Хабарҳо
Давлат Сафар Изҳорот қ 1 - 27.05.2020 01:27
Дар доираи сафари корӣ ба ноҳияи Деваштич Раиси вилоят аз рафти кишти картошка боздид намуда бо кишоварзон мулоқот кард - 26.05.2020 19:43
Шиносоии Раиси вилоят бо ҷараёни корҳои сохтмонӣ дар ноҳияи Деваштич - 26.05.2020 18:45
Раиси вилоят ҷавонони маъюбро аёдат намуд - 26.05.2020 18:38
Раиси вилоят Раҷаббой Аҳмадзода аз рафти корҳои саҳрои ва аз худ кардани заминҳои нав дар ноҳияи Деваштич шинос шуд - 26.05.2020 18:26
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Фитр - 23.05.2020 20:28
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ҷавонон - 22.05.2020 09:25
Паёми табрикии Раиси вилоят ба муносибати Иди саиди Фитр - 22.05.2020 09:57
Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров - 23.05.2020 18:03
Раиси вилоят оилаҳои аз бемории сироятӣ фавтидаро аёдат намуда изҳори ҳамдардӣ кард - 23.05.2020 17:40

ШАБАКАҲОИ ИҶТИМОӢ НАБОЯД САРЧАШМАИ БАДБИНӢ БАЙНИ ҶОМЕА БОШАНД!

( 0 Овоз )

Имрӯзҳо мардуми Тоҷикистон дар баробари дигар миллату халқҳои олам аз вазъи ногувори баамаломада – пандемияи сирояти коронавируси навъи COVID-19 дар изтиробанд. Ҷумҳурии Тоҷикистон, ки ҷузъе аз ҷомеаи ҷањонист, низ аз таъсири ин бемории сироятӣ берун нест.

Ҳукумати Ҷумҳурии Тоҷикистон таҳти роҳбарии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати пешгирии паҳншавӣ ва интиқоли бемории сироятии коронавируси навъи COVID-19 ва табобати саривақтии мубталоёни он аз рӯзҳои аввали зуҳури ин беморӣ дар мамлакат тамоми чораҳои заруриро андешидаву амалӣ намуда истодааст. Зимни суханронии худ Пешвои миллат муҳтарам Эмомалӣ Раҳмон махсусан иброз доштанд, ки “Ман дар ин лаҳзаҳои барои халқамон душвор шабу рӯз бо мардуми шарифи Тоҷикистон ва дар фикри ҳар як фарди Ватан ҳастам ва ба хотири ҳифзи саломативу ҳаёти сокинони кишвар тамоми тадбирҳоро андешида истодаам.”

Шоҳид ҳастем, ки имрӯзҳо бо истифода аз фурсат бадхоҳони миллату давлати тоҷик барои амалӣ намудани аҳдофи муғризонаи хеш бештар аз расонаҳои иттилоотӣ, аз ҷумла, шабакаҳои иҷтимоӣ истифода мебаранд. Зеро дар марҳилаи кунунӣ таъсири ВАО тамоюли афзоишро касб намуда, дар заминаи рушди интернет шабакаҳои иҷтимоӣ таъсири бештар касб намудаанд.

Дар шабакаҳои иҷитимоӣ саҳифаҳои махсусе пайдо шудаанд, ки баъзе аз онҳо аз номи як минтақа ё вилоят баромад мекунанд. Аъзоёну маъмурони чунин гурӯҳҳо дар саҳифаҳои шабакаҳои иҷтимоии худ маводҳои характери таҳқиромезу иғвобарангезро нисбати давлату миллатро паҳн мекунанд. Ҳарчанд ақидаи як нафар фарди ноогоҳ ва ё нобакор ҳеҷ вақт наметавонад, мавқеи як минтақаи Ҷумҳурии Тоҷикистонро баёнгар бошад, аммо як иттилои нодурусту ғаразнок метавонад афкори чандин нафарро тағйир диҳад. Аз ин лиҳоз, масъулини гурӯҳҳои дар шабакаҳои иҷтимоӣ фаъол вазифадоранд, ки маъсулияти бузургро ба уҳдаи худ бигиранд, то дар байни мардум бадбиниро ба вуҷуд наоранд.

Махсусан имрӯз дар ин лаҳзаҳои ҳассос ҷонибҳои манфиатхоҳ барои амалӣ намудани аҳдофи хеш дар саҳифаи шабакаҳои иҷтимоӣ маводҳои худро ҷо дода, дар байни ҷомеа паҳн мекунанд. Дар гуфтугӯҳои мустақим низ баъзе одамон аз нуқтаи назар ва мавқеи шахсии худ суҳбат мекунанд. Нисбати манфиатҳои миллии мо аз кишварҳои хориҷа андешаҳои худро доранд, ки он набояд барои ҷомеа тариқи мустақим пахш шавад. Онҳо бо чунин суҳбатҳои мустақими худ мафкураи баъзе ҷавононро вайрон мекунанд, дар ҷомеа бадбинӣ ба вуҷуд меоранд, ки оқибати он бо нофаҳмиҳо анҷом меёбад.

Мо бояд бештар аз ҳарвақта муттаҳид бошем, мардумро ба оромӣ, сабурӣ ва таҳаммул даъват намоем, то ин ки ба ҳарос ва таҳлука дода нашаванд. Дар ин лаҳзаҳо ба амали онҳое, ки ҳангомаҳо сохта, мардуми дар изтироб мондаро роҳгум занонида, ҳадафу манфиатҳои шахсӣ ва гурӯҳии худро амалӣ намуданианд, набояд роҳ диҳем.

Масъулини воситаҳои ахбори омма ва гурӯҳҳои дар шабакаҳои иҷтимоӣ фаъол вазифадоранд, ки манфиатҳои миллиро аз дигар масъалаҳои моҳияти шахсиву гурӯҳидошта болотар гузоранд.

Агар имрӯз мо дар баробари ҳуҷумҳои иттилоотӣ, ки ҳадафмандона ва муғризона аз ҷониби душманони давлату миллат роҳандозӣ мешаванд, истодагарӣ накунем, он метавонад ба амнияти милливу давлатиамон таъсири манфӣ расонад.

Дар шароити ҷаҳонишавӣ шиддат гирифтани муборизаҳои иттилоотӣ ҳифзи манфиатҳои миллӣ ва давлатӣ омили асосии таъмини суботу амният ва оромии ҷомеа, рушду шукуфоии кишварамон мебошад. Набояд дар муқобили ҳуҷумҳои иттилоотӣ бетарафиро ихтиёр кард ва хомӯш буд. Ҳушёрии сиёсиро набояд аз даст дод.

Силмон Мавлоназаров, мудири кафедраи технологияи иттилоотӣ ва амнияти иттилоотии Академияи идоракунии давлатии назди Президенти Ҷумҳурии Тоҷикистон, номзади илмҳои педагогӣ

  • 1
  • 2
  • 3
ШУМО ДАР: БАХШҲО Навиди Суғд ШАБАКАҲОИ ИҶТИМОӢ НАБОЯД САРЧАШМАИ БАДБИНӢ БАЙНИ ҶОМЕА БОШАНД!