Мақомоти иҷроияи ҳокимияти
давлатии вилояти Суғд
Субҳи рӯзи 5 май бо роҳбарии масъулони Вазорати сайёҳӣ ва мероси фарҳангии Ҷумҳурии Ӯзбекистон намояндагони ширкатҳои сайёҳии ин кишвар ба вилояти Суғд ташриф оварданд.
Меҳмонон тавассути гузаргоҳи сарҳадии «Фотеҳобод» ба вилоят ворид гардиданд ва онҳоро масъулони Кумитаи рушди сайёҳии назди Ҳукумати Ҷумҳурии Тоҷикистон, шуъбаи рушди сайёҳии мақомоти иҷроияи ҳокимияти давлатии вилоят истиқбол гирифтанд.
Дар семоҳаи аввали соли равон 6317 нафар ба осоишгоҳу меҳмонхонаҳои шаҳри Гулистон ташриф овардаву истироҳат намуданд. Дар ин бора аз мақомоти иҷроияи ҳокимияти давлатии шаҳр хабар доданд.
Аз шумораи умумии ташрифовардагон 198 меҳмонони хориҷӣ ва 6119 истироҳаткунандагони дохилӣ буда, меҳмонон дар осоишгоҳҳои шаҳр ба истироҳату фароғат фаро гирифта шудаанд.
Дар доираи тадбирҳои Солҳои рушди деҳот, сайёҳӣ ва ҳунарҳои мардумӣ 19 августи соли равон иштирокчиёни хатсайри сайёҳӣ, ки бо ибтикори Кумитаи рушди сайёҳии назди Ҳукумати Ҷумҳурии Тоҷикистон баҳри муаррифии имконияти сайёҳии минтақаҳои шимоли мамлакат ва тақвияти сайёҳии дохилӣ ташкил карда шудааст, ба шаҳри Истаравшан ташриф оварданд.
Иштирокчиёни чорабиниро, ки аз намояндагони расонаҳои хабарӣ ва вазорату идораҳо иборат буданд, масъулини мақомоти иҷроияи ҳокимияти давлатии шаҳри Истаравшан ва бахши рушди сайёҳӣ дар даромадгоҳи шаҳр бо расму оинҳои меҳмоннавозии хос пешвоз гирифта, ҷиҳати шиносоӣ бо мавзеъҳои сайёҳӣ ва ёдгориҳои таърихиву фарҳангӣ, ҳамзамон инфрасохтори сайёҳии шаҳри Истаравшани бостонӣ меҳмононро тибқи хатсайри сайёҳии дохилишаҳрӣ ҳамроҳӣ намуданд.
