Шиносоӣ бо сохтмони иншооти ҷашнӣ дар шаҳри Хуҷанд

Азназаргузаронӣ: 293

Имрӯз Раиси вилояти Суғд Раҷаббой Аҳмадзода дар шаҳри Хуҷанд бо раванди корҳои сохтмонӣ дар як қатор иншооти ҷашнӣ шинос гардид. 

Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ба истиқболи ҷашни 35-солагии Истиқлоли давлатии Ҷумҳурии Тоҷикистон дар шаҳри Хуҷанд сохтмони силсилаи иншооти гуногун идома дорад. Дар ин раванд ба ташкили макони истироҳат барои сокинон низ таваҷҷуҳи зарурӣ зоҳир гардида, барои истифодаи самараноки имкониятҳо чораҷӯӣ карда мешавад. Аз ҷумла, дар соҳили Сирдарё барои истироҳату фароғати сокинон шароити мусоид фароҳам оварда шуда, аз пули куҳна то пули "Ҷашнӣ" бо дарозии 2 километр ва паҳноии 8 метр роҳи пиёдагард ва макони истироҳативу фароғатӣ ташкил карда хоҳад шуд. 

Шиносоии Раиси вилоят бо ҷараёни ҷамъоварии пахта дар ноҳияи Зафаробод

Азназаргузаронӣ: 287

17 сентябри соли 2024 Раиси вилояти Суғд Раҷаббой Аҳмадзода дар ноҳияи Зафаробод бо рафти ҷамъоварии пахта шинос гардид.

Раиси вилоят дар хоҷагиҳои деҳқонии «Хушекат» ва «Панҷшер»-и ноҳия ғунучини ҳосилро мавриди таваҷҷуҳ қарор дода, якҷо бо чинакчиён дар ҷамъоварии ҳосил ёрӣ расонид.

Иттилоъ дода шуд, ки хоҷагии деҳқонии «Хушекат» соли 1999 таъсис ёфта, дорои 8 гектар замин аст, ки дар 4 гектари он пахта кишт шудааст. Дар хоҷагии деҳқонии «Панҷшер» бошад 6 гектар пахта кишт гардида, айни замон ҷамъоварии ҳосил идома дорад.

Боздиди кории Раиси вилоят аз ноҳияи Ҷаббор Расулов

Азназаргузаронӣ: 245

Дар доираи сафари корӣ ба ноҳияи Ҷаббор Расулов Раиси вилояти Суғд Раҷаббой Аҳмадзода бо фаъолияти нуқтаи захираи пиёзи ҶДММ «Мирҷалол» шинос гардид.

Корхонаи мавсимӣ аз ҷониби соҳибкори маҳаллӣ Мирҷамол Ҷамолов дар масоҳати 1,17 гектар замин таъсис дода шуда, аз ду қитъа иборат мебошад, ки яке 0,49 ва дигаре 0,68 гектарро дар бар мегирад. Дар ин корхонаи мавсимӣ асосан пиёз бо усули муосир тоза ва коркард карда шуда, барои фурӯш ва содирот пешниҳод мегардад.

Дар давраи коркарди пиёз, ки 2 моҳ идома мекунад, беш аз 500 нафар занону духтарони маҳаллӣ ба кор ҷалб карда мешаванд.

Шиносоӣ бо ҷараёни ҷамъоварии пахта дар ноҳияи Ҷаббор Расулов

Азназаргузаронӣ: 191

16 сентябри соли 2024 Раиси вилояти Суғд Раҷаббой Аҳмадзода ба ноҳияи Ҷаббор Расулов сафари корӣ анҷом дода, бо рафти ҷамъоварии пахта шинос гардид.

Дар хоҷагии деҳқонии «Абдуллоҷон» -и Ҷамоати деҳоти Ғӯлакандоз роҳбари вилоят бо масъулони соҳаи кишоварзӣ ба чиниши пахта оғоз бахшида, барои пурра ва беталаф ҷамъоварӣ намудани ҳосил ба хоҷагидорон тавсияҳои судманд дод.

Зимни суҳбат бо меҳнаткашон Раиси вилоят таъкид намуд, ки аз боду ҳавои мусоид истифода бурда, ҷиҳати ҳарчи тезтар ғунучин кардани ҳосили пахта ва дар ҳудуди ноҳия коркард намудани он чораҷӯӣ карда шавад.

Мумфаршкунии роҳҳои дохилӣ дар ноҳияи Спитамен

Азназаргузаронӣ: 229

Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар деҳаи Саидқалъаи ноҳияи Спитамен мумфаршкунии роҳҳо идома дорад.

Раиси вилояти Суғд Раҷаббой Аҳмадзода 16 сентябр ба деҳаи Саидқалъа омада, бо сокинони бунёдкори он суҳбати самимӣ анҷом дод. 

Аснои суҳбат қайд карда шуд, ки бо дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар саросари мамлакат корҳои ободониву бунёдкорӣ вусъат ёфта, шаҳрвандон барои истиқболи шоистаи ҷашни 35-солагии Истиқлоли давлатии Ҷумҳурии Тоҷикистон аҳлона меҳнат намуда истодаанд.

Дар зимн ба ташаббускории сокинони деҳаи Садиқалъа, ки бо аҳлона то имрӯз 8 км роҳро мумфарш намудаанд, баҳои баланд дода шуд.

Мақолаҳои боқимонда...