Хабарҳо
Мулоқоти Раиси вилоят бо роҳбарияти ҶДММ “Ширкати кӯҳӣ-саноатии Тоҷикистону Хитой” - 22.10.2020 09:59
Аз вилояти Суғд ба хориҷи кишвар маъдан, семент, маҳсулоти кишоварзӣ ва консерва содирот карда шуд - 22.10.2020 09:37
СУҒД: Дар доираи омодагиҳо ба ҷашни 30-солагии Истиқлолияти Ҷумҳурии Тоҷикистон то имрӯз 5394 иншоот ба истифода дода шуд - 22.10.2020 09:30
СУҒД: Дар ҳамаи шаклҳои хоҷагидории вилоят ба маблағи 7 миллиарду 406,7 млн. Сомонӣ маҳсулоти кишоварзӣ истеҳсол гардид - 22.10.2020 09:22
СУҒД: Ба маблағи 10 миллиарду 676 млн. сомонӣ маҳсулоти саноатӣ истеҳсол шуд - 22.10.2020 09:10
Табрикоти роҳбарони кишварҳои хориҷӣ ва шахсиятҳои маъруф ба Президенти Ҷумҳурии Тоҷикистон - 22.10.2020 09:06
Ҷаласаи фаъолони вилоят оид ба ҷамъбасти рушди иҷтимоию иқтисодии вилоят дар 9 моҳи соли 2020 - 21.10.2020 16:19
Баргузории​ иҷлосияи сеюми Маҷлиси вакилони халқи вилояти Суғд, даъвати шашум - 21.10.2020 15:58
Хуҷанд. Раиси вилоят собиқадорони меҳнатро аёдат кард - 21.10.2020 10:23
Суғд. То имрӯз 94 ҳазору 262,2 тонна пахта ҷамъоварӣ шуд - 21.10.2020 08:53

Навиди Суғд


Аз вилояти Суғд ба хориҷи кишвар маъдан, семент, маҳсулоти кишоварзӣ ва консерва содирот карда шуд

( 0 Овоз )

Дар нуҳ моҳи соли равон ҳаҷми гардиши савдои хориҷии вилояти Суғд 1 миллиарду 186,9 млн. долларро ташкил дод, ки баробари  80,7 фоизи ҳамин давраи соли қаблӣ мебошад. Аз ҷумла, воридот 947,9 млн. доллар ва содирот 239,0 млн. долларро ташкил намуда, суръати афзоиш нисбат ба ҳамин давраи соли сипаришуда мутаносибан 80,5 ва 81,6 фоизро дар бар гирифт.

Дар ин давра ҳаҷми содироти маъдан ба 113,5 млн. доллар баробар шуда, дар маҷмўъ 150363 тонна маъдан ва консентрат содирот шудааст.

Ҳамзамон 471925 тонна семент ба маблағи 22,2 млн. доллар, 90661 тонна маҳсулоти кишоварзӣ ба маблағи 12,7 млн. доллар, 417 тонна консерваҳои гуногун ба маблағи 200,9 ҳазор доллар содирот шудааст.

Хадамоти матбуоти
Раиси вилояти Суғд

СУҒД: Дар доираи омодагиҳо ба ҷашни 30-солагии Истиқлолияти Ҷумҳурии Тоҷикистон то имрӯз 5394 иншоот ба истифода дода шуд

( 0 Овоз )

Ба истиқболи 30-солагии Истиқлолияти давлатии Ҷумҳурии Тоҷикистон дар вилояти Суғд бунёд ва таҷдиди наздик 10 ҳазор иншооти ҷашнии истеҳсолию иҷтимоӣ пешбинӣ гардидаанд.

Аз ҷумла, дар соли 2020 бунёди 1895 иншоот ба нақша гирифта шуда, то имрӯз 1376 иншоот ба истифода дода шуд, ки 72,6 фоизи нақшаи солонаро дар бар мегирад. Дар маҷмӯъ, то ин давра наздик 5394 иншооти гуногун ба истифода дода шуда, нақшаи умумӣ 75,0 фоиз иҷро шудааст.

Мавриди зикр аст, ки тибқи маълумоти оморӣ дар моҳҳои январ-сентябри соли 2020 дар самти сохтмони иншооти соҳаҳои иҷтимоию фарҳангӣ ва истеҳсолӣ новобаста аз мушкилотҳои ҷойдошта фаъолияти мунтазам ба роҳ монда шуда, маблағгузорӣ ба сармояи асосӣ дар ин давра дар ҳаҷми 930,8 млн. сомонӣ азхуд шуд ва ба маблағи 329,6 млн. сомонӣ корҳои пудратӣ иҷро карда шуданд. Ҳамагӣ ба маблағи 673,8 млн. сомонӣ фондҳои асосӣ ба истифода дода шуда, суръати афзоиш нисбат ба ҳамин давраи соли сипарӣ 1,7 баробар таъмин карда шуд.

Дар ин муддат аз ҳисоби ҳамаи сарчашмаҳо 317,6 ҳазор  метри мураббаъ манзил ба истифода дода шуд, ки нисбат ба ҳамин давраи соли гузашта ба масоҳати 9,2 ҳазор метри мураббаъ кам мебошад. Ҳамзамон, барои 620 ҷойи нишасти талаба дар муассисаҳои таҳсилоти миёна, барои 150 ҷой дар муассисаҳои таҳсилоти томактабӣ ва 180 кат дар шифохонаҳо иқтидорҳои иловагӣ ба истифода дода шуданд.

Хадамоти матбуоти
Раиси вилояти Суғд

СУҒД: Дар ҳамаи шаклҳои хоҷагидории вилоят ба маблағи 7 миллиарду 406,7 млн. Сомонӣ маҳсулоти кишоварзӣ истеҳсол гардид

( 0 Овоз )

Кишоварзони вилояти Суғд ҷиҳати таъмини рушди соҳа тадбирҳои судманд  андешида, ҳаҷми истеҳсоли маҳсулотро дар 9 моҳи соли ҷорӣ дар ҳамаи шаклҳои хоҷагидории вилоят ба 7 миллиарду 406,7 млн. сомонӣ расониданд, ки баробари 107,8 фоизи ҳамин  давраи соли гузашта мебошад.

Барои ҳосили соли 2020 дар масоҳати 278 633,7 гектар кишт гузаронида шуда, дурнамои кишти аксари зироатҳо таъмин гардид. Аз майдони умумии кишт 233693,9 гектар ё 83,9 фоиз ба корхонаҳои кишоварзию хоҷагиҳои деҳқонӣ ва 44939,8 гектар ё 16,1 фоиз ба аҳолӣ рост меояд.

Майдони кишти зироатҳои ғаллагию лӯбиёгӣ дар ҳамаи шаклҳои хоҷагидории вилоят нисбат ба соли қаблӣ 4196,9 гектар зиёд шуда, ҳамагӣ дар майдони 117559,0 гектар ғалладонагиҳо (ба ғайр аз ҷуворимакка барои дон) кошта шуд.

Ҳамзамон дар 58187 гектар пахта, дар 25197,5 гектар кишти картошка, дар 17231,5 гектар сабзавот, дар 6477,2 гектар полезиҳо кишт карда шудааст.

Гузаронидани кишти такрорӣ дар майдони 26777 гектар ба нақша гирифта шуда, то санаи 1 октябри соли ҷорӣ дар майдони 27716 гектар кишти ғаллагӣ ва лўбиёгиҳо, картошка, сабзавот, полезиҳо, зироатҳои техникӣ ва хўроки чорво гузаронида шуд, ки баробари 103,5 фоизи нақша мебошад.

Дар натиҷаи тадбирҳои андешидашуда дар ин давра дар ҳамаи шаклҳои хоҷагидорӣ истеҳсоли ғалладонагиҳо ҳамагӣ 286,2 ҳазор тонна, аз ҷумла гандум 137,3 ҳазор тоннаро ташкил додааст, ки нисбати нишондиҳандаи соли 2019 мутаносибан 5,3 ва 11,7  фоиз зиёд мебошад.

Дар соҳаи растанипарварӣ дар 9 моҳи соли 2020 ҳамагӣ 430,9 ҳазор тонна сабзавот, аз ҷумла 151,2 ҳазор тонна пиёз, 343,3 ҳазор тонна картошка, 137,7 ҳазор тонна полезӣ, 114,0 ҳазор тонна мевагӣ, аз ҷумла 93,9 ҳазор тонна зардолу ва 43,3 ҳазор тонна ангур истеҳсол карда шуд.

Хадамоти матбуоти
Раиси вилояти Суғд

СУҒД: Ба маблағи 10 миллиарду 676 млн. сомонӣ маҳсулоти саноатӣ истеҳсол шуд

( 0 Овоз )

Дар нуҳ моҳи соли 2020 дар корхонаҳои саноатии вилояти Суғд ба маблағи 10 миллиарду 676 млн. сомонӣ маҳсулот истеҳсол карда шуд, ки нисбат ба ҳамин давраи соли гузашта бо нархҳои муқоисавӣ  1 млрд. сомонӣ зиёд буда, суръати афзоиш бо назардошти индекси нархҳо 118 фоизро ташкил медиҳад.

Дар ин давра таваҷҷуҳи асосӣ ба истеҳсоли маҳсулоти воридотивазкунанда ва ба содирот нигаронидашуда равона карда шуд. Аз ҷумла, дар моҳҳои январ-сентябри соли 2020 ба миқдори 948,5 ҳазор тонна семент ва 1,3 млн. тонна ангишт истеҳсол гардид. Нисбат ба ҳамин давраи соли 2019 суръати афзоиши истеҳсоли ресмони пахтагин 126,3 фоиз ва газвори пахтагини тайёр 122,2 фоиз таъмин гардида, дар маҷмўъ бо назардошти эҳтиёҷоти худӣ 2619,9 тонна калоба ва 515,4 ҳазор метри мураббаъ газвори пахтагин истеҳсол карда шудааст. Истеҳсоли маҳсулоти хӯроквории ивазкунандаи воридот сол аз сол тавсеа ёфта, дар 9 моҳи соли 2020 ба миқдори 388,1 ҳазор тонна орд ва 3295,3 тонна равғани растанӣ истеҳсол шудааст, ки нисбат ба ҳамин давраи соли гузашта мутаносибан 2,0 ва 1,2 баробар зиёд аст.

Ёдовар бояд шуд, ки дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ба истиқболи ҷашни 30-солагии Истиқлолияти давлатии Ҷумҳурии Тоҷикистон дар вилоят бунёди 300 корхонаву коргоҳи саноатӣ бо 9000 ҷойи нави корӣ ба нақша гирифта шудааст.

Аз ҷумла, дар соли 2020 ба истифода додани 119 корхонаву коргоҳи нави саноатӣ бо 2308 ҷойи нави корӣ дар назар дошта шуда, аз оғози сол то инҷониб дар миқёси вилоят 73 корхонаву коргоҳи нав бо 1085 ҷойи нави корӣ ба фаъолият шурўъ намуданд.

Хадамоти матбуоти
Раиси вилояти Суғд

Суғд. То имрӯз 94 ҳазору 262,2 тонна пахта ҷамъоварӣ шуд

( 0 Овоз )

Бо истифода аз рӯзҳои офтобии фасли тирамоҳ дар хоҷагиҳои деҳқонии вилояти Суғд ҷамъоварии ҳосили пахта муташаккилона идома дорад.

Тавре аз Сарраёсати кишоварзии вилоят хабар доданд, то санаи 21 октябр дар навоҳии пахтакори вилоят 94 ҳазору 262,2 тонна пахта ҷамъоварӣ шудааст. Ба иттилои манбаъ то имрӯз дар навоҳии Ашт 8983 тонна, Бобоҷон Ғафуров12002 тонна, Ҷаббор Расулов 9045 тонна, Зафаробод 19627 тонна, Конибодом 10929 тонна, Мастчоҳ 23291 тонна ва Спитамен 10384 тонна пахта истеҳсол гардид. Пахтакорону чинакчиён ҳамарӯза беш аз 2380 тонна пахта чида истодаанд.

Ёдовар бояд шуд, ки нақшаи истеҳсоли пахта барои соли равон наздик 130 ҳазор тонна буда, нақшаи вилоятӣ то имрӯз 72,8 дарсад иҷро гардидааст.

Хадамоти матбуоти
Раиси вилояти Суғд

ШУМО ДАР: Навиди Суғд