Кишти пахта дар ноҳияи Мастчоҳ вусъат меёбад

Азназаргузаронӣ: 316

Соли ҷорӣ дар ноҳияи Мастчоҳ кишти пахта дар масоҳати беш аз 12 ҳазору 440 гектар ба нақша гирифта шудааст, ки нисбат ба соли гузашта 2 ҳазор гектар зиёд мебошад. Деҳқонону заминдорон талош доранд, ки кишти пунбадонаро сари вақт ва бо риояи талаботи агротехникӣ ба анҷом расонанд.

16 апрел Раиси вилояти Суғд Раҷаббой Аҳмадзода дар ҷараёни сафари корӣ ба ноҳияи Мастчоҳ аз хоҷагии деҳқонии ба номи “Боқӣ Ҳаким”, воқеъ дар деҳоти Оббурдон боздид намуд. Ӯ бо ҷараёни кишти пахта ва тадбирҳои андешидашуда ҷиҳати баланд бардоштани нишондиҳандаҳои истеҳсолӣ аз наздик шинос гардид. Таъкид шуд, ки рушди соҳаи кишоварзӣ омили муҳим барои фаровонҳосилӣ ва таъмини амнияти озуқаворӣ мебошад ва Ҳукумати Ҷумҳурии Тоҷикистон дар ин самт пайваста тадбирҳои зарурӣ меандешад.

Боздиди Раиси вилоят аз Литсейи касбии агросаноатии ноҳияи Шаҳристон

Азназаргузаронӣ: 277

Зимни сафари корӣ ба ноҳияи Шаҳристон Раиси вилояти Суғд Раҷаббой Аҳмадзода бо фаъолияти омӯзишию истеҳсолии Муассисаи давлатии таълимии Литсейи касбии агросаноатии ноҳияи Шаҳристон шинос шуд. 

Литсей дорои 260 гектар замини обӣ ва лалмӣ буда, дар 25 гектари он кишти картошка ба роҳ монда мешавад. 

Муассисаи таълимӣ шароити хуби амалиро барои донишомӯзон муҳайё намудааст. Донишомӯзон бевосита дар парвариши ниҳолҳо, пайвандсозӣ ва коркарди меваю сабзавот иштирок намуда, раванди корро меомӯзанд.

Дар ноҳияи Шаҳристон кишти картошка идома дорад

Азназаргузаронӣ: 252

Ноҳияи Шаҳристон аз минтақаҳои картошкапарвар дар вилояти Суғд ба ҳисоб рафта, деҳқонон ва кишоварзони ноҳия бо истифода аз шароити мусоиди мавҷуда ва дастрасӣ ба обу замин ҳамасола майдони кишт ва ҳаҷми истеҳсоли картошкаро зиёд мекунанд. 

15 апрел Раиси вилояти Суғд Раҷаббой Аҳмадзода зимни сафари корӣ ба ноҳияи Шаҳристон дар хоҷагии деҳконии "Бурибойота" бо рафти корҳои саҳроӣ, аз ҷумла кишти картошка шинос гардид. 

Тавре иттилоъ дода шуд, хоҷагии мазкур дорои 24,4 гектар замин буда, аз он 6,92 гектар замини обӣ аст, ки дар 3,5 гектари он картошка кишт мешавад. Ба гуфтаи деҳқонон ҳосили бадастомада ба бозорҳои дохилии вилоят, шаҳри Душанбе, вилояти Хатлон ва ВМКБ ба фурӯш бароварда хоҳад шуд. 

Сафари кории Раиси вилоят Раҷаббой Аҳмадзода ба ноҳияи Шаҳристон

Азназаргузаронӣ: 229

Дар вилояти Суғд ҷиҳати таъмини иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти бунёди кӯдакистонҳо тадбирҳои зарурӣ амалӣ карда мешавад. 

Дар ноҳияи Шаҳристон бо иштироки Раиси вилояти Суғд Раҷаббой Аҳмадзода барои бунёди бинои иловагӣ дар кӯдакистони “Ғунча”- и назди шуъбаи маориф санги асос гузошта шуд. 

Бинои дуошёна барои то 240 кӯдак сохта мешавад. Қобили зикр аст, ки сокинони ватандӯсти ноҳия маблағҳое, ки барои сафари Ҳаҷ ҷамъоварӣ карда буданд, ихтиёран барои бунёди иншооти мазкур сарф намуда, саҳми арзандаи худро дар ободонии маҳал ва фароҳамсозии шароити мусоид барои таълиму тарбия мегузоранд.

Дар ноҳияи Спитамен 6490 гектар пахта кишт мешавад

Азназаргузаронӣ: 270

Раиси вилояти Суғд Раҷаббой Аҳмадзода дар доираи сафари корӣ ба ноҳияи Спитамен бо рафти кишти пахта шинос гардид.

Раҷаббой Аҳмадзода дар заминҳои ширкати «Спитамен Текстайлз» ба кишти пунбадона оғоз бахшид. Соли ҷорӣ ширкати мазкур дар масоҳати 2200 гектар пахта кишт мекунад. Барои ба даст овардани ҳосили босифат навъҳои тухмии ба минтақа мутобиқ ва серҳосил истифода мешаванд.

Дар маҷмӯъ, соли ҷорӣ дар ноҳияи Спитамен дар масоҳати 6490 гектар пахта кишт шуда, масъулон талош доранд, ки киштро сари вақт ва бо сифати баланд ба анҷом расонанд. 

Мақолаҳои боқимонда...