Зимни боздид аз қисми низомии 05170-и Вазорати мудофиаи кишвар дар шаҳри Панҷакент Сарвари давлат Эмомалӣ Раҳмон бо шароити барои афсарону сарбозон муҳайёгардида бевосита шинос шуда, ба вазъи омодагии касбӣ ва ҳарбии онҳо мароқ зоҳир намуд.

Тавре зикр гардид, яке аз ҳадафҳои асосии ташрифи Сарвари давлат Эмомалӣ Раҳмон ба шаҳри Панҷакент шиносоӣ бо рафти навсозии роҳи мошингарди Айнӣ-Панҷакент аст.

Дар километри 98-и роҳ, ки дар ҳудуди ҷамоати деҳоти Чинор қарор дорад, Сарвари давлат Эмомалӣ Раҳмон бо рафти корҳои навсозии ин роҳ бевосита шинос шуд.

Сарвари давлат Эмомалӣ Раҳмон ба хоҷагии деҳқонии Барги гул ташриф оварда, бо кори намунавии аҳли заҳмати он шинос шуд.

Имрӯз Президенти кишвар Эмомалӣ Раҳмон барои шиносоӣ бо вазъи зиндагии мардум, ифтитоҳи як қатор иншооти нави иҷтимоию иқтисодӣ ва фарҳангӣ ва оғози сохтмони иншооти зиёди дигар ба вилояти Суғд сафар кард.

Нимаи дуввуми рӯз Раиси вилоят Қоҳир Расулзода аз ҶДММ «Нассоҷи Хуҷанд» дидан кард.

Мавриди зикр аст, ки санаи 16 майи соли ҷорӣ Раиси вилоят бо ҷараёни насби таҷҳизот дар корхонаи «Нассоҷи Хуҷанд» шинос шуда буд. Ҳамакнун таҷҳизоти ҷопониву итолёвие, ки ба маблағи беш аз 30 миллион сомонӣ харидорӣ шудааст, пурра насб карда шуд. Ин корхонаи ресандагӣ дорои дастгоҳҳои шонакунӣ, ҳаллоҷӣ, пилтаресиву ресандагӣ буда, 300 нафар сокинони маҳаллӣ ба кор ҷалб карда шудаанд.

Субҳи имрӯз Раиси вилояти Суғд Қоҳир Расулзода аз мактаби № 13, воқеъ дар ҷамоати Ҳайдар Усмони ноҳияи Бобоҷон Ғафуров дидан кард.

Қоҳир Расулзода бо ҷараёни сохтмони бинои иловагии мактаб шинос шуда, аз сифати корҳо дар ин иншоот  изҳори қаноатмандӣ намуд. Роҳбарияти мактаб зимни сӯҳбат бо Раиси вилоят қайд карданд, ки дар ин макони илму маърифат 103 нафар омӯзгор ба таълиму тарбияи қариб 1700 хонанда машғуланд. Бояд гуфт, ки ин мактаб яке аз макотиби калонтарин дар ҳудуди ноҳия буда, солҳои охир норасоии синфхонаҳо ба мушкилоти асосӣ табдил ёфта буд.