Сафари кории Раиси вилоят Раҷаббой Аҳмадзода ба ноҳияи Деваштич

Азназаргузаронӣ: 3742

25 август Раиси вилояти Суғд Раҷаббой Аҳмадзода ҷиҳати шиносоӣ бо ҷараёни корҳои ободонию созандагӣ ба ноҳияи Деваштич сафари корӣ анҷом дод.

Зимни сафар роҳбари вилоят нахуст дар деҳаи Ҳазорчашмаи Ҷамоати деҳоти Муҷун рафти сохтмони муассисаи таҳсилоти миёнаи умумии рақами 5-ро мавриди таваҷҷуҳ қарор дод. Чуноне иттилоъ дода шуд, бинои нави таълимӣ бо дастгирии Ҳукумати Ҷумҳурии Тоҷикистон ва бо харҷи 1,4 миллион доллари ИМА сохта шуда, барои 620 хонанда дар як баст пешбинӣ гардидааст. Бинои муҳташами замонавӣ аз 4 ошёна иборат буда, дорои 29 синфхона, 5 утоқи корӣ, лаборатория, толори хониш, китобхона,  ошхона, маҷлисгоҳ, толори калони варзишӣ ва дигар иншооти зарурӣ мебошад.

Имрӯз Пешвои миллат Эмомалӣ Раҳмон ба истиқболи ҷашни 31-солагии Истиқлолияти давлатӣ ба намояндагони касбу кори гуногун мукофот ва унвону ҷоизаҳои давлатиро супориданд

Азназаргузаронӣ: 4853

25 август дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истиқболи ҷашни 31-солагии Истиқлолияти давлатӣ ба намояндагони касбу кори гуногун, ки дар фаъолияти корӣ натиҷаҳои назаррас доранд, мукофот ва унвону ҷоизаҳои давлатии Ҷумҳурии Тоҷикистонро супориданд.

Қабл аз оғози маросими супоридани мукофотҳои давлатӣ Президенти Ҷумҳурии Тоҷикистон муҳтарам Эмомалӣ Раҳмон ҳозиринро ба муносибати ҷашни миллӣ — 31-солагии Истиқлолияти давлатӣ таҳният гуфта, таъкид намуданд, ки дар арафаи ҷашни солгард бо мукофотҳои давлатӣ сарфароз гардонидани намояндагони касбу кори гуногун, аз ҷумла аҳли зиё, хизматчиёни давлатӣ ва кормандони дигар соҳаҳо нишонаи қадршиносии Ҳукумат дар давлатдории миллии мо мебошад.

Боздиди Раиси вилоят аз рафти корҳои сохтмонӣ дар осоишгоҳи "Соҳил" ва бинои Нозироти андоз дар шаҳри Гулистон

Азназаргузаронӣ: 2015

Дар истироҳатгоҳу осоишгоҳҳои шаҳри Гулистон, ки аз минтақаҳои сайёҳии вилояти Суғд маҳсуб меёбад, давоми нимсолаи якуми соли ҷорӣ беш аз 13 ҳазор нафар сайёҳони дохилӣ ва хориҷӣ табобат гирифтаанд.

Дар Гулистон теъдоди зиёди осоишгоҳҳо мавҷуд буда, дар шаҳри соҳили Баҳри тоҷик барои истироҳату табобат беҳтарин шароит фароҳам оварда шудааст.

Шиносоӣ бо сохтмони иншооти истеҳсолӣ дар шаҳри Гулистон

Азназаргузаронӣ: 1912

Ҷиҳати расидан ба ҳадафи чоруми миллӣ-саноатикунонии босуръати мамлакат дар шаҳри Гулистон сохтмони корхонаҳои истеҳсолӣ ва фабрикаҳои мурғпарварӣ идома дорад.

Раиси вилояти Суғд Раҷаббой Аҳмадзода дар шаҳри Гулистон рафти сохтмони иншооти истеҳсолиро мавриди таваҷҷуҳ қарор дод. Чуноне иттилоъ дода шуд, бо иқдоми ҶДММ "Парандаи заррин" дар шаҳр фабрикаи мурғпарварӣ сохта шуда, ҷойҳои нави корӣ ташкил карда мешавад. Ҳамзамон дар минтақаи саноатии шаҳр аз ҷониби ҶДММ "Ганҷи Сомон" низ бунёди фабрикаи мурғпарварӣ идома дошта, бо фаъол гаштани ин ду фабрика даҳҳо нафар бо ҷойи корӣ ва маоши хуб таъмин мегарданд.

Шиносоӣ бо фаъолияти ҶДММ "Хубҷамъинвест" ва лоиҳаи хатти нави истеҳсолӣ

Азназаргузаронӣ: 3249

Дар ҶДММ "Хубҷамъинвест", ки ба коркарди ғалла ва истеҳсоли орд машғул аст, хатти нави истеҳсолӣ фаъол мегардад. Дар ин бора зимни боздиди Раиси вилояти Суғд Раҷаббой Аҳмадзода аз корхонаи мазкур иттилоъ дода шуд.

"Хубҷамъинвест" яке аз корхонаҳои калони истеҳсолкунандаи орд буда, айни замон дар анборҳои он миқдори зарурии ғалла захира карда шудааст. Роҳбарияти корхона тасмим дорад, ки дар амалишавии ҳадафи чоруми миллӣ-санотикунонии босуръати кишвар саҳм гузошта, хатҳои нави истеҳсолиро ворид намуда, истеҳсоли маҳсулотро зиёд намояд.

Мақолаҳои боқимонда...