Ҳунармандони театри шаҳри Хоруғ дар Бӯстон намоишномаи "Лаъли Бадахшон"-ро ба саҳна гузоштанд

Бахшида ба ҷашни 25-солагии Рӯзи Ваҳдати миллӣ ва 100 солагии Ходими намоёни давлатӣ ва ҷамъиятӣ Меҳрубон Назаров бегоҳии  22 июни соли ҷорӣ дар Театри давлатии русии драмма ва мазҳакаи шаҳри Бӯстон намоишномаи "Лаъли Бадахшон"-и ҳунармандони Театри давлатии мусиқӣ-мазҳакавии ба номи Меҳрубон Назарови шаҳри Хоруғ пешниҳоди тамошобинон гардид.

Намоишнома  аз рӯи асари драматурги тоҷик Ҷумъа Қуддус,  аз ҷониби коргардони театр Умеди Хисрав таҳия гардида, ҳунармандони театр бо маҳорати баланди касбӣ нақшофарӣ намуданд.

Дар Ашт мусобиқаи кушоди вилоятӣ оид ба Панкратион ва грэпплинг баргузор гардид

Дар Варзишгоҳи марказии ноҳияи Ашт мусобиқаи кушоди вилоятӣ оид ба Панкратион ва грэпплинг (ADCC) доир гардид. Дар мусобиқа варзишгарон аз Ҷумҳурии Ӯзбекистон, шаҳри Душанбе ва шаҳру ноҳияҳои вилояти Суғд ба ноҳияи Ашт байни ҳам қувваозмоӣ намуданд.

Дар маросими ҷамъбасти мусобиқа раиси ноҳияи Ашт Шӯҳрат Муҳаммадзода, роҳбарони сохторҳои мақомотҳои ҳифзи ҳуқуқ, роҳбарияти ҲХДТ дар ноҳия ва роҳбарони воҳидҳои сохторӣ иштирок намуданд.

12 хатмкунандаи Литсей барои хонандагони болаёқат дар шаҳри Хуҷанд бо дарёфти 2,5 млн. доллар гранти омӯзишӣ ба донишгоҳҳои беҳтарини ИМА дохил шуданд

Соли ҷорӣ Литсей барои хонандагони болаёқат дар шаҳри Хуҷандро 41 нафар хатм мекунанд ва аз ин теъдод 12 нафари онҳо бо дарёфти 2,5 миллион доллар гранти омӯзишӣ ба донишгоҳҳои беҳтарини ИМА дохил шуданд. Дар ин бора директори Литсей барои хонандагони болаёқат дар шаҳри Хуҷанд Сурайёхон Неъматзода иттилоъ дод.

Ба иттилои манбаъ Абдуллоева Меҳрангез, Алишерхон Қосимов, Зокиров Амирбек, Маҳмудов Шарифҷон, Нурсултон Бойҷонов, Маҳмудов Муҳаммад, Усмонов Муҳаммад, Авзалова Маҳлиёхон, Алишер Назаров, Бобочонова Камила, Рӯзиева Азиза ва Самандаров Самандар дар озмунҳои бурсияи донишгоҳҳои ИМА ғолиб омада, соҳиби беш аз 2,5 миллион доллари амрикоӣ грантҳои омӯзишӣ дар беш аз 20 донишгоҳҳои бонуфузи Амрико гардиданд.