Ҷаласаи кории роҳбари вилоят бо фаъолони шаҳри Конибодом

Азназаргузаронӣ: 259

Дар бинои Кумитаи иҷроияи Ҳизби халқии демократии Тоҷикистон дар шаҳри Конибодом бо иштироки Раиси вилояти Суғд Раҷаббой Аҳмадзода ҷаласаи корӣ баргузор гардид.

Дар ҷаласа масъалаҳои муҳими фаъолияти мақомоти маҳаллӣ, раванди кишти баҳорӣ, вусъати корҳои ободониву созандагӣ ба ифтихори 35-солагии Истиқлоли давлатӣ ва зарурати риояи ҳатмии қонунҳои амалкунандаи кишвар мавриди таҳлилу баррасӣ қарор гирифтанд.

Раиси вилоят зимни баромад вазъи соҳаи кишоварзии шаҳрро мавриди таҳлил қарор дода, зарурати ҷонноксозии корҳо дар самти кишти пунбадонаро таъкид намуд. Тавре зикр гардид, кишти пахта дар муҳлатҳои оптималӣ заминаи устувор барои гирифтани ҳосили дилхоҳ аст. Аз ин рӯ, масъулини соҳа муваззаф гардиданд, ки корҳои саҳроиро бо суръати дучанд ба роҳ монанд ва барои иҷрои пурраи нақша тадбирҳои зарурӣ андешанд.

Шиносоӣ бо фаъолияти пойгоҳҳои обкашӣ ва нашъунамои пахта дар Конибодом

Азназаргузаронӣ: 233

Бо иқдомҳои роҳандозишуда дар самти беҳтар намудани ҳолати мелиоративии заминҳо дар шаҳри Конибодом имконият фароҳам омадааст, ки вазъи обёрии заминҳо беҳтар гардад.

Зимни сафари корӣ ба шаҳру деҳоти Конибодом Раиси вилояти Суғд Раҷаббой Аҳмадзода нахуст бо вазъи кунунии пойгоҳи "Маҳрам-1" шинос гардида, бо масъулини соҳаи мелиоратсия суҳбат анҷом дод. Гуфта шуд, ки дар заминаи дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои охир як қатор лоиҳаҳои муҳим дар самти таъмини деҳқонон бо оби полезӣ амалӣ гардидаанд.

Пойгоҳи обкашии "Маҳрам-1" дорои 8 агрегат буда, тавассути он об ба баландии 69 метр ва масофаи 2000 метр бардошта мешавад. Айни замон се агрегати он фаъол буда, мутобиқ ба дархости хоҷагидорон об расонида мешавад. Бо истифода аз ин пойгоҳ заминҳои ҷамоатҳои Лоҳутӣ ва Куҳандиёр бо оби полезӣ таъмин мегарданд.

Мулоқоти Раиси вилояти Суғд Раҷаббой Аҳмадзода бо намояндагони ташкилоти МАГАТЭ

Азназаргузаронӣ: 117

30 апрел Раиси вилояти Суғд Раҷаббой Аҳмадзода намояндагони ташкилоти МАГАТЭ-ро бо роҳбарии Стейскал Сандра Мари ба ҳузур пазируфт.

Зимни мулоқот ҷонибҳо аз таҳкими ҳамкорӣ миёни вилояти Суғд ва ташкилоти МАГАТЭ изҳори қаноатмандӣ намуданд.

Иттилоъ дода шуд, ки мақсад аз ташрифи меҳмонон гузаронидани мониторинги фаъолияти таҷҳизоти нурафканӣ дар шуъбаи табобати нурии Маркази саратоншиносии вилояти Суғд мебошад.

Соли 2025 дар асоси лоиҳа Маркази саратоншиносии вилояти Суғд бо дастгоҳи рентгении рақамии "Evolution", ки 203 132 евро арзиш дорад, таъмин шудаву айни замон таҷҳизот мавриди истифода қарор дорад. Дар назар аст, ки аз ҷониби ташкилот таҷҳизоти нурафкании "Брахитерапия" бо арзиши 324 055 евро низ дастрас карда шавад.

Тадбирандешиҳо ҷиҳати таъмини аҳолӣ бо оби нӯшокӣ дар Панҷакент

Азназаргузаронӣ: 116

Дар шаҳри Панҷакент ба масъалаи таъмини сокинон бо оби тозаи нӯшокӣ таваҷҷуҳи хоса зоҳир мегардад. Дар доираи сафари корӣ ба шаҳри Панҷакент Раиси вилояти Суғд Раҷаббой Аҳмадзода бо ҷараёни татбиқи лоиҳаи таъминот бо оби нӯшокӣ шинос шуд.

Тавре иттилоъ дода шуд, лоиҳаи мазкур бо дастгирӣ ва маблағгузории Ҳукумати Ҷумҳурии Тоҷикистон ва Бонки Аврупоии Таҷдид ва Рушд амалӣ гардида, мақсад аз он беҳтар гардондани инфрасохтори обрасонӣ ва дастрасии аҳолӣ ба оби босифат мебошад. Корҳои сохтмонӣ ҷиҳати татбиқи лоиҳа аз соли 2017 оғоз ёфта, то имрӯз қисми зиёди он ба анҷом расидааст.

Бо пурра ба анҷом расидани лоиҳа беш аз 50 ҳазор нафар сокинони деҳаҳои Пули Гирдоб, Гезани Боло, Гезани Поён ва Хурмӣ бо оби тозаи нӯшокӣ таъмин мегарданд. Мувофиқи гуфтаи масъулон, об пеш аз ба сокинон расонидан комилан коркард ва безарар гардонда шуда, мутобиқ ба стандартҳои сифат ба аҳолӣ пешниҳод мегардад.

Шиносоӣ бо сохтмони Боғи фарҳангию фароғатии ба номи Абулқосим Фирдавсӣ

Азназаргузаронӣ: 181

Ба истиқболи 35-солагии Истиқлоли давлатии Ҷумҳурии Тоҷикистон дар шаҳри бостонии Панҷакент Боғи фарҳангию фароғатии ба номи Абулқосим Фирдавсӣ- муаллифи шоҳасари безаволи «Шоҳнома» бунёд гардида истодааст.

Боғи ба номи Абулқосим Фирдавсӣ дар даромадгоҳи шарқии шаҳри Панҷакент, дар буриши хиёбони Рӯдакӣ ва кӯчаи Саъдии Шерозӣ бунёд мешавад. Тибқи лоиҳа, тарҳи майдон ба асбоби мусиқии тор шабоҳат дошта, он аз дарвозаи муҳташам, муҷассамаи Абулқосим Фирдавсӣ, деворнигораҳо, муҷассамаҳои қаҳрамонҳои достони безаволи «Шоҳнома», аз ҷумла Рустаму Сӯҳроб, аспҳое, ки дар ин шоҳасар тасвир шудаанд, роҳраву нишастгоҳо ва фаввораҳо иборат хоҳад буд.

Раиси вилояти Суғд Раҷаббой Аҳмадзода аснои сафари корӣ ба шаҳри Панҷакент бо сохтмони боғ шинос шуда, ба бинокорону сохтмончиён барои мутобиқ ба лоиҳа ва бо сифати баланд бунёд намудани Боғи фарҳангию фароғатии Абулқосим Фирдавсӣ тавсияҳо дод.

Мақолаҳои боқимонда...