Мақомоти иҷроияи ҳокимияти
давлатии вилояти Суғд
Дар вилояти Суғд ба рушди соҳаи саноат ҳамчун самти калидии пешрафти иқтисодӣ таваҷҷуҳи махсус зоҳир мегардад. Истифодаи самараноки иқтидорҳои мавҷуда, бунёди корхонаҳои нави истеҳсолӣ, роҳандозии истеҳсоли маҳсулоти ивазкунандаи воридот ва ба содирот нигаронидашуда, инчунин ташкили ҷойҳои нави корӣ дар меҳвари таваҷҷуҳт мақомоти иҷроияи ҳокимияти давлатии вилоят қарор дорад.
Раиси вилояти Суғд Раҷаб Аҳмадзода дар ноҳияи Зафаробод бо ҷараёни васлу насби агрегати нави обкашӣ ва таъмири агрегатҳои мавҷуда дар пойгоҳҳои обкашии ноҳия шинос гардид.
Тибқи иттилои масъулин соли ҷорӣ бо дастгирии бевоситаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Ҳукумати мамлакат ва Мақомоти иҷроияи ҳокимияти давлатии вилояти Суғд як агрегати нави обкашӣ аз Ҷумҳурии Мардумии Чин ворид карда шуда, айни замон дар пойгоҳи обкашии «Мирзочӯл-1» насб гардида истодааст.
25 феврал дар бинои Мақомоти иҷроияи ҳокимияти давлатии ноҳияи Зафаробод қабули шаҳрвандон аз ҷониби Раиси вилояти Суғд Раҷаб Аҳмадзода баргузор гардид.
Таъкид шуд, ки дар партави дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баррасии саривақтӣ ва ҳалли мусбати муроҷиатҳои шаҳрвандон дар меҳвари фаъолияти мақомоти давлатӣ қарор дошта, роҳбарияти вилоят ин самтро аз вазифаҳои афзалиятнок медонад. Бо ин мақсад ҳар ҳафта дар бинои Мақомоти иҷроияи ҳокимияти давлатии вилояти Суғд қабули шаҳрвандон баргузор гардида, пешниҳод, арзу дархост ва муроҷиатҳо тибқи талаботи қонунгузории амалкунанда мавриди баррасӣ қарор мегиранд.
Сокинони сарбаланди вилоят, ҳайати фармондеҳӣ ва кулли хизматчиёни ҳарбии ҷузъу томҳои вилояти Суғдро ба муносибати 33-юмин солгарди таъсисёбии Қувваҳои Мусаллаҳи Ҷумҳурии Тоҷикистон самимона табрику муборакбод намуда, ба ҳамагон хотирҷамъию саодати рӯзгор ва дар иҷрои рисолати хизмат ба халқу Ватани маҳбуб дастоварду муваффақиятҳои беназир орзу менамоям.
Дар Ҷамоати деҳоти Палдораки ноҳияи Мастчоҳ бо иштироки Раиси вилояти Суғд Раҷаб Аҳмадзода толори варзишии замонавӣ мавриди истифода қарор гирифт.
Иншоот бо саҳми сокинону соҳибкорони маҳаллӣ бо харҷи беш аз 600 ҳазор сомонӣ таъмиру навсозӣ гардида, барои машғул шудани наврасону ҷавонон ба намудҳои гуногуни варзиш шароити мусоид фароҳам оварда шудааст.
