Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳраки Сарводаи ноҳияи Айнӣ ба бунёди Боғи фарҳангию фароғатии ба номи Исмоили Сомонӣ санги асос гузошта шуд.

Дар маросими оғози корҳои сохтмонӣ Раиси вилояти Суғд Раҷаббой Аҳмадзода иштирок намуда, барои бо сифати баланд ба анҷом расонидани корҳо ба роҳбарияти ноҳия супоришҳо дод.

Боғи фарҳангию фароғатии ба номи Исмоили Сомонӣ бо ташаббуси мақомоти иҷроияи ҳокимияти давлатии ноҳия дар масоҳати 1,5 гектар бунёд мегардад ва тибқи лоиҳа дар он муҷассамаи Шоҳ Исмоили Сомонӣ гузошта шуда, нишастгоҳҳо, фаввораҳо, гулгаштҳо ва нуқтаҳо барои омода намудани таомҳои миллӣ ташкил хоҳад шуд.

Ба истиқболи 35-солагии Истиқлоли давлатии Ҷумҳурии Тоҷикистон дар ноҳияи Мастчоҳ сохтмони иншооти гуногун идома дорад.

Раиси вилояти Суғд Раҷаббой Аҳмадзода бо мақсади шиносоӣ бо ҷараёни бунёдкориҳо ба ноҳия сафар карда, бо сохтмони як қатор иншоот шинос гардид. Аснои боздид аз рафти корҳо дар қасри фарҳанги деҳоти Палдорак иттилоъ дода шуд, ки иншот бо маблағгузории Вазорати фарҳанги Ҷумҳурии Тоҷикистон сохта шуда, пудратчии он Муассисаи давлатии Иттиҳодияи илмию истеҳсолӣ оид ба муҳофизат ва таъмиру истифодаи ёдгориҳои таърихию фарҳангии Вазорати фарҳанг мебошад. Масоҳаи умумии бино 610 метри мураббаъ буда, он аз ду ошёна иборат мебошад. Бинои қаср дорои ҳуҷраҳои барҳавои замонавӣ барои баргузории маҳфилҳои рубобнавозону доиранавозон, шашмақомсароӣ, рассомӣ, ҳунармандӣ низ мебошад.

22 август Раиси вилояти Суғд Раҷаббой Аҳмадзода ба ноҳияи Зафаробод сафар намуда, бо ҷараёни корҳои ободониву созандагӣ дар ноҳия шинос гардид.

Зимни сафар роҳбари вилоят нахуст дар деҳаи Навбаҳори Ҷамоати деҳоти Ҷомӣ чоҳи амудиро мавриди истифода қарор дод. Чоҳи амудӣ барои оби нӯшокӣ дар деҳаи Навбаҳор бо иқдоми оилаи Ҳасановҳо бо шумули маблағҳое, ки барои адои ҳаҷ пасандоз гардида буд, кофта шудааст.

Деҳаи Навбаҳор соли 2009 ташкил ёфта, мардуми ин деҳа аз деҳаи Даҳкат, Ҷамоати деҳоти Росровути ноҳияи Деваштич чун мухоҷирони экологӣ ба ноҳияи Зафаробод оварда шудаанд. Шумораи аҳолии деҳа 1440 нафарро ташкил мекунад.  

Имрӯз Раиси вилояти Суғд Раҷаббой Аҳмадзода ба ноҳияи Спитамен сафари корӣ анҷом дод. 

Зимни сафар Раиси вилоят наухст аз майдони пахтаи хоҷагии деҳқонии «Оқтеппа» боздид кард. Хоҷагии деҳқонӣ дар ноҳияи Спитамен аз хоҷагиҳои пешқадам ба ҳисоб рафта, дорои 22 гектар замин мебошад. Соли ҷорӣ дар заминҳои ин хоҷагӣ 11 гектар пахта кишт карда шудааст, ки айни замон нашъунамои хуб дорад.  

Аҳли заҳмати хоҷагии деҳқонии «Оқтеппа» дар заминҳое, ки картошкаи барвақтӣ кишт шуда буд, барои ҳосили дуюм ҷуворимакка кишт намудаанд. Инчунин дар қисми дигари заминҳои ин хоҷагӣ дар кишти такрорӣ сабзӣ кишт карда шудааст. Деҳқонони таҷрибадор хар як ваҷаб заминро самараноку оқилона истифода бурда, кӯшиш доранд, ки аз замини пахта ҳосили хуб ба даст оваранд.

Раиси вилояти Суғд Раҷаббой Аҳмадзода ба шаҳри Исфара сафари корӣ анҷом дод.

Дар шаҳри Исфара Раиси вилоят нахуст бо фаъолияти кишоварзон таваҷҷуҳ зоҳир карда, дар Кооперативи тиҷоратии «Навгилем» ва Кооперативи тиҷоратии «Чоркуҳ» бо деҳқонон вохӯрӣ намуд. 

Тавре иттилоъ дода шуд, Кооперативи тиҷоратии «Навгилем» дорои 270 гектар замин ва 540 гектар боғ буда, кишоварзон бо истеҳсоли маҳсулоти кишоварзӣ дар таъмини амнияти озуқавворӣ саҳми арзанда мегузоранд.

Дар ин кооператив 120 гектар гандум, 50 гектар ҷуворимакка, 5 гектар помидор, 30 гектар картошка ва дар заминҳои боқимонда лаблабу ва хӯроки чорво кишт кардаанд. Умед доранд аз хар гектар замини гандум кишт шуда то 51 сентнери хосли чамовари намуда истодаанд. Дар кишти такрори бошад дар майдони 70 гектар замин турб, шалгам,сабзи ва зироатхои лубиёги кишт менамоянд.

Раиси вилояти Суғд Раҷаббой Аҳмадзода ба шаҳри Конибодом сафар карда, бо ҷараёни корҳои ободониву созандагӣ шинос гардид.

Дар асоси дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳи автомобилгарди Деҳмой-Конибодом ба масофаи 51 км ва паҳноии 25 то 45 метр азнавсозӣ гардида, барои рафту омади сокинон вазъи роҳ беҳтар карда мешавад. Зимни шиносоии роҳбари вилоят бо рафти мумфаршкунии роҳи мазкур дар қитъаи Конибодом-Кӯчкак иттилоъ дода шуд, ки роҳи Деҳмой-Конибодом бо ҷалби мутахассисони ватаниву хориҷӣ навсозӣ шуда истодааст. Роҳ аҳмияти байналмилалӣ дошта, мутобиқ ба стандартҳои ҷаҳонӣ бунёд карда мешавад. Тибқи лоиҳа дар доираи корҳои роҳсозӣ бунёди 11 пули мошингузар низ ба нақша гирифта шудааст.