25 марти соли 2026 дар шаҳри Хуҷанд бо иштироки Раиси вилояти Суғд Раҷаб Аҳмадзода ва директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Султонзода Сулаймон Саид бинои нави “Меҳмонхона”-и Раёсати Агентии мазкур дар вилояти Суғд ба истифода дода шуд.
Зимни ифтитоҳи иншоот таъкид гардид, ки бунёди он дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Раҳмон амалӣ гардида, ба беҳтар намудани шароити хизматӣ ва будубоши кормандони мақомоти ҳифзи ҳуқуқ равона шудааст.

Дар шаҳри Конибодом бо иштироки Раиси вилояти Суғд Раҷаб Аҳмадзода марҳилаи дуввуми атраксионҳои боғчаи бачагонаи “Кайҳон” дар фазои тантанавӣ мавриди истифода қарор гирифт.

23 марти соли 2026 Раиси вилояти Суғд Раҷаб Аҳмадзода ба шаҳри Конибодом сафар намуда, дар тантанаҳои наврӯзии сокинони Ҷамоати деҳоти Фирӯзоба ширкат варзид.
Сокинони деҳоти Фирӯзоба бо эҳтироми хос ба суннатҳои миллӣ ҳамасола Наврӯзи байналмилалиро бо шукӯҳу шаҳомати хоса таҷлил менамоянд. Имсол низ мардуми ин минтақа бо оростани хаймаҳои идона, омода намудани суманак, пешниҳоди таомҳои миллӣ ва намоиши ҳунарҳои мардумӣ ҷашни Наврӯзро бо руҳияи баланд истиқбол гирифтанд.

23 март Раиси вилояти Суғд Раҷаб Аҳмадзода ба қисмҳои ҳарбии мустақар дар шаҳри Конибодом омада, аз номи Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали артиш, Пешвои миллат муҳтарам Эмомалӣ Раҳмон афсарону сарбозонро ба муносибати Иди байналмилалии Наврӯз табрик гуфт.
Таъкид гардид, ки Наврӯз ҳамчун ҷашни куҳанбунёди миллӣ рамзи эҳёи табиат, сулҳу дӯстӣ ва арҷгузорӣ ба арзишҳои волои инсонӣ ба ҳисоб меравад.