Боздиди кории Раиси вилоят Раҷаббой Аҳмадзода аз шаҳри Бӯстон

Азназаргузаронӣ: 474

Дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон дар шаҳри Бӯстон меҳмонхонаи «Хуҷанд» ва кӯли шаҳрӣ пурра таъмиру навсозӣ карда мешавад.

Зимни муаррифии тарҳи навсозии меҳмонхона ба Раиси вилояти Суғд Раҷаббой Аҳмадзода иттилоъ дода шуд, ки дар доираи корҳои навсозӣ тамоми ошёна ва ҳуҷраҳо аз таъмири капиталӣ бароварда хоҳад шуд. Меҳмонхонаи мазкур дар асри бист сохта шуда, наздик 20 сол инҷониб фаъолияти назаррас надошт. Бинои меҳмонхона аз 14 ошёна иборат буда, дорои 187 ҳуҷра мебошад ва метавонад 294 нафарро дар як вақт қабул намояд.

Тибқи лоиҳа тамоми утоқҳои корӣ ва ҳуҷраҳои қабули меҳмонон навсозӣ гардида, ошхона барои 126 нафар, тарабхона бо 200 ҷойи нишаст, маҷлисгоҳ, ҳавзи шиноварии болопӯшида ва мавсимӣ, амфитеатр, ҳамом ва дигар иншооти ёрирасон бунёд мегардад.

Боздиди кории Раиси вилоят Раҷаббой Аҳмадзода аз шаҳри Гулистон

Азназаргузаронӣ: 454

Ба истиқболи 35-солагии Истиқлоли давлатии Ҷумҳурии Тоҷикистон дар шаҳри Гулистон сохтмону таҷдид ва навсозии иншооти гуногуни ҷашнӣ идома дорад.

11 ноябр Раиси вилояти Суғд Раҷаббой Аҳмадзода аз корхонаи бунёдшавандаи ҶДММ «Тиглат» боздид намуд. Дар корхонаи нав истеҳсоли рангҳои гуногун барои сохтмон ва хокаи ороишиву пардоздиҳӣ ба роҳ монда хоҳад шуд. Бо ин мақсад айни замон сохтмони биноҳои ёрирасон ва васлу насби дастгоҳи муосир ҷараён дошта, баробари ба кор андохтани он то 70 нафар сокинон бо ҷои корӣ таъмин мегарданд.

Таҷҳизоти корхона аз Ҷумҳурии мардумии Чин ва давлати Туркия ворид гардида, тамоми раванди истеҳсолот мутобиқ ба талабот ва меъёрҳои соҳа ба роҳ монда мешавад. Дар умум, дар ин корхонаи навбунёд то 20 намуди ранг барои сохтмон истеҳсол мегардад.

Мулоқоти Раиси вилоят Раҷаббой Аҳмадзода бо гуруҳи соҳибкорон аз Ҷумҳурии мардумии Чин

Азназаргузаронӣ: 299

11 ноябр Раиси вилояти Суғд Раҷаббой Аҳмадзода гуруҳи соҳибкорон аз Ҷумҳурии мардумии Чинро бо роҳбарии Ху Сяоян ба ҳузур пазируфт.

Зимни мулоқот роҳбари вилоят доир ба имкониятҳои мавҷуда дар вилояти Суғд маълумот дода, ҳавасмандии хешро барои ба роҳ мондани ҳамкорӣ ба сармогузорон изҳор дошт. Таъкид карда шуд, ки дар Тоҷикистон саноатикунонии босуръат ҳадафи стратегӣ эълон гардидааст ва вилояти Суғд барои ташкили корхонаҳои нави саноатӣ метавонад бо шарикони хориҷӣ ҳамкории самарабахшро ба роҳ монад. 

Раҷаббой Аҳмадзода илова намуд, ки соҳибкорони тоҷик бо соҳибкорони чинӣ ҳамкории хубу густурда дошта, айни замон лоиҳаҳои гуногунро дар вилоят амалӣ намуда истодаанд.

Ху Сяоян иброз дошт, ки ӯ ва ҳамроҳонаш дар татбиқи лоиҳаҳои марбут ба тавлиди «энергияи сабз» таҷрибаи калон доранд ва дар ин самт метавонанд ҳамкориро ба роҳ монанд. Ба таъкиди сармоягузорони чинӣ ширкати онҳо бо истифода аз фановариҳои замони муосир аз боду офтоб ва коркарди партовҳо нерӯи барқ истеҳсол менамояд ва ҳавасманд аст, ки бо вилояти Суғд ҳамкорӣ намояд.

Дар соҳили Сирдарё тарабхонаи замонавии «Форел» бунёд карда мешавад

Азназаргузаронӣ: 515

10 ноябр Раиси вилояти Суғд Раҷаббой Аҳмадзода дар шаҳри Хуҷанд бо лоиҳаи тарабхонаи замонавии «Форел», ки дар соҳили рости дарёи Сир сохта хоҳад шуд, шинос гардид.

Тарабхонаи замонавии «Форел» дар доираи корҳои омодагӣ ба истиқболи 35-солагии Истиқлоли давлатии Ҷумҳурии Тоҷикистон сохта мешавад.

Бо назардошти минтақаи хуби истироҳативу сайёҳӣ будани мавзеъ соҳибкорон тасмим гирифтаанд, ки тарабхонаи брендӣ ташкил намуда, ба сокинону меҳмонони шаҳри Хуҷанд хизмат расонанд.

Раиси вилоят бо лоиҳаи пешакии тарабхонаи брендии «Форел» шинос гардида, барои такмилу таҳрири он, тозаву озода нигоҳ доштани соҳили дарё, бартарафсозии иншооти нолозим, таъмиру тармими тайёраи «ИЛ-18», ки дар ин мавзеъ қарор дорад, ба роҳбарияти шаҳр ва соҳибкорон супоришҳо дод.

Бунёди роҳи пиёдагард дар соҳили Сирдарё идома меёбад

Азназаргузаронӣ: 434

Ба истиқболи 35-солагии Истиқлоли давлатии Ҷумҳурии Тоҷикистон ва дар асоси дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ободу зебо гардондани соҳили Сирдарё ва ташкили инфрасохтори зарурӣ барои истироҳату фароғати шаҳрвандон, ҷалби бештари сайёҳону ҷаҳонгардон дар шаҳри Хуҷанд тадбирҳои зарурӣ амалӣ карда мешавад.

Дар доираи корҳои ободонӣ то имрӯз аз пули асосӣ то пули "Ҷашнӣ" бо дарозии 2 километр ва паҳноии 8-10 метр роҳи пиёдагард ва макони истироҳативу фароғатӣ бунёд шуда, барои сайру гашт дар соҳили дарё ва обу тоби бадан шароит фароҳам оварда шуд. Дар идомаи созандагиҳо бунёди роҳи пиёдагард аз дуюм самти пули асосӣ то ҳудуди Боғи фарҳангию фароғатии «Ғалаба» ба нақша гирифта шудааст.

Рӯзи якшанбеи 10 ноябр Раиси вилояти Суғд Раҷаббой Аҳмадзода бо ҳамроҳии роҳбарияти шаҳри Хуҷанд ва масъулини идораҳои дахлдор аз ин мавзеъ боздид карда, барои таҳияи нақшаи бунёди роҳи пиёдагард дар соҳили дарё супоришҳо дода шуд. 

Мақолаҳои боқимонда...