23 июн Раиси вилояти Суғд Раҷаббой Аҳмадзода дар толори мақомоти иҷроияи ҳокимияти давлатии ноҳияи Ҷаббор Расулов бо фаъолони ноҳия мулоқот намуд.

Дар мулоқот таъкид гардид, ки 18 июни соли равон дар ноҳияи Данғараи вилояти Хатлон мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолон баргузор гардид ва Сарвари давлат дар суханронии пурмуҳтавои хеш вазъи иқтисодиву иҷтимоии кишварро таҳлилу баррасӣ намуда, ба роҳбарони вазорату идораҳо, мақомоти иҷроияи ҳокимияти давлатии вилоятҳо ва шаҳру ноҳияҳо дастуру супоришҳои мушаххас доданд.

Бо идомаи татбиқи лоиҳаи «Дастгирии соҳаи кишоварзӣ дар заминаи ҷомеа» ба хоҷгагиҳои кишоварзии ноҳияи Деваштич 13 адад трактори гуногунтамға, 1 адад экскаватор ва 29 адад мошинолоти кишоварзӣ супорида шуд.

Дар маросими супоридани техникаҳои кишоварзӣ ба аҳолӣ Раиси вилояти Суғд Раҷаббой Аҳмадзода, муовини Сарвазири мамлакат Сулаймон Зиёзода, масъулини Муассисаи давлатии «Маркази идораи Лоиҳаи «Рушди чорводорӣ ва чарогоҳҳо», роҳбарият ва сокинони ноҳия иштирок намуданд.

14 июн дар ноҳияи Мастчоҳ Раиси вилояти Суғд Раҷаббой Аҳмадзода ба корҳои мумфаршкунии роҳи деҳаи Навобод оғоз бахшид.

Роҳи мазкур тибқи дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо маблағгузории мақомоти иҷроияи ҳокимияти давлатии вилоят мумфарш карда мешавад.

Дар асоси дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳи автомобилгарди Бӯстон-Зарнисор бо дарозии 38 километр пурра мумфарш гардида истодааст.

Мумфаршкунии роҳ бо маблағгузории Ширкати кӯҳӣ-саноатии Тоҷикистону Хитой дар ҳаҷми 75 миллион сомонӣ аз тарафи ҶДММ МКМ “Сомонӣ” идома дошта, то имрӯз 13 километр мумфарш шудааст.

Раиси вилояти Суғд Раҷаббой Аҳмадзода дар ноҳияи Мастчоҳ мураббӣ ва варзишгари номӣ Леонид Пронженкоро аёдат намуд.

Леонид Пронженко соли 1962 дар ноҳияи Мастчоҳ ба дунё омада, ба тарбияи шогирдон машғул аст. То имрӯз ӯ дар тарбияи беш аз 1000 варзишгар саҳм гузошта, шогирдонаш дар риштаи варзиши сабук борҳо дар мусобиқаҳои байналмилалӣ ширкат варзидаву Парчами Тоҷикистонро баланд бардоштаанд. Фарзандони номбурда — Кристина, Александр ва Леонид низ варзишгарони соҳибном ва дастпарвари мактаби падарашон ҳастанд.

Дар асоси дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Мастчоҳ аз ҷониби соҳибкорони маҳаллӣ сохтмони корхонаҳои нави истеҳсолӣ ҷараён дошта, барои ташкили ҳарчи бештари ҷойҳои корӣ тадбирҳои зарурӣ амалӣ гардида истодааст.

Раиси вилояти Суғд Раҷаббой Аҳмадзода дар доираи сафари корӣ ба ноҳияи Мастчоҳ дар деҳоти Палдорак бо сохтмони корхонаи коркарди чормағзи заминии ҶДММ «Ҷаъфар» шинос шуд. Корхонаи коркарди чормағзи заминии ҶДММ «Ҷаъфар» бо харҷи беш аз 750 ҳазор сохта шуда, метавонад то 10 нафарро бо ҷойи корӣ таъмин созад. Барои ба роҳ мондани истеҳсолот аз ҷониби муассиси корхона таҷҳизоти зарурӣ аз Чин ва Туркия ворид карда шуда, дар он дар як сол то 4000 тонна маҳсулот коркард мешавад.