Раиси вилояти Суғд Раҷаббой Аҳмадзода дар ноҳияи Куҳистони Мастчоҳ тарбиятгирандагони Мактаб-интернати ноҳияро аёдат намуда, ба онҳо либосҳои мактабӣ ва варзишиӣ туҳфа кард.

Дар суҳбат бо устодону тарбиятгирандагони муассисаи иҷтимоӣ Раиси вилоят иброз дошт, ки ятимону ниёзмандон зери таваҷҷуҳи доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, ба таълиму тарбияи онҳо аз ҷониби давлат шароити зарурӣ фароҳам оварда мешавад.

26 апрел дар толори мақомоти иҷроияи ҳокимияти давлатии ноҳияи Кӯҳистони Мастчоҳ мулоқоти Раиси вилояти Суғд Раҷаббой Аҳмадзода бо фаъолони ноҳия баргузор гардид.

Раиси вилоят зимни таҳлили вазъи соҳаҳои хоҷагии халқи ноҳия таъкид кард, ки сокинони меҳнатдўсти ноҳияи Кўҳистони Мастчоҳ имрўзҳо чун кулли мардуми вилоят дар партави ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми навбатӣ,  Маҷлиси Ҳукумати Ҷумҳурии Тоҷикистон ва ҳангоми сафарҳои кориашон ба вилоят иброз доштанд, меҳнат намуда, баҳри бо дастовардҳои шоиста истиқбол намудани ҷашни таърихии 35 – солагии Истиқлоли давлатии Ҷумҳурии Тоҷикистон саъйу талоши комил доранд.

Дар доираи сафари кории худ ба ноҳияи Куҳистони Мастчоҳ Раиси вилояти Суғд Раҷаббой Аҳмадзода бо рафти корҳои саҳроӣ дар хоҷагии деҳқонии ба номи «Шариф Ҳасан» шинос гардид.

Мусаллам аст, ки яке аз ҳадафҳои асосии Ҳукумати мамлакат таъмини амнияти озуқаворӣ буда, дар ин самт ноҳияи Кўҳистони Мастчоҳ, бахусус дар таъмини бозори дохилӣ бо картошкаи хушсифат захираву имкониятҳои фаровон дорад.

Раиси вилояти Суғд Раҷаббой Аҳмадзода дар доираи сафари корӣ ба ноҳияи Куҳистони Мастчоҳ, ки рӯзҳои 25 ва 26 апрел ҷараён гирифт, собиқадорони меҳнатро аёдат намуд.

Раиси вилоят нахуст ба манзили сокини деҳаи Оббурдони ноҳия Шарифа Домуллоева ташриф оварда, дар суҳбат бо ӯ иброз дошт, ки меҳнати фидокорона ва хизматҳои шоистаи собиқадорон аз ҷониби давлату Ҳукумати мамлакат қадр карда мешавад.

Раиси вилояти Суғд Раҷаббой Аҳмадзода рӯзҳои 25 ва 26 апрел ба ноҳияи Куҳистони Мастчоҳ сафар намуда, бо ҷараёни корҳои ободониву бунёдкорӣ дар ин минтақаи дурдасти вилоят шинос гардид.

Бояд гуфт, ки ба истиқболи 30-солагии Иҷлосияи XVI Шӯрои Олии Ҷумҳурии Тоҷикистон ва 35 -солагии Истиқлоли давлатии Ҷумҳурии Тоҷикистон дар ноҳияи Куҳистони Мастчоҳ бо дастгирии Ҳукумати мамлакат ва мақомоти иҷроияи ҳокимияти давлатии вилоят бунёди иншооти муҳими иҷтимоӣ ҷараён дорад.

Ноҳияи Кӯҳистони Мастчоҳ яке аз минтақаҳои кишоварзии вилоят маҳсуб ёфта, мардуми ин диёр барои амалӣ гардидани барномаҳои давлатӣ, таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти бунёди боғҳои гуногун сарбаландона меҳнат менамоянд.

Чуноне аснои боздиди Раиси вилоят Раҷаббой Аҳмадзода аз деҳаи Оббурдони ноҳия маълумот дода шуд, бо ташаббуси соҳибкор Ҳикматулло Бобоев дар талу теппаҳо дар масоҳати як гектар боғи нав бунёд гардида истодааст. Дар боғи нав ниҳолҳои зардолуву чормағз ва себ шинонида шуда, барои бунёди боғ ниҳолҳои зарурӣ харидорӣ гардидааст.