Хабарҳо
Баргузории ярмарка - фуруши маҳсулоти кишоварзӣ - 06.03.2021 15:19
“Модар офарандаи ҳаёт, пайвандгари наслҳо, сарчашмаи меҳру муҳаббат ва нерӯбахши рӯҳу ҷон мебошад”-бардошт аз чорабинии идона дар шаҳри Исфара - 05.03.2021 20:44
Дар ноҳияи Ашт Рӯзи Модарро бо шукуҳи хоса ҷашн гирифтанд - 05.03.2021 20:24
Дар Хуҷанд бахшида ба Рӯзи Модар бо ҳузури Озарахшу Фарзона маҳфили «Ширу шакар» доир шуд - 05.03.2021 16:32
Президенти Ҷумҳурии Тоҷикистон Эмомалӣ Раҳмон бо Раиси Раёсати Бонки Авруосиёии Рушд Николай Подгузов мулоқот намуданд - 05.03.2021 16:19
Баргузории семинари омӯзишӣ дар мавзӯи «Баланд бардоштани нерӯи таълимии мактаб дар пешгирии ифротгароии хушунатомез» - 05.03.2021 14:51
Истаравшан. Соҳибкор Ҳакимова Рухшона коргоҳи хурди қаннодиро мавриди истифода қарор дод - 05.03.2021 14:48
Таҷлили Рӯзи Модар дар шаҳри Бӯстон - 05.03.2021 14:42
55,6%-и кормандони Донишгоҳи давлатии Хуҷандро бонувон ташкил медиҳанд - 05.03.2021 14:39
Футболбозони клуби “Хуҷанд” ба Ҷумҳурии Туркия сафар мекунанд - 05.03.2021 10:27

Навиди Суғд


Суғд: Вохўрии судманд дар мавзўи пешгирии зўроварӣ дар оила

( 0 Овоз )

Дар асоси нақшаи Раёсати кор бо занон ва оилаи мақомоти иҷроияи ҳокимияти давлатии вилояти Суғд бо мақсади татбиқи амалии «Барномаи давлатӣ оид ба пешгирии зўроварӣ дар оила дар Ҷумҳурии Тоҷикистон барои солҳои 2014-2023» дар маҷлисгоҳи Донишкадаи политехникии Донишгоҳи техникии Тоҷикистон ба номи академик Муҳаммад Осимӣ бо омўзгорону донишҷўён вохўрӣ баргузор гардид.

Дар вохўрӣ нависанда, равоншинос, аъзои Иттифоқи нависандагони Тоҷикистон Нигина Мамадҷонова, мушовири оилавии  назди Раёсати кор бо занон ва оилаи вилоят Рафоат Бобоева, муовини директор оид ба илм ва инноватсия Усмонҷон Ахмедов, муовини директор оид ба тарбия Гулшан Довудов ва раиси Шўрои занони донишгоҳ Муҳаррама Темурова иштирок намуданд.

Зимни вохўрӣ ва мулоқот аз ҷониби масъулон оид ба пешгирии зўроварӣ дар оила, аз ҷумла Қонуни Ҷумҳуриии Тоҷикистон «Дар бораи пешгирии зўроварӣ дар оила», «Барномаи давлатӣ оид ба пешгирии зўроварӣ дар оила дар Ҷумҳурии Тоҷикистон барои солҳои 2014-2023» ва дигар санадҳои меъёрию ҳуқуқӣ, барномаҳо ва консепсияҳо марбут ба занон ва оила суханронӣ карда шуд.

Вохўрӣ дар фазои озод тариқи саволу ҷавоб баргузор гардида, омўзгорон ва донишҷўён ба саволҳои худ похус гирифтанд.

Хадамоти матбуоти
Раиси вилояти Суғд

Исфара. Афсарону сарбозони фаъол бо Сипоснома қадршиносӣ гардиданд

( 0 Овоз )

Дар Кохи фарханги шаҳри Исфара ба муносибати Рӯзи Қувваҳои Мусаллаҳи Ҷумҳурии Тоҷикистон чорабинии пуршукӯҳи идона  доир гардид.

Тибқи иттилои масъулини мақомоти иҷроияи ҳокимияти давлатии шаҳр иҷрокунандаи вазифаи раиси шаҳри Исфара Баҳоваддин Баҳодурзода  афсарону сарбозон, собиқадорони Қувваҳои Мусаллаҳ ва кулли ҳозиринро бахшида ба 28-умин солгарди таъсисёбии Артиши миллӣ табрик намуда, саҳми онҳоро дар пойдории амну суботи ҷомеа ва ҳифзи дастовардҳои даврони соҳибистиқлолии мамлакат назаррас арзёбӣ намуд.

Таъкид гардид, ки Қувваҳои Мусаллаҳи Ҷумҳурии Тоҷикистон зодаи даврони истиқлолияти давлатӣ ва яке аз дастовардҳои муҳими он ба ҳисоб рафта, аз рўзҳои аввали таъсисёбӣ дар назди ин ниҳоди қудратӣ вазифаҳои муқаддасу пуршараф - ҳимояи соҳибихтиёрӣ, таъмини сулҳу субот, ҳифзи амнияти давлат ва ҷомеа гузошта шуданд.

Имрўз хизматчиёни ҳарбии Қувваҳои Мусаллаҳ аз уҳдаи иҷрои рисолати таърихии худ бо сарбаландӣ баромада, давлат ва мардуми Тоҷикистон дар симои онҳо ҳомиёни боэътимод ва муҳофизони далеру шуҷои марзу буми Ватанро мебинанд.

Бо ғамхориҳои пайвастаи Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон айни замон Артиши миллӣ қодир аст амнияти давлату миллат ва ҳифзи марзу буми Ватанамонро пурра таъмин намояд. Зеро, қудрату тавоноӣ ва омодагии комили Қувваҳои Мусаллаҳ дар ҳимоя, пешгирӣ ва мубориза бар зидди ҳамагуна хавфу хатар ва таҳдидҳо ҳам дар амал ва ҳам дар машқҳои низомӣ борҳо собит гаштааст. Мардуми соҳибистиқлоли Тоҷикистон бо Қувваҳои Мусаллаҳи хеш чун нерўи тавоно ва таъмингари осоиши ҳаёт ифтихор мекунад.

Изҳори боварӣ карда шуд, ки афсарону сарбозони шуҷоъ ба савганди ҳарбии худ содиқ монда, рисолати фарзандии худро дар назди Ватан, миллат ва давлати худ ҷавонмардона адо мекунанд ва тамоми донишу таҷриба, малакаву маҳорати худро ба хотири ҳифзи дастовардҳои истиқлолияти давлатӣ сафарбар месозанд.

Сипас зери оҳанги мутантан ба беҳтарин афсарону сарбозон, иштирокчиёни барқароркунии сохти конститутсионӣ ва фаъолон Сипосномаҳои мақомоти иҷроияи ҳокимияти давлатии шаҳр  супорида шуд.

Хадамоти матбуоти
Раиси вилояти Суғд

Бахшида ба Рӯзи Қувваҳои Мусаллаҳ дар дидбонгоҳи сарҳадии «Исрофилобод» чорабинӣ доир шуд

( 0 Овоз )

23 феврал дар қисми ҳарбии 0203-и дидбонгоҳи сарҳадии «Исрофилобод»-и ноҳияи Айнӣ бахшида ба 28-умин солгарди Рӯзи таъсисёбии Қувваҳои Мусаллаҳи Ҷумҳурии Тоҷикистон ҷамъомади тантанавӣ баргузор шуд. Дар ҷамъомад роҳбарияти ноҳия, роҳбарони мақомотҳои қудратӣ, кормандони идораю ташкилотҳо ва дигар фаъолон ширкат варзиданд.

Нахуст, раиси ноҳия Муқим Муродзода афсарони қисми низомиро бо Рӯзи Артиши миллӣ табрик намуда, бо ёдоварӣ аз суханони Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон афзуд, ки “бо шарофати далериву шуҷоат ва фидокориву ҷоннисориҳои хизматчиёни ҳарбӣ – фарзандони бонангу номуси Ватан дар кишвари азизамон ҳокимияти қонунӣ барқарор гардида, барои сулҳу суботи устувор заминаи мустаҳкам фароҳам оварда шуд”.

Муқим Муродзода хизматчиёни ҳарбии ҷузъу томҳои низомӣ, ҳайати шахсии мақомоти ҳифзи ҳуқуқро ба ифтихори бисту ҳаштумин солгарди таъсисёбии Қувваҳои Мусаллаҳи Ҷумҳурии Тоҷикистон шодбош гуфта, орзу намуд, ки Артиши миллии мо боз ҳам пурзӯртару нерӯмандтар гардад ва амнияту осоиштагии давлати тоҷикон то абад устувору поянда бошад.

Хадамоти матбуоти
Раиси вилояти Суғд

Таҷлили Рӯзи Қувваҳои Мусаллаҳи Ҷумҳурии Тоҷикистон дар ноҳияи Ашт

( 0 Овоз )

23 феврали соли ҷорӣ бахшида ба Рӯзи Қувваҳои Мусаллаҳи Ҷумҳурии Тоҷикистон дар Театри мусиқӣ-драммавии ба номи Маҳмудҷон Воҳидови ноҳияи Ашт чорабинии идона доир гардид.

Чуноне аз мақомоти иҷроияи ҳокимияти давлатии ноҳия хабар доданд, дар чорабинӣ раиси ноҳия Зариф Мирдадо, роҳбарони мақомоти ҳифзи ҳуқуқ, роҳбарони ташкилоту муассисаҳо, фаъолон, вакилони маҷлисҳои мақомотҳои маҳаллӣ, раисони кумитаи маҳаллаҳо, ҳайати шахсии қисмҳои ҳарбӣ, ҷанговарони байналмиллал иштирок намуданд.

Раиси ноҳия афсарону сарбозонро ба Рӯзи таъсисёбии Артиши миллии Ҷумҳурии Тоҷикистон таҳният гуфт ва барои онҳо саодати рӯзгорро таманно намуд.

-Қувваҳои Мусаллаҳи Ҷумҳурии Тоҷикистон меваи даврони соҳибистиқлолист аст, ки бо талошҳои Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон арзи ҳастӣ намуда, оромиву осоиши меҳанро таъмин менамоянд, — зикр шуд дар чорабинӣ.

Дар вазъияти тантанавӣ ба роҳбарони сохторҳои ҳарбӣ ва ба як қатор сарбозон Сипоснома ва туҳфаҳои раиси ноҳия, Вазири Мудофиаи Ҷумҳурии Тоҷикистон, Комиссириати ҳарбии ноҳия супорида шуд. Ҳамзамон ба оилаи сарбозони ҳалокшуда маблағи яквақтаинаи пулӣ тақдим гардид.

Дар охир аз тарафи бахши фарҳанги ноҳия барномаи фарҳангӣ манзури иштирокдорон гардонида шуд.

Хадамоти матбуоти
Раиси вилояти Суғд

Панҷакент. Рӯзи Қувваҳои Мусаллаҳи Ҷумҳурии Тоҷикистон дар сатҳи баланд таҷлил гардид

( 0 Овоз )

Бахшида ба 28-умин солгарди Рӯзи таъсисёбии Қувваҳои Мусаллаҳи Ҷумҳурии Тоҷикистон дар кохи фарҳанги шаҳри Панҷакент бо иштироки роҳбарони  мақомотҳои ҳифзи ҳуқуқ, фаъолони шаҳру деҳот ва афсарону сарбозони қисмҳои низомӣ чорабинӣ доир шуд.

Тавре аз мақомоти иҷроияи ҳокимияти давлатии шаҳр хабар доданд, дар чорабинии идона иҷрокунандаи вазифаи раиси шаҳри Панҷакент Абдухолиқ Холиқзода санаи фархундаро ба ҳомиёни Ватан сидқан муборакбод гуфт. Қайд гардид, ки ҳар сол санаи 23 феврал мардуми шарафманди Тоҷикистон, аз ҷумла сокинони шаҳру деҳоти Панҷакент, Рӯзи Артиши миллиро бо ифтихор аз соҳибистиқлолию якпорчагии Ватани азизу маҳбубамон таҷлил менамоянд.

Таъкид карда шуд, ки 28 сол муқаддам, санаи 23 феврали соли 1993 бо иқдом ва пуштибонии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Қувваҳои Мусаллаҳи Ҷумҳурии Тоҷикистон таъсис ёфта, рисолати худ - дифои истиқлол, таъмини амнияти марзу буми кишвар ва ҳаёти осоиштаи мардуми шарафманди Тоҷикистонро сарбаландона иҷро намуда истодааст.

Дар охир як қатор фаъолони сохторҳои қудративу низомӣ бо туҳфаҳои мақомоти иҷроияи ҳокимияти давлатии шаҳр қадрдонӣ гардиданд.

Хадамоти матбуоти
Раиси вилояти Суғд

ШУМО ДАР: Навиди Суғд