Ҷамъоварии пахта дар ноҳияи Ашт идома дорад

Азназаргузаронӣ: 342

17 ноябр Раиси вилояти Суғд Раҷаббой Аҳмадзода зимни сафари корӣ дар ноҳияи Ашт бо рафти ҷамъоварии пахта шинос шуд. 

Бояд таъкид кард, ки ноҳияи Ашт соли равон дар вилоят аввалин шуда нақшаи истеҳсоли пахтаро иҷро намуд.

Дар хоҷагиҳои деҳқонии ноҳия имсол 6037 гектар пахта кишт шуда, пахтакорон бо истифодаи тухмиҳои наву серҳосил ва риояи қоидаҳои агротехникии кишту парвариш ҳосили хуб ба даст овардаанд. Паахтакорони ноҳия санаи 5 ноябр бо ғунучини 14231 тонна "тиллои сафед" нақшаро 100,2 фоиз иҷро карданд.

Аснои боздид мушоҳида гардид, ки ҳанӯз ҳосил дар саҳро зиёд буда, кишоварзони ноҳия бо истифода аз рӯзҳои офтобӣ самараи меҳнаташонро ҷамъоварӣ мекунанд. 

Дар ноҳияи Спитамен нақшаи истеҳсоли пахта иҷро гардид

Азназаргузаронӣ: 349

16 ноябри соли 2023 хоҷагиҳои кишоварзии ноҳияи Спитамен нақшаи истеҳсоли пахта дар соли ҷориро иҷро намуданд.

Раиси ноҳияи Спитамен Темурҷон Нуъмонзода нимаи дуюми рӯз "Муждаи зафар"-ро ба Раиси вилояти Суғд Раҷаббой Аҳмадзода расонид. 

Тибқи иттилои раиси ноҳия пахтакорони ноҳияи Спитамен дар асоси тавсияҳои олимони соҳаи кишоварзӣ имсол дар 5400 гектар пахта кишт карда, бо меҳнати шабонарўзӣ ва кӯмаку дастгириҳои ҳашарчиёну кормандони соҳаҳои гуногун ҳосилро ҷамъоварӣ карданд.

Ҷамоатҳои деҳоти ноҳия бо ташкили ҳашарҳои пахтачинӣ то имрӯз 14695 тонна пахта истеҳсол намуданд, ки ба 100,2 фоиз баробар аст.

Боздиди Сарвари давлат аз намоишгоҳи маҳсулоти кишоварзӣ дар ноҳияи Бобоҷон Ғафуров

Азназаргузаронӣ: 162

14 ноябр дар идомаи сафари корӣ дар вилояти Суғд Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Бобоҷон Ғафуров аз намоишгоҳи маҳсулоти кишоварзии сокинони вилоят дидан карда, бо вазъи соҳа ва дастовардҳои меҳнаткашон шинос шуданд.

Дар намоишгоҳи маҳсулоти кишоварзӣ, бахусус намоиши картошка 14 шаҳру ноҳияи кишоварзии вилояти Суғд иштирок карданд.

Дар намоиш аз ҷониби кишоварзони вилоят зиёда аз 10 навъи картошка, инчунин зиёда аз 30 намуд хӯрокаҳо аз картошка омодашуда пешниҳод гардид.

Ҳамзамон, дар намоишгоҳ аз ҷониби шаҳру ноҳияҳо бо тарҳи зебо маҳсулоти кишоварзӣ, аз қабили сабзавот, полезӣ, мевагӣ, хушкмеваҳо, банду басти хушкмеваҳо ва афшураҳо муаррифӣ карда шуд.

Мақолаҳои боқимонда...