Хабарҳо
Худ ва атрофиёнро аз сироятёбӣ ба бемориҳои сироятӣ ҳифз намоед - 02.06.2020 11:54
СИТОДИ ҶУМҲУРИЯВӢ: ИМТИҲОНҲО ДОИР НАМЕШАВАНД! Баҳои аттестатсияи хатм барои хатмкунандагони муассисаҳои таҳсилоти умумии ҷумҳурӣ дар синфҳои 9 ва 11 дар асоси ҷамъбасти баҳои чорякҳо ва солона гузошта мешавад - 02.06.2020 10:15
Хуҷанд: Мулоқоти судманд дар маҳаллаҳои Тути Калон ва Чорчароғ - 02.06.2020 10:12
Боздид аз парвариши помидор ва лимӯ дар қитъаи назди ҳавлигии сокинони деҳаи Заркори ноҳияи Ҷаббор Расулов - 31.05.2020 16:34
Боздиди Раиси вилоят аз нашъунамои ниҳоли пахта дар ноҳияи Ҷаббор Расулов - 31.05.2020 16:36
Раиси вилояти Суғд Раҷаббой Аҳмадзода ҷавонони маъюбро аёдат намуд - 01.06.2020 04:53
Мулоқоти Раиси вилоят Раҷаббой Аҳмадзода бо табибони Маркази саломатии Ҷамоати шаҳраки Меҳробод - 01.06.2020 04:57
Раҷаббой Аҳмадзода тарбиятгирандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд - 01.06.2020 18:41
Шиносоии Раҷаббой Аҳмадзода бо тарзи истифодабарии заминҳои наздиҳавлигӣ дар ноҳияи Бобоҷон Ғафуров - 01.06.2020 17:08
Шиносоӣ бо сохтмони майдони Парчами давлатии Ҷумҳурии Тоҷикистон - 01.06.2020 16:02

Навиди Раиси вилоят

Боздиди кории Раиси вилоят аз шаҳраки Палос

( 1 Овоз )

Видео ::Боздиди кории Раиси вилоят аз шаҳраки Палос

Санаи 9 октябри соли равон  ҳангоми Рӯзи қабули шаҳрвандони  шаҳри Чкалов  як гурӯҳ сокинони ҷамоати Палос  ба Раиси вилоят аз набудани таъминоти оби полезӣ,  хатти озоди барқ, таъмири боми мактаб, тақсимоти қитъаи замин ва набудани таҷҳизоти ултрасадо дархости кӯмак намуда буданд. Зимни мулоқот Қоҳир Расулзода ваъда дода буд, ки бо сафари корӣ ба ҷамоати Палос ташриф меорад.
Субҳи имрӯз Раиси вилоят сафари кори худро аз бунгоҳи тиббии  шаҳрак оғоз кард. Дар ин муассиса  9 утоқи корӣ мавҷуд буда,  ин ҷо 15 нафар кормандон, аз ҷумла 3 нафар табибон  фаъолият доранд. Ба  бунгоҳи тиббии  шаҳрак Раиси вилоят  дастгоҳи ултрасадо тӯҳфа намуд. Ҳамчнин Қоҳир Расулзода аз боғчаи хусусии соҳибкор  Зулхумор Бобоева боздид ба амал овард, ки ин ҷо 95 нафар кӯдакон тарбия мегиранд. Раиси вилоят бо шароити буду боши кӯдакон шинос шуда, ҷиҳати баланд бардоштани маоши мураббияҳо ба роҳбарияти шаҳри Чкалов дастур дод.

Табрики Раиси вилоят ба муносибати Рӯзи ҳуққуқи инсон

( 1 Овоз )

 

Ҳамдиёрони азиз!    
Ҳар сол аҳли башар санаи 10-декабрро чун Рӯзи ҳуқуқи инсон мутантан қайд менамоянд. Таҷлили Рӯзи ҳуқуқи инсон дар Тоҷикистони соҳибистиқлоли мо ба як ҷашни шинохти қонун ва муқаддасии умри инсон табдил ёфтаву сол аз сол ҳусну таровати хоса гирифта, ба иди умумихалқӣ табдил меёбад.
Эътирофи ҳуқуқи инсон асоси ғоявии тамаддуни мардуми тоҷик маҳсуб ёфта, ҳанӯз дар китоби муқаддаси Авасто, замони давлатдории Куруши Кабир ва рӯзгори ориёну ворисони онҳо доир ба мақоми инсон, эътирофи ҳуқуқ ва ҷаҳони ботинию зоҳирии ӯ маълумот ва дастуру амри воқеӣ рӯи кор омадааст.
Дар замони мо аз ҷониби Ассамблеяи Генералии Созмони Миллали Муттаҳид  ба тасвиб расидани Эъломияи ҳуқуқи башар,    Конвенсияи ҳуқуқи кӯдак ва дигар санадҳои муҳими ҳуқуқии байналхалқӣ дар роҳи ҳимояи ҳуқуқи инсон заминаи устуворро муҳайё намуд ва Тоҷикистон чун узви ҷомеаи ҷаҳонӣ ин санадҳои муҳими байналхалқиро эътироф намуда, баҳри татбиқи онҳо корҳои зиёдеро ба анҷом расонид.

Таҷлили мавлуди Ҳунарпешаи мардумӣ Сайрам Исоева

( 1 Овоз )

Видео ::Таҷлили мавлуди Ҳунарпешаи мардумӣ Сайрам Исоева

Дар театри мазҳакаи мусиқии ба номи Камоли Хуҷандӣ  бахшида ба 70 солагии Ҳунарпешаи мардуми Тоҷикистон Сайрам Исоева чорабинии тантанавӣ баргузор гардид.
Дар ибтидои он филмномае аз роҳи тайнамудаи ин бонуи ҳунар дар ҷодаи театр ва кино манзури аҳли толор карда шуд. Сипас вазири фарҳанги Ҷумҳурии Тоҷикистон Мирзошоҳрух Асрорӣ Сайрам Исоеваро аз номи Ҳайъати мушовараи кормандони театри Вазорати фарҳанги Ҷумҳурии Тоҷикистон муборакбод гуфта,   аз хизматҳои ибратбахш ҳунарпеша  дар рушди санъати тоҷик  ёдовар шуд.
Раиси вилояти Суғд Қоҳир Расулзода  зимни суханҳои  табрикотӣ ба  Ҳунарпешаи мардуми Тоҷикистон Сайрам Исоева телевизори ранга ва ҳуҷҷатҳои хонаи дуҳуҷрагиро дар маркази шаҳри Хуҷанд  тӯҳфа намуд.
Дар поёни барнома  саҳначаҳои  театрӣ аз рӯзгори Ҳунарпешаи мардуми Тоҷикистон Сайрам Исоева манзури мухлисон гардид.

Маъракаи ниҳолшинонӣ оғоз гардид

( 0 Овоз )

Видео ::Маъракаи ниҳолшинонӣ оғоз гардид

Ҳамасола бо дастгирии Мақомоти иҷроияи ҳокимияти давлатии вилояти Суғд дар арафаи баҳор, охири моҳи феврал ярмарка- фурӯши ниҳолҳои мевадиҳандаю сояафкан, гулу гулбуттаҳои гуногун ва тухмии зироатҳо баргузор мегардид.
Дар майдони Ситораҳои шаҳри Хуҷанд маъракаи навбатии ярмарка-фуруши ниҳол, инчунин дигар маҳсулоти озуқаворӣ  баргузор гардид. Дар он Раиси вилояти Суғд Қоҳир Расулзода ва  дигар масъулин иштирок доштанд.
Дар ярмарка аз 6 муассисаи давлатии хоҷагии ҷангали вилоят, аз ҷумла хоҷагии ҷангали ноҳия, хоҷагии ҷангали ба номи Нурулло Ҳувайдуллоеви ноҳияи Ашт, хоҷагии ҷангали шаҳри Истаравшан, хоҷагии ҷангали ноҳияи Шаҳристон, хоҷагии ҷангали ноҳияи Зафаробод, инчунин бахши муҳити зисти ноҳияи Спитамен, шаҳри Чкалов ва парваришгоҳи «Арча» иштирок намуданд.

Табрики Раиси вилоят бахшида ба Рӯзи кормандони мақомоти молия

( 0 Овоз )

Ҳамватанони гиромӣ!
Соли дуюм аст, ки тибқи Қонуни Ҷумҳурии Тоҷикистон «Дар бораи рӯзҳҳои ид»  санаи 7-уми декабр чун Рӯзи кормандони мақомоти молия дар қаламрави кишварамон мутантан таҷлил мешавад.
Ҷои ифтихор аст, ки кормандони соҳаи молияи вилоят дар роҳи татбиқи сиёсати хирадмандонаи Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон ва Ҳукумати кишвар бо дарки масъулият ва иҷрои сарбаландонаи вазифаи худ -  омода намудан ва иҷрои буҷети давлатӣ, танзими самаранок истифодабарии маблағҳои буҷети давлатӣ ва идоракунии низоми молиявиро бо талаботи меъёрҳои байналхалқӣ саҳеҳ тарҳрезӣ ва амалӣ намуда, ба натиҷаҳои назарраси меҳнатӣ ноил гардидаанд.

Сафари Қоҳир Расулзода ба ноҳияи Зафаробод

( 1 Овоз )

Видео ::Сафари Қоҳир Расулзода ба ноҳияи Зафаробод

Бо мақсади ошноӣ бо вазъи соҳаи кишоварзӣ, пойгоҳҳои обкашӣ ва омодагии онҳо ба мавсими нави обрасонӣ  Раиси вилояти Суғд, Қоҳир Расулзода ба ноҳияи Зафаробод сафари корӣ дошт. Дар ин сафар Раиси вилоятро муовинони ӯ, сардорони шӯъбаи МИҲД-и вилоят, роҳбарони сохторҳои марбута ва роҳбари Раёсати хоҷагии оби вилоят ва дигар шахсон ҳамроҳӣ намуданд.
Сараввал Раиси вилоят Қоҳир Расулзода аз пойгоҳи обкашии №1 дидан карда, бо рафти таъмир ва омодагии агрегати насосҳо дар пойгоҳ шинос шуд. Ёдовар мешавем, ки ба заминҳои ноҳияи Зафаробод пурра бо насосҳо об дода мешаванд. Имрӯз дар ноҳия 16 пойгоҳ амал мекунад. ПОМ-1-уми Мирзочӯли тоҷик аввали солҳои 60-уми асри гузашта ба истифода дода шуда, он аз дарёи Сир бо шаш насос об мекашад ва 36000 гектар замини корами ноҳияи Зафарободро обшор менамояд.

ШУМО ДАР: БАХШҲО Навиди Раиси вилоят