Хабарҳо
Бахшида ба Рӯзи Модар озмуни вилоятии «Суруди модар - Алла» доир гардид - 02.03.2021 15:43
Эълони озмуни грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занон - 02.03.2021 13:43
Бӯстон. Ба хатмкунандагони курси омӯзишии "Мактаби сарварони ҷавон" гувоҳномаҳо супорида шуд - 02.03.2021 13:40
Сафари кории Раиси вилоят Раҷаббой Аҳмадзода ба шаҳри Исфара - 02.03.2021 09:57
«КАБИРӢ АЗ ҶОНИБИ ХАДАМОТИ МАХСУСИ ХОРИҶӢ ИСТИХДОМ ШУДААСТ». Коршинос, рӯзноманигор, таърихшинос, директори Китобхонаи шаҳрии ба номи Лоҳутӣ Абдуқодир Талбаков иброз дошт, ки барои чӣ наҳзатситез аст - 01.03.2021 15:27
Президенти Ҷумҳурии Тоҷикистон Эмомалӣ Раҳмон Раиси Вулуси ҷиргаи (Маҷлиси намояндагони) Шӯрои миллии Ҷумҳурии Исломии Афғонистон Мир Раҳмон Раҳмониро ба ҳузур пазируфтанд - 01.03.2021 15:20
Имрӯз маҷлиси Ҳукумати Ҷумҳурии Тоҷикистон баргузор гардид - 26.02.2021 21:15
50 толибилми Литсей барои хонандагони болаёқат дар шаҳри Хуҷанд ба даври финалии Олимпиадаи байналмилалӣ "IMAC - online" роҳхат гирифтанд - 01.03.2021 10:08
Дар Конибодом ба бунёди боғи нави зардолу оғоз бахшида шуд - 26.02.2021 17:26
Боздиди Раиси вилоят Раҷаббой Аҳмадзода аз шаҳри Конибодом - 26.02.2021 17:02

Навиди Суғд


Дар ноҳияи Айнӣ ба истиқболи 30-солагии Истиқлолият беш аз 400 иншоот бунёд ва мавриди истифода қарор гирифт

( 0 Овоз )

Дар ноҳияи Айнӣ ба истиқболи 30-солагии Истиқлолияти давлатии Ҷумҳурии Тоҷикистон то имрӯз 403 иншооти гуногунтаъинот мавриди баҳрабардорӣ қарор гирифтааст. Дар ин бора раиси ноҳия Муродзода Муқим рӯзи 10 феврал зимни нишасти матбуотӣ ба хабарнигорон иттилоъ дод.

Бино ба иттилои раиси ноҳия ба муносибати 30-солагии Истиқлолияти давлатӣ дар ноҳияи Айнӣ дар маҷмуъ бунёди 499 иншооти таъиноти гуногун ба нақша гирифта шудааст. Аз ин теъдод 9 адад сохтмони нав ва таъмиру азнавсозии муассисаҳои томактабӣ, 24 адад сохтмони нав ва таъмиру азнавсозии муассисаҳои таҳсилоти миёнаи умумӣ, 14 адад сохтмони нав ва таъмиру азнавсозии китобхона, 25 адад сохтмони нав ва таъмиру азнавсозии қасри фарҳангӣ, клуб, 3 адад сохтмони нав ва бунёди боғи фарҳангу фароғатӣ, 2 адад сохтмони нав ва таъмиру азнавсозии беморхона, 11 адад сохтмони нав ва таъмиру азнавсозии бунгоҳи тиббӣ, 6 адад сохтмони нав ва таъмиру азнавсозии нуқтаи хатнаи кӯдакон, 9 адад сохтмони нав ва таъмиру азнавсозии дорухона, 37 адад сохтмони нав ва таъмиру азнавсозии сартарошхона, 17 адад сохтмони нав ва таъмиру азнавсозии ҳаммом, 17 адад сохтмони нав ва таъмиру азнавсозии кошонаи ҳусн, 8 адад сохтмони нав ва таъмиру азнавсозии маркази савдо, 12 адад сохтмони нав ва таъмиру азнавсозии маркази хизматрасонӣ, 8 адад сохтмони нав ва таъмиру азнавсозии толори варзишӣ, 11 адад сохтмони нав ва таъмиру азнавсозии майдончаи варзишӣ, 2 адад сохтмони нав ва таъмиру азнавсозии майдонча барои бозии кӯдакон, 7 адад сохтмони нав ва таъмиру азнавсозии меҳмонхона барои қабули сайёҳон, 7 адад сохтмони нав ва таъмиру азнавсозии корхонаҳои истеҳсолӣ ва дар умум 270 иншооти гуногун мебошад.

Раиси ноҳия ҳамзамон дар бораи фаъолияти мақомоти иҷроияи ҳокимияти давлатии ноҳия ва вазъи соҳаҳои саноату кишоварзӣ, фарҳангу маориф ба рӯзноманигорон маълумот дод.

Хадамоти матбуоти
Раиси вилояти Суғд

Раёсати вилоятии ИЖТ барои дарёфти Ҷоизаи журналистони вилоят ба номи Ҳоҷӣ Содиқ озмун эълон менамояд

( 0 Овоз )

Раёсати вилоятии Иттифоқи журналистони Тоҷикистон тибқи қарори Раиси вилояти Суғд аз  9 феврали соли 2021, № 53  «Дар бораи таҷлили Рӯзи матбуоти тоҷик» барои дарёфти Ҷоизаи журналистони вилояти Суғд ба номи Ҳоҷӣ Содиқ озмун эълон менамояд.

Ба озмун кормандони васоити ахбори омма, ки узви Иттифоқи журналистони Тоҷикистон буда, камаш 10 соли собиқаи рӯзноманигорӣ доранд, дар расонаҳои хабарии маҳаллӣ фаъолият доранд  ё аз нашрияҳои марказӣ ва хориҷӣ дар вилоят намояндагӣ мекунанд, метавонанд ширкат варзанд. Ба озмун маводи муаллиф (муаллифон), ки дар жанрҳои очерк, публитсистика, мақолаҳои таҳлилӣ ва жанрҳои бадеӣ, ҳамчунин силсилаи ҳикояву ҳаҷвияҳо, ҳазлу мутоибаҳо, ки  дар матбуоти даврии қаламрави вилоят, дар соли 2020-ум, чоп шудаанд, пешниҳод карда шаванд.

Барои иштирок дар озмуни вилоятии журналистон даъвогар (даъвогарон) бояд ба созмони аввалияи журналистӣ бо ариза муроҷиат намояд. Котибони созмонҳои ибтидоӣ баъди баррасии масъала дар маҷлиси созмони аввалияи рўзноманигорон қарори дахлдор қабул карда, ба  созмони журналистони вилоят пешниҳод мекунанд.

Дар ин замина, ҳамчунин  камаш аз 10 маводи беҳтарини муаллиф, ариза ва шарҳи ҳоли мухтасари муаллифи даъвогар, хислатномаи роҳбари нашрия дар бораи фаъолияти эҷодии  даъвогар бояд то 1-уми марти соли 2021, соати 17.00 ба Раёсати созмони вилоятии ИЖ Тоҷикистон (шаҳри Хуҷанд, маҳаллаи 20-ум, бинои "Кохи матбуот", ошёнаи  5-ум) бо ишораи "Ба озмуни вилоятии журналистон" пешниҳод карда шаванд. Аризае, ки баъди ин мўҳлат ворид мегардад, қабул ва баррасӣ намешавад.

Ҷоизаи журналистони вилоят ба номи Ҳоҷӣ Содиқ дар рўзи таҷлили ҷашни матбуоти тоҷик ба ғолиби озмун супурда мешавад.

Барои гирифтани маълумоти иловагӣ бо телефонҳои  (92) 909-98-98,  (92)-777-63-29,  (92)-778-16-85,  4-68-05  ва  2-71-13 тамос гирифтан мумкин аст.

Хадамоти матбуоти
Раиси вилояти Суғд

Озмуни ихтироъкорон ва навоварони ҷавони вилояти Суғд гузаронида мешавад

( 1 Овоз )

Бахшида ба эълон гардидани солҳои 2020-2040 ҳамчун “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи маориф” тибқи қарори Раиси вилояти Суғд Раҷаббой Аҳмадзода соли равон озмуни ихтироъкорон ва навоварони ҷавони вилояти Суғд гузаронида мешавад.

Озмуни мазкур бо мақсади дарёфти истеъдодҳо дар соҳаҳои илму истеҳсолот ва тавсеаи тафаккури техникии насли наврас ташкил гардида, дар самтҳои барномасозӣ ва низомҳои иттилоотӣ, дизайн ва меъморӣ, сохтмон, экология, геология, энергияи барқароршаванда, таҷҳизоти мошинсозӣ, маркшейдерӣ, металлургия, куҳкорӣ, техникаву технология ва илмҳои табиатшиносӣ доир хоҳад шуд.

Ба хонандагони муассисаҳои таълимӣ, донишҷӯён ва олимони ҷавоне, ки дар озмун пирӯзӣ ба даст меоранд, мукофотҳои пулӣ супорида мешавад.

Хадамоти матбуоти
Раиси вилояти Суғд

Паёми Пешвои муаззами миллат - илҳомбахши кору зиндагист! Мулоқоти аъзои Маҷлиси миллӣ бо сокинони шаҳри Бӯстон

( 0 Овоз )

8-уми феврал дар толори Донишкадаи куҳию металлургии Тоҷикистон ҷиҳати шарҳу тавзеҳи нуктаҳои Паёми Президенти мамлакат муҳтарам Эмомалӣ Раҳмон мулоқот доир гардид.

Дар мулоқот аъзои Маҷлиси миллии Маҷлиси Олии Ҷумҳурии Тоҷикистон, сартабиби Беморхонаи рақами 1-и Ҷамоати деҳоти Ворухи шаҳри Исфара Ҳакимова Карима андешаҳои хешро вобаста ба таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баён намуд.

Сипас, аъзои гурӯҳи тарғиботӣ-ташвиқотии назди мақомоти иҷроияи ҳокимияти давлатии вилояти Суғд, мудири кафедраи назарияи иқтисод Донишкадаи иқтисод ва савдои Донишгоҳи давлатии тиҷорати Тоҷикистон, доктори илмҳои илмҳои иқтисодӣ, профессор Абдумавлон Азимов ва номзади илмҳои таърих, дотсенти кафедраи таърихи Ватан ва археологияи Донишгоҳи давлатии Хуҷанд ба номи академик Бобоҷон Ғафуров Шавкат Шарипов перомуни дигар ҷанбаҳои Паём ба Маҷлиси Олӣ ибрози назар намуданд.

Баъдан ректори Донишкадаи куҳию металлургии Тоҷикистон Маҳмадалӣ Бахтиёр Набӣ вобаста ба баланд бардоштани сатҳу сифати таълиму тарбия, истифодаи оқилонаи захираҳои табиӣ ва ташаббусҳои наҷиб вобаста ба расидан ба татбиқи яке аз ҳадафҳои стратегии кишвар-саноатмкунонии босуръати мамлакат ибрози андеша намуд.

Гуфта шуд, ки Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» раҳнамо ва дастури кори ҳар яки мо мардуми шарифи кишвар буда, моро зарур аст, ки баҳри амалӣ гардонидани нишондиҳандаҳои Паём аз тамоми имкониятҳо истифода намоем.

Хадамоти матбуоти
Раиси вилояти Суғд

Дар ноҳияи Ҷаббор Расулов беш аз 3000 бех ниҳолҳои ороишӣ шинонида шуд

( 0 Овоз )

Бо мақсади дар сатҳи баланд гузаронидани корҳои ниҳолшинонӣ, сабзазоркунӣ ва солимгардонии муҳити зист, инчунин таҷлили сазовори 30-солагии Истиқлоли давлатӣ дар ноҳияи Ҷаббор Расулов маъракаи ниҳолшинонӣ баргузор гардид.

Маъракаи ниҳолшинонӣ рӯзи 6 феврали соли 2021 дар Ҷамоатҳои шаҳраки Меҳробод, деҳоти Деҳмой, Ғӯлакандоз ва Гулхона ҷараён гирифта, дар ҳашар кормандони мақомоти иҷроияи ҳокимияти давлатии ноҳия, ҷамоатҳо, сокинон ва ҷавонон ширкат варзиданд.

Дар шафати кӯчаҳои асосӣ ва ҳамшафати роҳҳои автомобилгарди ҷамоатҳои шаҳрак ва деҳоти ноҳия дарахтону гулҳои нодиру хушнамо шинонда шуд.

Дар маъракаи ниҳшолшинонӣ аз ҷониби Ҷамоати шаҳраки Меҳробод 60 бех ниҳоли ҳамешасабз, аз ҷониби Ҷамоати деҳоти Деҳмой 560 бех ниҳоли ҳамешасабз, 1500 бех сафедор ва 800 дона гули садбарг, аз ҷониби Ҷамоати деҳоти Гулхона 50 бех сафедор, аз ҷониби Ҷамоати деҳоти Ғӯлакандоз 120 бех ниҳоли сояафкан ва 300 бех сафедор шинонида шуд.

Хадамоти матбуоти
Раиси вилояти Суғд

ШУМО ДАР: Навиди Суғд