Баргузории вохӯриҳои судманд дар шаҳру ноҳияҳои вилояти Суғд

( 0 Овоз )

Дар асоси нақшаи кории Раёсати кор бо занон ва оилаи мақомоти иҷроияи ҳокимияти давлатии вилоят бо мақсади пешгирии хурофотпарастӣ, радикализми динӣ, таъсири равияҳои террористиву экстремистӣ ба шуури наврасону ҷавонон, тарбияи онҳо дар руҳияи худогоҳиву худшиносӣ, дӯст доштани Ватан, ҳифзу гиромӣ доштани истиқлолу озодӣ, сулҳу оромӣ, суботи сиёсӣ ва ваҳдати миллӣ бо қишри гуногуни ҷомеа бахусус ҷавонон вохӯриҳои судманд баргузор намуд.

Вохӯриҳо дар ҳамкорӣ бо Маркази солимӣ репродуктивии вилоят дар Донишгоҳи давлатии ҳуқуқ, бизнес ва сиёсати Тоҷикистон, Донишкадаи кӯҳӣ–металлургии Тоҷикистон, Донишкадаи иқтисод ва савдои Донишгоҳи тиҷорати Тоҷикистон, Филиали исфарагии Донишгоҳи технологии Тоҷикистон, Коллеҷи тиббии шаҳри Хуҷанд ба номи Баширхон Исҳоқӣ, Коллеҷи омӯзгории шаҳри Хуҷанд, Коллеҷи тиббии шаҳри Исфара, Коллеҷҳои омӯзгорӣ, технологӣ ва тиббии шаҳри Конибодом, Коллеҷҳои тиббӣ ва ҳунарҳои мардумии шаҳри Истаравшан бо иштироки омӯзгорон ва  донишҷӯён доир карда шуд.

Ҳамчунин, аз ҷониби занони фаъоли барӯманд аз рўйи усули корбарии “Хона ба хона” дар кўчаву маҳаллаҳои шаҳру ноҳияҳои Деваштич, Спитамен, Бобоҷон Ғафуров, Ҷаббор Расулов, Ашт, Шаҳристон, Ҷамоати деҳоти Сурхи шаҳри Исфара, маҳаллаҳои Тиллокон, Суғдиён, Мевағул, Масҷиди Савр, Раззоқ, Темурмалик ва ҳудуди бозори Панҷшанбеи шаҳри Хуҷанд, ҷамоатҳои шаҳраку деҳот, бозорҳои Дўстӣ ва Бадахшони ноҳияи Зафаробод суҳбату вохӯриҳо ва корҳои тарғиботиву ташвиқотӣ гузаронида шуданд.



Хадамоти матбуоти
Раиси вилояти Суғд

Share