Боздид аз рафти корҳои сохтмонӣ дар иншооти ҷашнии шаҳри Хуҷанд

22 декабр Раиси вилояти Суғд Раҷаббой Аҳмадзода дар шаҳри Хуҷанд бо сохтмони як қатор иншооти ҷашнӣ шинос гардид. 

Дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон дар шаҳри Хуҷанд сохтмони иншооти гуногун, аз ҷумла бинои Палатаи савдо ва саноати вилояти Суғд, бинои Суди вилояти Суғд, бинои иловагии факултаи чоруми Академияи ВКД, маҷмааи муосири варзишии «Суғд Арена», бинои иловагии Маркази саратоншиносии вилояти Суғд, бинои иловагии Маркази клиникавии эндокринологии вилояти Суғд ва бинои иловагии Беморхонаи клиникавии бачагонаи вилояти Суғд ҷараён дорад.

Раиси вилоят зимни боздид барои суръатбахшии корҳо, ободонии ҳудуди иншооти бунёдшаванда, бо сифати баланд иҷро намудани корҳои сохтмонӣ ба роҳбарияти шаҳр ва масъулини бахши сохтмони вилоят супоришҳо дод.

Дар шаҳри Истаравшан майдончаи варзишӣ ба истифода дода шуд

Дар доираи омодагиҳо ба истиқболи сазовори ҷашни 35-солагии Истиқлоли давлатии Ҷумҳурии Тоҷикистон дар деҳаи Ниҷонии шаҳри Истаравшан майдончаи варзишӣ мавриди истифода қарор дода шуд.

Майдончаи варзишӣ барои бозии футбол пешбинӣ карда шуда, бо ташаббуси ду нафар сокинони маҳаллӣ дар масоҳати 1200 метри мураббаъ бо харҷи 350 ҳазор сомонӣ бунёд гардидааст. 

Бо мавриди баҳрабардорӣ қарор гиифтани он сокинони деҳоти дурдасти шаҳр имкон пайдо намуданд, ки бештар ба варзишу тарбияи ҷисмонӣ машғул шаванд.

Суғд. 2166,4 км роҳ аз таъмир бароварда шуд

Дар нуҳ моҳи соли 2024 дар вилояти Суғд 2166,4 км роҳ аз таъмир бароварда шуд.

Тибқи нақша соли равон таъмиру тармими 2077 км роҳҳо, аз ҷумла аз таъмири асосӣ баровардани 211,1 км, гузаронидани таъмири ҷории 1085,1 км ва шағалпӯш намудани 780,8 км роҳ дар назар гирифта шуда буд.       

Бо дастгириҳои Вазорати нақлиёт, мақомоти иҷроияи ҳокимияти давлатии вилоят ва шаҳру ноҳияҳо, инчунин саҳмгузории соҳибкорону саховатмандон ва сокинони ватандӯсти вилоят 2166,4 км роҳ ба таъмир фаро гирифта шуд. 

Аз миқдории умумии роҳҳои таъмиршуда 483,4 км таъмири асосӣ, 915,6 км таъмири ҷорӣ ва 767,4 км шағалпӯш гардидааст.