Истаравшан. Дар деҳаи Сӯфиориф бар ивази сафари ҳаҷ пули нав месозанд

Бо иқдоми соҳибкори маҳаллӣ Меҳроҷ Юлдошзода ва сокинони деҳа бо харҷи беш аз 500 ҳазор сомонӣ дар деҳаи Суфиорифи деҳоти “Зарҳалол” дар болои сойи деҳа пули нав бунед карда мешавад.

Дарозии пул 20 ва паҳноии он 8 метр буда, сохтмони он тибқи меъерҳои пулсозӣ аз ҷониби сохтмончиёни маҳаллӣ сохта ва дар арафаи ҷашни Истиқлолияти давлатӣ мавриди истифода қарор дода мешавад.

Бояд қайд кард, ки соҳибкори маҳаллӣ маблағҳои барои сафари ҳаҷ ҷамъоварӣ намудаашро низ ба ин кори хайр сарф карда, дар ин ҷода якҷо бо раиси деҳа ва собиқадорони маҳал ҳамдеҳагонашро ҳам ба корҳои ободониву созандагӣ ҷалб намуда истодааст.

Идомаи баргузории мулоқот бо омӯзгорон, хонандагон ва волидайни онҳо дар шаҳри Бӯстон

Бо мақсади амалӣ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар асоси нақшаи чорабиниҳои мақомоти иҷроияи ҳокимияти давлатии шаҳри Бӯстон дар толори Мактаби Президентӣ барои хонандагони болаёқат дар шаҳри Бӯстон, бо хонандагони синфҳои болоӣ ва волидони онҳо мулоқот доир гардид. 

Дар мулоқот аъзои гуруҳи кории мақомоти иҷроияи ҳокимияти давлатии шаҳр оид ба дастуру супоришҳои Пешвои муаззами миллат муҳтарам Эмомалӣ Раҳмон, ки зимни ироаи Паёми навбатиашон ба Маҷлиси Олӣ ва мулоқот бо аҳли ҷамоатчигии мамлакат 9 марти соли 2024 баён доштанд, ибрози назар намуда, таъкид доштанд, ки бояд наврасону ҷавонон дар руҳияи ватандӯстӣ тарбия карда шаванд. 

Зимни вохӯрӣ инчунин ҷиҳати пешгирии содиршавии ҳодисаҳои номатлуб, аз қабили шомилшавии ҷавонон ба ҳизбу ҳаракатҳои террористиву экстремистӣ, баланд бардоштани тарбияи ватандӯстии шаҳрвандон, баланд бардоштани маърифати сиёсию-ҳуқуқӣ ва фарҳангии онҳо, ҷалби саривақтии ҷавонон барои даъват ба хизмати ҳатмии ҳарбӣ дар сафи Қувваҳои Мусаллаҳи Ҷумҳурии Тоҷикистон, тарзи дуруст истифода бурдани шабакаҳои иҷтимоӣ ибрози назар карда шуд.

Хуҷанд. Даври аввали Озмуни ҷумҳуриявии «Беҳтарин хизматчии давлатӣ аз ҳисоби занон» баргузор гардид

Дар толори хурди Кохи «Суғдиён”-и шаҳри Хуҷанд даври аввали Озмуни ҷумҳуриявии «Беҳтарин хизматчии давлатӣ аз ҳисоби занон» баргузор гардид.

Муяссара Қаҳҳорӣ, муовини раиси шаҳри Хуҷанд озмунро ифтитоҳ намуда, аз ҷумла таъкид дошт, ки Кумитаи кор бо занон ва оилаи назди Ҳукумати Ҷумҳурии Тоҷикистон бо мақсади таъмини бештари иштироки занон дар ҳаёти сиёсӣ ва ҷамъиятӣ, ҷалби онҳо ба раванди идоракунӣ ва қабули қарорҳо, амалӣ намудани ҳадафҳои Стратегияи миллии рушди Ҷумҳурии Тоҷикистон- то соли 2030 ба 30 фоиз расонидани теъдоди хизматчиёни давлатӣ ва то ба 25 фоиз расонидани теъдоди кадрҳои роҳбарикунанда аз ҳисоби занон дар заминаи амалишавии Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2022-2030 Озмуни ҷумҳуриявии «Беҳтарин хизматчии давлатӣ аз ҳисоби занон»-ро дар байни занону духтарони соҳаи хизмати давлатӣ баргузор намуда истодааст. Дар даври шаҳрии озмуни мазкур 14 нафар занон аз ҳисоби хизматчиёни давлатӣ ширкат варзида истодаанд ва умедворем, ки то даври ҷумҳуриявӣ фаъолона иштирок варзида мақомҳои ифтихориро ба даст хоҳанд овард. 

Категорияҳои дигари ин бахш

Категорияҳои дигари ин бахш