14 июн Раиси вилояти Суғд Раҷаббой Аҳмадзода ба ноҳияи Мастчоҳ сафари корӣ анҷом дод.

Зимни сафар роҳбари вилоят бо сохтмони иншооти гуногуни иҷтимоӣ шинос гардида, барои тақвияти корҳои ободониву созандагӣ ба масъулин супоришҳо дод. Таъкид карда шуд, ки ба истиқболи ҷашнҳои дарпешистода- солгарди Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон бунёдкориҳо бояд вусъат ёбанд.

Дар шаҳру ноҳияҳои нисбатан гарми вилояти Суғд ҷамъоварии меваҷот оғоз ёфта, то имрӯз боғпарварони вилоят беш аз 5000 тонна мева содирот намудаанд. Дар ин бора зимни боздиди Раиси вилояти Суғд Раҷаббой Аҳмадзода аз Муассисаи давлатии «Боғи миллии Ваҳдат», ки 13 июн сурат гирифт, иттилоъ дода шуд.

Раиси вилоят аз қитъаи боғҳои себ, зардолу ва бодоми «Боғи миллии Ваҳдат» боздид карда, барои ҷамъоварии ҳосили пухтарасида, махсусан зардолуву гелос ва банду басти он ба масъулин тавсияҳо дод. Таъкид карда шуд, ки коргарони «Боғи миллии Ваҳдат» ҳамасола миқдори зиёд меваҳои хуштамъро ҷамъоварӣ ва пешниҳоди бозори истеъмолӣ мекунанд. Соли ҷорӣ низ меваҳои дар ин муассиса истеҳсолшаванда вориди бозорҳои вилоят гардида, саҳми боғдорон дар таъмини бозори дохилӣ бо меваҳои гуногун шоиста мебошад.

Дар шаҳру ноҳияҳои вилояти Суғд бо мақсади таъмини иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва саҳмгузорӣ дар татбиқи ҳадафи чоруми стратегии мамлакат бунёди корхонаҳои гуногун идома дорад.

Раиси вилояти Суғд Раҷаббой Аҳмадзода зимни як боздиди корӣ дар шаҳрҳои Бӯстону Гулистон ва ноҳияи Бобоҷон Ғафуров ҷараёни корҳои бунёдиву ташкилии корхонаҳои нав шинос гардид. Аз ҷумла, дар шаҳри Бӯстон роҳбари вилоят рафти васлу насби таҷҳизот дар корхонаи дӯзандагии КВД «Фулузоти нодири Тоҷикистон»-ро мавриди таваҷҷуҳ қарор дод. Аснои боздид иттилоъ дода шуд, ки дар корхонаи дӯзандагӣ либосҳои мактабӣ, низомӣ ва матрас истеҳсол гардида, дар назар аст, ки дар он 65 нафар бо ҷойи корӣ таъмин шаванд. Таҷҳизоти зарурӣ барои корхона аз Ҷумҳурии мардумии Чин ворид карда шуда, ба таври таҷрибавӣ 30 нафар ба кор ҷалб карда шудаанд.

8 июн Раиси вилояти Суғд, Раиси Федератсияи футболи вилоят​ Раҷаббой Аҳмадзода дар шаҳри Истаравшан бо ҳайати дастаи футболи «Истаравшан» мулоқот намуд.

Дар мулоқот бо мураббиён ва ҳайати даста Раиси вилоят таъкид кард, ки аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи футболи Тоҷикистон муҳтарам Рустами Эмомалӣ ба рушди футбол ва​ таъмиру азнавсозии иншооти варзишӣ таваҷҷуҳи зарурӣ зоҳир гардида истодааст.

Дар доираи сафари корӣ ба шаҳри Истаравшан Раиси вилояти Суғд Раҷаббой Аҳмадзода собиқадорони меҳнатро аёдат кард.

Раиси вилоят нахуст аз ҳоли​ Сабоҳат Носирова хабар гирифт. Мавсуф​ корманди фабрикаи трикотажӣ дар солҳои 1975-91 буда, айни замон нафақахӯр мебошад. Дар суҳбат бо Сабоҳат Носирова роҳбари вилоят таъкид кард, ки бо дастуру ҳидоятҳои Пешвои миллат муҳтарам Эмомалӣ Раҳмон мақомоти иҷроияи ҳокимияти давлатии вилоят ба ҳаёту фаъолияти собиқадорони меҳнат таваҷҷуҳи хоса зоҳир карда, роҳбарияти вилоят​ мунтазам аз ҳоли пирони кор хабар мегирад.

8 июн Раиси вилояти Суғд Раҷаббой Аҳмадзода дар шаҳри Истаравшан бо сохтмони як қатор иншооти муҳими иҷтимоӣ шинос гардид.

Бояд гуфт, ки ба истиқболи Рӯзи Ваҳдати миллӣ ва 30-солагии Иҷлосияи таърихии XVI Шӯрои Олии Ҷумҳурии Тоҷикистон дар Истаравшан сохтмони қасри фарҳанг, бинои Коллеҷи ҳунарҳои мардумӣ, маркази хизматрасонии «Истаравшан плаза», бинои маъмурии ҲХДТ ҷараён дошта, бо ифтитоҳи иншооти зикршуда симои шаҳри бостонӣ боз ҳам зебо хоҳад шуд.