Вохӯрии гурӯҳи корӣ бо сокинони шаҳри Конибодом

11-уми июни соли ҷорӣ дар толори Мақомоти иҷроияи ҳокимияти давлатии шаҳри Конибодом бо мақсади таъмини иҷрои амри Раиси вилояти Суғд аз 30 апрели соли 2024, №61 ва тибқи нақшаи чорабинии тасдиқгардида дар ин самт, бахшида ба «Соли маърифати ҳуқуқӣ» эълон намудани соли 2024 бо сокинони касбу кори гуногуни шаҳр вохурӣ баргузор гардид.

Дар вохӯрӣ муовини сардори Раёсати кор бо ҷавонон ва варзиши вилояти Суғд Қаҳорова Муноҷот, муовини сардори Раёсати адлияи вилояти Суғд Самадзода Ифтихор Амрохон, муовини раиси шаҳри Конибодом Охунзода Одил ва аъзоёну намояндагони гурӯҳи кории доимоамали вилояти Суғд, аз ҷумла, судяи Суди вилояти Суғд Ашурзода Нурулло, сармутахассиси шуъбаи дин, танзими анъана ва ҷашну маросими миллии мақомоти иҷроияи ҳокимияти давлатии вилояти Суғд Ризозода Равшан ва сармутахассиси Раёсати кор бо занон ва оилаи мақомоти иҷроияи ҳокимияти давлатии вилояти Суғд Абдураҳимзода Маҳбуба иштирок ва суханронӣ намуданд.

Беш аз 80 оила дар маҳаллаи "40-солагии Дилварзин" бо оби нӯшокӣ таъмин гардиданд

Дар маҳаллаи "40-солагии Дилварзин "- и Ҷамоати деҳоти Палдораки ноҳияи Мастчоҳ барои беҳтар намудани вазъи таъминоти оби нӯшокӣ чоҳи амудӣ кофта шуд, ки дар натиҷа 80 оила бо оби тозаи ошомиданӣ таъмин гардиданд.

Ин тадбир дар доираи нақшаи чорабиниҳои мақомоти иҷроияи ҳокимияти давлатии ноҳияи Мастчоҳ ва Даҳсолаи байналмиллалии амал "Об барои рушди устувор" бо дасгирии Саридораи геологияи назди Ҳукумати Ҷумҳурии Тоҷикистон ва қисман саҳми аҳолӣ амалӣ гардид.

Ин тадбирандешиҳо дар партави дастуру ҳидоятҳои Пешвои миллат муҳтарам Эмомалӣ Раҳмон ҷиҳати ҳалли мушкилоти дастрасии аҳолӣ бо оби нӯшокӣ дар деҳот рӯи кор омадаанд.

Ифтитоҳи маркази хизматрасонӣ ва забонмӯзӣ

Дар доираи тадбирҳои ободониву бунёдкорӣ ба истиқболи сазовори 35-солагии Истиқлоли давлатии Ҷумҳурии Тоҷикистон дар шаҳри Бӯстон маҷмааи хизматрасонии “Ҳайат” воқеъ дар кӯчаи Мирзо Турсунзода мавриди баҳрабардорӣ қарор дода шуд.

Дар маросими ифтитоҳи иншоот таъкид гардид, ки Ҳукумати мамлакат соҳаи соҳибкориро дар “Стратегияи миллии рушди Ҷумҳурии Тоҷикистон барои давраи то соли 2030” ҳамчун неруи пешбарандаи рушди босуботи иқтисодӣ, воситаи асосиии таъмин кардани ҳадафҳои миллӣ ва дар ин замина муҳайё намудани шароит барои ҳалли масъалаҳои марбут ба дастгирии соҳибкорӣ, бахусус тамоюлҳои рушди фаъолияти соҳибкории занон муайян кардааст.

Ҳамзамон, яке аз иқдомҳои наҷибу созанда, ҷиҳати дастгирӣ ва густариши шоистаи фаъолияти соҳибкории занону бонувони ҳунарманд ва беҳтар шудани шароити оилавии онҳо таъсири назаррасро доро аст, ин роҳандозӣ шудани грантҳои президентӣ, вилоятӣ ва шаҳрӣ мебошад.

Категорияҳои дигари ин бахш

Категорияҳои дигари ин бахш