Паёми табрикии Раиси вилоят ба муносибати Рўзи Парчами давлатии Ҷумҳурии Тоҷикистон

Азназаргузаронӣ: 246

Сокинони сарбаланди вилоятро ба ифтихори Рўзи Парчами давлатии Ҷумҳурии Тоҷикистон, ки рамзи ватандорӣ, нангу номус, худшиносиву худогоҳӣ ва ваҳдати миллӣ мебошад, аз сидқи дил табрику муборакбод мегӯям. 

Парчамдорӣ ҷузъи муҳими фарҳанги давлатдории халқи тоҷик ба ҳисоб рафта, Парчами давлатӣ баёнгари мавҷудияти миллат ва давлат, соҳиби тамаддун ва таърихи бостонӣ будани миллати мост.

Махсусан, дар даврони нави таърихӣ Парчами давлатии мо ба рамзи ҳастии миллат, садоқат ба арзишҳои муқаддаси Ватану ватандорӣ, ҳимояи марзу буми он ва ҳифзи манфиатҳои давлату миллат мубаддал гардидааст.

Дар ин бора, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чунин таъкид намудаанд: «Парчами давлатӣ дар раванди бунёди давлатдории навин нишонаи возеҳи соҳибдавлатии миллат, мояи ифтихори шаҳрвандон ва омили муҳимтарини иттиҳоду сарҷамъии мардум ба хотири ҳимояи истиқлолу озодии Ватан ва илҳомбахши ҳар як фарди ҷомеа барои заҳмати содиқона ба хотири фардои ободу осуда мебошад».

Ярмарка-фурӯши маҳсулоти кишоварзӣ баргузор шуд

Азназаргузаронӣ: 311

Имрӯз дар шаҳри Хуҷанд ярмарка-фурӯши маҳсулоти кишоварзӣ баргузор гардид.

Дар ярмарка кишоварзон ва истеҳсолкунандагони маҳсулоти ғизоӣ маҳсулоти худро бо нархҳои нисбат ба бозор арзонтао пешниҳоди сокинон намуданд.

Раиси вилояти Суғд Раҷаб Аҳмадзода аз ярмарка боздид карда, барои таъмини фаровонии маҳсулот ба масъулин супоришҳо дод. 

Таъкид гардид, ки ташкили чунин ярмаркаҳо барои нигоҳ доштани тавозуни нархҳо дар бозор, таъмин намудани аҳолӣ бо маҳсулоти арзону босифат ва дастгирии истеҳсолкунандагон мусоидат мекунад.

Мавриди зикр аст, ки чунин ярмаркаҳо бо ташаббуси мақомоти иҷроияи ҳокимияти давлатии вилоят ҳар ҳафта дар шаҳрҳои саноатӣ баргузор мегардад.

Шиносоии Раиси вилояти Суғд бо ҷараёни корҳои навсозӣ дар меҳмонхонаи “Хуҷанд”

Азназаргузаронӣ: 277

Раиси вилояти Суғд Раҷаб Аҳмадзода дар шаҳри Бӯстон бо рафти корҳои навсозӣ ва таҷдиди меҳмонхонаи “Хуҷанд” шинос гардид.

Меҳмонхонаи “Хуҷанд” аз 14 ошёна иборат буда, барои қабули то 300 нафар меҳмон дар як вақт пешбинӣ шудааст. Иншоот бо тарҳи муосир таҷдид гардида, ҳуҷраҳо, утоқҳои корӣ ва дигар бахшҳои хизматрасонӣ мутобиқ ба талаботи меъёрҳои байналмилалӣ навсозӣ мешаванд.

Ҳамзамон, бунёди як қатор иншооти хизматрасонӣ, аз ҷумла тарабхона, маҷлисгоҳ (конфронс-зал) барои баргузории ҳамоишҳо ва чорабиниҳо, ҳавзҳои шиноварии болопӯшида ва мавсимӣ, амфитеатр, ҳаммом ва дигар иншооти ёрирасон ба нақша гирифта шудааст. Амалӣ гардидани ин тарҳ имконият медиҳад, ки меҳмонхона бо сифати баланд ба меҳмонони дохиливу хориҷӣ хизмат расонад.

Шиносоӣ бо сохтмони корхонаҳои саноатӣ дар ноҳияи Бобоҷон Ғафуров ва шаҳри Бӯстон

Азназаргузаронӣ: 253

Раиси вилояти Суғд Раҷаб Аҳмадзода дар ноҳияи Бобоҷон Ғафуров ва шаҳри Бӯстон бо рафти бунёди як қатор корхонаҳои бузурги саноатӣ шинос гардид.

Зимни боздид аз ҶДММ «Фаровон» ба роҳбари вилоят иттилоъ дода шуд, ки масъулони корхона бо мақсади иҷрои дастуру супоришҳои Пешвои миллат муҳтарам Эмомалӣ Раҳмон доираи фаъолиятро васеъ намуда, барои зиёд намудани ҳаҷми истеҳсол, номгӯи маҳсулот ва таъсиси ҷойҳои нави корӣ тадбирҳои зарурӣ меандешанд.

Бино ба маълумоти мутахассисон иқтидори истеҳсолии корхонаи нави равғанбарорӣ то 200 тонна равған дар як шабонарӯз буда, он метавонад то 50 дарсади талаботи бозори дохилиро бо ин намуди маҳсулот таъмин намояд.

Шиносоӣ бо фаъолияти гармхонаву сардхонаҳо

Азназаргузаронӣ: 202

Масъулони ҶДММ «ММК Агро» тасмим доранд, ки ҷиҳати таъмини иҷрои дастуру ҳидоятҳои Пешвои миллат муҳтарам Эмомалӣ Раҳмон масоҳати гармхонаи замонавиро зиёд намоянд. 

Гармхонаҳои ҶДММ «ММК Агро» аз ҷумлаи гармхонаҳои муосир ба шумор мераванд.

Зимни муаррифии лоиҳаи гармхонаи нави инноватсионӣ ба Раиси вилояти Суғд Раҷаб Аҳмадзода иттилоъ дода шуд, ки гармхона бо технологияҳои ҳозиразамон ва бо усул ҳолландӣ бунёд гардида, масоҳати он беш аз 6 гектар мебошад. Таҷҳизоти муосир, системаи идоракунии технологӣ ва усулҳои пешрафтаи парвариши зироат ба талаботи стандартҳои байналмилалӣ ҷавобгӯ буда, маҳсулоти ин гармхона дар баробари таъмини бозори дохилӣ барои содирот низ равона карда мешавад.

Мақолаҳои боқимонда...