Раиси вилояти Суғд Раҷаб Аҳмадзода бо директори генералии корхонаи муштараки “Зарафшон” Оуян Лунао мулоқот намуд. 

Дар мулоқот масъалаҳои рушди ҳамкорӣ, васеъ намудани доираи фаъолият ва саҳмгузории корхона дар корҳои ободониву созандагӣ мавриди баррасӣ қарор гирифтанд.

Раиси вилояти Суғд дар оғози суҳбат таъкид кард, ки бо шарофати сиёсати дурнигаронаи сарони ду кишвари дӯст — Ҷумҳурии Тоҷикистон ва Ҷумҳурии Мардумии Чин ҳамкориҳои иқтисодию саноатӣ рушд намуда, корхонаҳои бузурги саноатӣ дар кишвар, аз ҷумла дар вилояти Суғд, бунёд мегарданд. Таъкид гардид, ки корхонаи муштараки “Зарафшон” аз зумраи корхонаҳои азими саноатии вилоят ба шумор рафта, дар рушди иқтисодии шаҳри Панҷакент ва баланд бардоштани нишондиҳандаҳои соҳаи саноат нақши назаррас дорад.

Дар Мақомоти иҷроияи ҳокимияти давлатии вилояти Суғд мулоқоти Раиси вилоят Раҷаб Аҳмадзода бо роҳбарияти корпоратсияи “ТВЕА Душанбе саноати куҳӣ”, ки роҳбарии онро Хуан Бо ба уҳда дорад, баргузор гардид.

Зимни суҳбат ҷонибҳо оид ба таваҷҷуҳи пайвастаи Ҳукумати Ҷумҳурии Тоҷикистон таҳти роҳбарии Пешвои миллат муҳтарам Эмомалӣ Раҳмон ба рушди соҳаи саноат, бахусус саноати кӯҳӣ, афзоиши ҳаҷми истеҳсолот, беҳтарсозии шароити кору зиндагии кормандон ва саҳмгузорӣ дар корҳои ободониву созандагӣ мубодилаи афкор намуданд.

Раиси вилоят таъкид дошт, ки дар партави дастуру ҳидоятҳои Сарвари давлат дар вилояти Суғд корхонаҳои нави саноатӣ пайваста мавриди баҳрабардорӣ қарор мегиранд. Натиҷаи ин тадбирҳои мақсаднок буд, ки моҳи июли соли равон марҳилаи дуюми корхонаи ҶДММ “ТВЕА Душанбе саноати куҳӣ” ба фаъолият оғоз намуд. Самти асосии фаъолияти корхона истихроҷ ва коркарди маъданҳои кӯҳӣ, аз ҷумла коркарди консентрати тилло мебошад.

Имрӯз, 1 август мулоқоти Раиси вилояти Суғд Раҷаб Аҳмадзода бо Вазири хоҷагии оби Ҷумҳурии Ӯзбекистон Шавкат Ҳамроев ва Вазири хоҷагии об ва ирригатсияи Ҷумҳурии Қазоқистон Нурҷон Нурҷигитов баргузор гардид. Дар ин мулоқот, ки ба масоили муҳими ҳамкории минтақавӣ дар истифодаи оқилонаи захира ва манбаъҳои обӣ бахшида шуд, Вазири энергетика ва захираҳои оби Ҷумҳурии Тоҷикистон Далер Ҷумъа низ иштирок дошт.

Раиси вилоят зимни суханронӣ меҳмононро ба вилояти Суғд хайрамақдам гуфта, зикр кард, ки бо сиёсати хирадмандонаву дӯстонаи сарони се кишвар – Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, Президенти Ҷумҳурии Ӯзбекистон муҳтарам Шавкат Мирзиёев ва Президенти Ҷумҳурии Қазоқистон муҳтарам Қосим-Жомарт Тоқаев имрӯз миёни кишварҳо муносибатҳои шарикии мутақобилан судманд дар ҳама самтҳо, аз ҷумла идоракунии захираҳои обӣ, рӯ ба густариш доранд.

21 июл дар толори хурди мақомоти иҷроияи ҳокимияти давлатии вилоят машварати кории Раиси вилояти Суғд Раҷаб Аҳмадзода баргузор гардид. 

Дар машварат роҳбари вилоят доир ба таъмини иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки санаи 17 июл дар маҷлиси васеи Кумитаи Иҷроияи Марказии Ҳизби Халқии Демократии Тоҷикистон баён гардида буд, дар назди масъулин вазифагузорӣ намуд.

Ба масъулин ҳамзамон ҷиҳати дар зеҳну шуури шаҳрвандон, хусусан, ҷавонон тарбия кардани ғояҳои сулҳу ваҳдати миллӣ, тарбияи фарзандон дар руҳияи ватандӯстӣ, пешгирии хурофотпарастӣ ва ҷинояткорӣ супоришҳо дода шуд. Зарур шуморида шуд, ки сохторҳо фаъолияти тарғиботиву ташвиқотиро дар деҳот ва маҳалҳои зисти аҳолӣ ба таври доимӣ ба роҳ монда, дар самти густариш бахшидани худшиносиву худогоҳии миллӣ, ҳисси ватандӯстиву ватандории мардум, баланд бардоштани маърифати сиёсиву ҳуқуқии аҳолии кишвар, бахусус, наврасону ҷавонон тақвият корҳоро бахшанд.

Дар бинои Мақомоти иҷроияи ҳокимияти давлатии вилояти Суғд мулоқоти Раиси вилоят Раҷаб Аҳмадзода бо ҳайати намояндагони Бонки аврупоии таҷдид ва рушд (БАТР) баргузор гардид.

Зимни мулоқот ҷонибҳо доир ба саҳми ин ниҳоди бонуфузи молиявии байналмилалӣ дар татбиқи лоиҳаҳои инфрасохторӣ, густариши ҳамкориҳои минбаъда ва ҷалби сармоя ба самтҳои афзалиятноки рушди иҷтимоиву иқтисодӣ мубодилаи афкор анҷом доданд.

Раиси вилоят таъкид намуд, ки бо дастгирии Ҳукумати Ҷумҳурии Тоҷикистон дар шаҳрҳои Хуҷанд, Бӯстон ва Гулистон як қатор лоиҳаҳои муҳим – бахусус дар самти беҳтарсозии таъминоти оби нӯшокӣ ва таҷдиди шабакаҳои партовоб – ба иҷро расонида шудааст. Дар идомаи ин раванд, ҷалби маблағгузории Бонки аврупоии таҷдид ва рушд барои таҳия ва татбиқи лоиҳаҳои нав дар назар аст.

Раиси вилояти Суғд Раҷаб Аҳмадзода бо директори генералии ҶДММ Корхонаи муштараки «Зарафшон» Оуян Лунао мулоқот анҷом дод.

Дар оғози суҳбат таъкид гардид, ки дар ҳайати роҳбарикунандаи ширкати мазкур тағйирот ба амал омада, Оуян Лунао ба вазифаи директори генералӣ таъин шудааст. Раиси вилоят ба Оуян Лунао дар иҷрои вазифаҳои пурмасъулият муваффақият орзу намуд.

Зимни мулоқот ҷонибҳо натиҷаҳои фаъолияти корхона дар шаш моҳи аввали соли 2025 ва нақшаҳо барои нимсолаи дуюмро мавриди таҳлилу баррасӣ қарор доданд. Раиси вилоят таъкид дошт, ки дар партави сиёсати пешгирифтаи роҳбарияти олии мамлакат, бахусус дар доираи амалисозии ҳадафи чоруми миллӣ – саноатикунонии босуръати мамлакат нақши корхонаи муштараки «Зарафшон» хеле муҳим ва назаррас аст.