Имрӯз Раиси вилояти Суғд Раҷаббой Аҳмадзода бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Эмре Зекӣ Карагёл мулоқот намуд.

Дар мулоқоти ҷонибҳо таъкид гардид, ки бо сиёсати роҳбарони олии ду кишвар Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Туркия муҳтарам Реҷеп Тайип Эрдоган мамлакатҳо муносибатҳои хуби дӯстона дошта, ҳамкориҳои минтақавӣ тавсеа ёфта истодааст. Моҳи майи соли равон гурӯҳи калони соҳибкорони тоҷик ба минтақаҳои Истанбул, Анталия ва Қайсарии Ҷумҳурии Туркия сафар карда, барои таҳкими муносибатҳо бо ҳамтоёни турки худ мулоқотҳои судманд анҷом додаву роҳҳои рушди ҳамкориҳоро баррасӣ карда буданд. Дар ҷавоб  ба сафари доираҳои тиҷоратии вилояти Суғд то имрӯз аллакай чанд гуруҳ соҳибкорони турк ба вилоят ташриф оварда, омодагии худро ҷиҳати тақвияти робитаҳо баён доштанд, ки гувоҳи равшани тавсеаи ҳамкориҳост.

16 июни соли 2022 Раиси вилояти Суғд Раҷаббой Аҳмадзода Сафири Фавқулода ва Мухтори Ҷумҳурии Озарбойҷон дар Ҷумҳурии Тоҷикистон Алимирзамин Аскаровро ба ҳузур пазируфт.

Раиси вилоят дар аснои суҳбат аз тавсеаи муносибатҳои дӯстона изҳори қаноатмандӣ карда, иброз дошт, ки Ҷумҳурии Тоҷикистон ва Ҷумҳурии Озарбойҷон 30 сол инҷониб муносибатҳои дипломатӣ доранд. Дӯстии халқҳои ду мамлакат бошад тӯли асрҳо шакл гирифта, таърихи дерина дорад.

16 июни соли 2022 Раиси вилояти Суғд Раҷаббой Аҳмадзода бо намояндаи тиҷоратии Федератсияи Россия дар Тоҷикистон Евгений Коренков ва соҳибкорону намояндагони ширкатҳои сайёҳии вилояти Липетски ФР мулоқот намуд.

Раиси вилоят меҳмононро, ки бо мақсади иштирок дар Ярмаркаи VIII байналмилалии савдо «Суғд-2022» ба шаҳри Хуҷанд, омаданд, хайрамақдам гуфта, аз таҳкими муносибатҳои дӯстона изҳори қаноатмандӣ кард. Таъкид гардид, ки Тоҷикистону Федератсияи Россия шарикони стратегӣ буда, дар доираи созишномаҳои давлатии дуҷониба ҳамкориҳои иқтисодиву тиҷоратӣ сол ба сол ба густариш ёфта истодааст.

16 июни соли 2022 Раиси вилояти Суғд Раҷаббой Аҳмадзода Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Валихон Турахоновро, ки ҷиҳати иштирок дар Ярмаркаи VIII байналмилалии савдо «Суғд-2022» ба вилоят ташриф овард, ба ҳузур пазируфт.

Дар мулоқот дурнамои ҳамкориҳои иқтисодиву тиҷоратии мутақобилан судманди дуҷониба мавриди баррасӣ қарор гирифт.

Раиси вилояти Суғд Раҷаббой Аҳмадзода роҳбари ширкати "Чолакоғлу груп"-и Ҷумҳурии Туркия Акиф Чолакоғлуро ба ҳузур пазируфт.

Зимни суҳбат ҷонибҳо доир ба ҷалби сармоя ба иқтисодиёти вилоят суҳбат карда, дурнамои ҳамкориҳоро баррасӣ карданд.

Бояд гуфт, ки сафари соҳибкорони турк ба вилояти Суғд сафари ҷавобӣ буда, моҳи майи соли ҷорӣ зери роҳбарии Раиси вилоят соҳибкорони тоҷик ба Ҷумҳурии Туркия сафар намуда буданд.

Имрӯз Раиси вилояти Суғд, Раиси Федератсияи футболи вилоят Раҷаббой Аҳмадзода дар толори меҳмонхонаи «Суғдиён»-и шаҳри Хуҷанд бо мураббиён ва ҳайати дастаи «Эсхата»-и шаҳри Хуҷанд​ мулоқот намуд.

Дар мулоқот таъкид карда шуд, ки футбол аз намудҳои оммавитарини варзиш маҳсуб ёфта, барои таҳкими дӯстии халқҳо хизмат мекунад​ ва ҳамзамон муаррифгари миллату давлатҳост. Дар Ҷумҳурии Тоҷикистон аз​ ҷониби​ ​ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рушди футбол таваҷҷуҳи зарурӣ зоҳир гардида, сатҳи футболи тоҷик сол ба сол беҳтар гардида истодааст.