Раиси вилояти Суғд Раҷаббой Аҳмадзода аз Ҷамоати деҳоти Ворух боздид карда, бо корҳои барқароркунӣ ва тоза намудани маҳалҳои аҳолинишин аз пайомадҳои офати табиӣ шинос гардид.

26 июн дар Ҷамоати дехоти Ворух дар натиҷаи боришоти зиёд сел омада, ба манзилҳои истиқоматии сокинони ҷамоат ба миқдори зиёд селоба ва лойиқа даромада, ба иншооти истиқомативу ёрирасони шаҳрвандон ва заминҳои наздиҳавлигии онҳо хисорот ворид намуд.

Раиси вилояти Суғд Раҷаббой Аҳмадзода дар шаҳри Конибодом бо корҳои азнавсозии Боғи фарҳангию фароғатии шаҳр шинос гардид.

Тавре иттилоъ дода шуд, боғи мазкур дар масоҳати 2000 метри мураббаъ аз тарафи мақомоти иҷроияи ҳокимияти давлатии шаҳри Конибодом ва соҳибкорон азнавсозӣ гардида, дар ҳудуди боғи фарҳангӣ дар баробари бунёди фаввораҳо, суҳбаткадаҳо таҷҳизоти гуногун барои бозии бачагон васл карда мешавад. Таъмиру барқарорсозии иншооти фарҳангӣ соли 2021 оғоз гардида, корҳои сохтмонӣ аз ҷониби ҶДММ “Архикад” амалӣ шуда истодааст ва дар арафаи анҷомёбӣ аст.

Имрӯз Раиси вилояти Суғд Раҷаббой Аҳмадзода дар ҶСК ба номи Абдураҳим Ҷумъаеви ноҳияи Бобоҷон Ғафуров бо ҷараёни корҳои саҳроӣ шинос шуд.

Чуноне зимни боздид иттилоъ дода шуд, бо мақсади таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли равон дар ноҳияи Бобоҷон Ғафуров дар 5212 гектар кишти такрории зироатҳо гузаронида шуда, ба масъалаи истифодаи самараноки замин таваҷҷуҳи зарурӣ зоҳир карда мешавад.

Дар вилояти Суғд дар масоҳати 1600 гектар помидор кишт шудааст, ки 1000 гектари он ба ноҳияи Бобоҷон Ғафуров рост меояд.

Раиси вилояти Суғд Раҷаббой Аҳмадзода дар Ҷамоати деҳоти Зарзамин, ки аз минтақаҳои асосии кишту парвариши помидор аст, бо рафти ҷамъоварии ҳосил шинос гардид. Тавре иттилоъ дода шуд, кишоварзон бо меҳнати шабонарӯзӣ ҳосили хуб руёнида, ҳамарӯза то сад тонна помидор ба бозорҳои вилоят, вилояти Хатлон ВМКБ ба фурӯш бароварда мешавад.

23 июн Раиси вилояти Суғд Раҷаббой Аҳмадзода бо рафти корҳои саҳроӣ дар ноҳияи Ҷаббор Расулов шинос гардид.

Чуноне иттилоъ дода шуд, сокинони ноҳия ба истифодаи самараноки замин таваҷҷуҳи хоса зоҳир намуда, аз заминҳои дар ихтиёрдошта маҳсулоти гуногуни кишоварзӣ ба даст меоранд. Дар ноҳия масоҳати заминҳои корами обӣ 12 ҳазору 527 га, заминҳои корами лалмӣ 2 ҳазору 251 га, заминҳои чарогоҳ 6 ҳазору 213 га, заминҳои наздиҳавлигӣ 3 ҳазору 260 гектарро ташкил медиҳад.

23 июн Раиси вилояти Суғд Раҷаббой Аҳмадзода дар толори мақомоти иҷроияи ҳокимияти давлатии ноҳияи Ҷаббор Расулов бо фаъолони ноҳия мулоқот намуд.

Дар мулоқот таъкид гардид, ки 18 июни соли равон дар ноҳияи Данғараи вилояти Хатлон мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолон баргузор гардид ва Сарвари давлат дар суханронии пурмуҳтавои хеш вазъи иқтисодиву иҷтимоии кишварро таҳлилу баррасӣ намуда, ба роҳбарони вазорату идораҳо, мақомоти иҷроияи ҳокимияти давлатии вилоятҳо ва шаҳру ноҳияҳо дастуру супоришҳои мушаххас доданд.