Боздиди кории Раиси вилоят аз шаҳраки Палос

( 1 Овоз )

Видео ::Боздиди кории Раиси вилоят аз шаҳраки Палос

Санаи 9 октябри соли равон  ҳангоми Рӯзи қабули шаҳрвандони  шаҳри Чкалов  як гурӯҳ сокинони ҷамоати Палос  ба Раиси вилоят аз набудани таъминоти оби полезӣ,  хатти озоди барқ, таъмири боми мактаб, тақсимоти қитъаи замин ва набудани таҷҳизоти ултрасадо дархости кӯмак намуда буданд. Зимни мулоқот Қоҳир Расулзода ваъда дода буд, ки бо сафари корӣ ба ҷамоати Палос ташриф меорад.
Субҳи имрӯз Раиси вилоят сафари кори худро аз бунгоҳи тиббии  шаҳрак оғоз кард. Дар ин муассиса  9 утоқи корӣ мавҷуд буда,  ин ҷо 15 нафар кормандон, аз ҷумла 3 нафар табибон  фаъолият доранд. Ба  бунгоҳи тиббии  шаҳрак Раиси вилоят  дастгоҳи ултрасадо тӯҳфа намуд. Ҳамчнин Қоҳир Расулзода аз боғчаи хусусии соҳибкор  Зулхумор Бобоева боздид ба амал овард, ки ин ҷо 95 нафар кӯдакон тарбия мегиранд. Раиси вилоят бо шароити буду боши кӯдакон шинос шуда, ҷиҳати баланд бардоштани маоши мураббияҳо ба роҳбарияти шаҳри Чкалов дастур дод.

Зимни боздид аз мактаби таҳсилоти умумии №11 Раиси вилоят ҷиҳати таъмири боми мактаб аз ҳисоби буҷаи давлатӣ ва барои таъмири  толориварзишӣ ва маҷлисгоҳи мактаб ба роҳбарияти шаҳри Чкалов  супориш дод.
Лар поёнии сафар  Қоҳир Расулзода аз гармхонаи сокини шаҳрак  Собирҷон Ашӯров дтдан намуд, ки ин  ҷо  25 намуди гулҳо ва  сабзавот парвариш карда мешавад.

 

Хадамоти матбуоти
Раиси вилояти Суғд

Share