонӣ ва муҷаҳҳазсозии кӯдакистонро мавриди таваҷҷуҳ қарор дод.

Раиси вилояти Суғд Раҷаббой Аҳмадзода дар деҳаи Муҷуни Ҷамоати деҳоти Муҷуни ноҳияи Деваштич аз "Гӯшаи деҳқон", ки дар сари роҳ ташкил карда шудааст, боздид намуд.

Дар "Гӯшаи деҳқон", ки бо иқдоми мақомоти иҷроияи ҳокимияти давлатии ноҳияи Деваштич ташкил гардидааст, наздик 50 нафар деҳқонону кишоварзон маҳсулоти тару тозаи худро ба фурӯш баровардаанд. Дар инҷо метавон анвои гуногуни маҳсулот, аз ҷумла нок, картошка, пиёз, себ, помидор, сабзӣ, харбуза, шафтолу, ангур, тарбуз, зардолуро аз дасти аввал харидорӣ кард.

Имрӯз Раиси вилояти Суғд Раҷаббой Аҳмадзода дар доираи сафари корӣ ба ноҳияи Деваштич собиқадорони меҳнат Юлдошбой Бойматов ва Норҷон Инлятоваро аёдат кард.

Юлдошбой Бойматов соли 1948 дар оилаи хизматчӣ ба дунё омадааст. Соли 1966 муассисаи таҳсилоти миёнаи умумии №20-ро хатм намуда, хатмкардаи институти ирригатсионӣ аст. Солҳои зиёд аз рӯи ихтисос ба сифати инжинер-механик фаъолият бурда, айни замон бо фарзандонаш дар хоҷагии деҳқонии оилавӣ кор мекунад.

25 август Раиси вилояти Суғд Раҷаббой Аҳмадзода ҷиҳати шиносоӣ бо ҷараёни корҳои ободонию созандагӣ ба ноҳияи Деваштич сафари корӣ анҷом дод.

Зимни сафар роҳбари вилоят нахуст дар деҳаи Ҳазорчашмаи Ҷамоати деҳоти Муҷун рафти сохтмони муассисаи таҳсилоти миёнаи умумии рақами 5-ро мавриди таваҷҷуҳ қарор дод. Чуноне иттилоъ дода шуд, бинои нави таълимӣ бо дастгирии Ҳукумати Ҷумҳурии Тоҷикистон ва бо харҷи 1,4 миллион доллари ИМА сохта шуда, барои 620 хонанда дар як баст пешбинӣ гардидааст. Бинои муҳташами замонавӣ аз 4 ошёна иборат буда, дорои 29 синфхона, 5 утоқи корӣ, лаборатория, толори хониш, китобхона,  ошхона, маҷлисгоҳ, толори калони варзишӣ ва дигар иншооти зарурӣ мебошад.

Дар истироҳатгоҳу осоишгоҳҳои шаҳри Гулистон, ки аз минтақаҳои сайёҳии вилояти Суғд маҳсуб меёбад, давоми нимсолаи якуми соли ҷорӣ беш аз 13 ҳазор нафар сайёҳони дохилӣ ва хориҷӣ табобат гирифтаанд.

Дар Гулистон теъдоди зиёди осоишгоҳҳо мавҷуд буда, дар шаҳри соҳили Баҳри тоҷик барои истироҳату табобат беҳтарин шароит фароҳам оварда шудааст.

Ҷиҳати расидан ба ҳадафи чоруми миллӣ-саноатикунонии босуръати мамлакат дар шаҳри Гулистон сохтмони корхонаҳои истеҳсолӣ ва фабрикаҳои мурғпарварӣ идома дорад.

Раиси вилояти Суғд Раҷаббой Аҳмадзода дар шаҳри Гулистон рафти сохтмони иншооти истеҳсолиро мавриди таваҷҷуҳ қарор дод. Чуноне иттилоъ дода шуд, бо иқдоми ҶДММ "Парандаи заррин" дар шаҳр фабрикаи мурғпарварӣ сохта шуда, ҷойҳои нави корӣ ташкил карда мешавад. Ҳамзамон дар минтақаи саноатии шаҳр аз ҷониби ҶДММ "Ганҷи Сомон" низ бунёди фабрикаи мурғпарварӣ идома дошта, бо фаъол гаштани ин ду фабрика даҳҳо нафар бо ҷойи корӣ ва маоши хуб таъмин мегарданд.