Хабарҳо
БИҲИШТЕ ДАР МАСИРИ РУШД - 23.04.2021 10:31
АЁДАТИ ОИЛАҲОИ МАЪЮБ ВА НИЁЗМАНД - 23.04.2021 10:29
ДДХ: НАТИҶАГИРӢ АЗ КОНФЕРЕНСИЯҲОИ ИЛМӢ - 23.04.2021 10:29
Ҷаласаи навбатии ҳайати мушовараи Раёсати маорифи вилоят - 23.04.2021 10:25
Миёни минтақаҳои вилоятҳои Суғд ва Фарғона меморандуми ҳамкорӣ имзо шуд - 22.04.2021 19:05
Мулоқоти сеҷонибаи раисони вилоятҳои Суғд, Фарғона ва Ботканд - 22.04.2021 17:19
Раиси вилояти Суғд Раҷаббой Аҳмадзода ба шаҳри Фарғонаи Ҷумҳурии Ӯзбекистон ташриф овард - 22.04.2021 11:24
Ҷаласаи фаъолони вилоят оид ба ҷамъбасти натиҷаҳои рушди иҷтимоию иқтисодии вилояти Суғд дар семоҳаи аввали соли 2021 - 20.04.2021 18:12
Мулоқоти Раиси вилояти Суғд бо Сафири фавқуллода ва мухтори Ҷумҳурии Украина дар Тоҷикистон Василий Серватюк - 20.04.2021 14:09
Дар ноҳияи Бобоҷон Ғафуров 5 корхонаи нав бо 60 ҷойи корӣ ба фаъолият оғоз кард - 20.04.2021 14:06

Навиди Суғд


БИҲИШТЕ ДАР МАСИРИ РУШД

( 0 Овоз )

Мо хуб медонем, ки мардуми ноҳияи Кӯҳистони Мастҷоҳ воқеан ватанпарвару ватандӯст ва заҳматписанд мебошанд. Дар сарчашмаҳои мӯътабари таърихиву адабӣ мардуми Мастчоҳ аз қадим ҳамчун одамони тануманду ҳимматбаланд, солиму озодманиш ва ростқавлу ободгар зикр шудаанд. Онҳо имрӯз низ сиёсати созандагиву бунёдкоронаи давлатро самимона дастгирӣ мекунанд ва чунонки мебинем, барои пешравӣ ва ободу зебо гардонидани ноҳияи худ заҳмат мекашанд. Ман ба ғайрату ҳиммати мардуми сарбаланду боғурур ва бонангу номуси Кӯҳистони Мастчоҳ итминони комил дорам ва бовар дорам, ки онҳо мисли тамоми мардуми шарифи Тоҷикистон минбаъд низ ба хотири ободии Ватан, ҳифзи дастовардҳои истиқлолият, таҳкими ваҳдати миллӣ ва пешрафти давлати соҳибистиқлоламон саҳми арзанда хоҳанд гузошт.

Эмомалӣ РАҲМОН

Ноҳияи Кӯҳистони Мастчоҳ меваи Истиқлолияти давлатии Ҷумҳурии Тоҷикистон буда, маҳз бо ташаббус ва дастгирии бевоситаи Асосгузори сулҳу ваҳдати миллӣ – Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон соли 1996 аз нав эҳё гардид. Дар тӯли 25 сол ноҳия ба дастовардҳои назаррас ноил шуд.

Дар ин муддат Сарвари давлат панҷ маротиба бо сафари корӣ ба ноҳия ташриф оварданд. Ҳар боре ки Сарвари давлат ба ин ноҳияи дурдасттарин қадами мубораки худро мегузоштанд, он боз ҳам ободу зебо мегардиду рушду тараққии бештар меёфт. Дар замони соҳибистиқлолии кишвар корҳои созандагиву ободонӣ ва бунёдкорӣ рӯз аз рӯз вусъат меёбанд. Дар асоси дастуру супоришҳои Пешвои миллат ва иқдоми Мақомоти иҷроияи ҳокимияти давлатии вилояти Суғд бунёд гардидани шаҳраки зебову замонавӣ ҳамчун маркази маъмурии ноҳия аз зумраи иқдомҳои наҷибу созанда дар ноҳияи Кӯҳистони Мастчоҳ мебошад.

Лоиҳаи бунёди шаҳраки Меҳрон, ки дар заминҳои бекорхобидаи дашти деҳаи Рогиф бунёд гардидааст, аз ҷониби Ҷамъияти дорои масъулияти маҳдуди «Суғдшаҳрофар» тарҳрезӣ гардида, шаҳрак дар масоҳати зиёда аз 21 гектар бунёд шудааст. Дар суҳбат Хайрулло Бобозода, раиси ноҳия гуфт, ки дар доираи омодагиҳо ба истиқболи ҷашни 30 – солагии Истиқлолияти давлатӣ дар ҳудуди ноҳия бунёди 108 иншооти таъиноти гуногун муассисаҳои таълимӣ, марказҳои саломатӣ, бунгоҳҳои тиббӣ, нуқтаҳои хизматрасониву савдо, барқарорсозиву навсозии ҷӯйбор, хатти оби нӯшокиву полезӣ, ба гардиши кишоварзӣ ворид намудани заминҳои бекорхобида ба нақша гирифта шуда, то имрӯз 79 адади он мавриди баҳрабардорӣ қарор дода шуд. Танҳо соли 2020 дар доираи «Солҳои рушди деҳот, сайёҳӣ ва ҳунарҳои мардумӣ» дар ноҳия 24 иншоот сохта, ба истифода дода шуд, ки дар беҳ гардидани сатҳи хизматрасонӣ дар деҳот ва таъсиси ҷойҳои нави корӣ замина мегузорад.

Дар асоси дастуру супоришҳои Сарвари давлат бо маблағгузории Ҳукумати мамлакат, Мақомоти иҷроияи ҳокимияти давлатии вилояти Судғу ноҳия ва саҳмгузории соҳибкорону сокинони ватандӯст имрӯзҳо баҳри анҷоми корҳои сохтмонии ба нақша гирифташуда дар маркази маъмурии ноҳия шаҳраки навбунёди Меҳрон ва деҳаҳо корҳои ободонӣ идома доранд, зикр дош раиси ноҳия. Сохтмони муассисаи таълимии нав дар шаҳраки Меҳрон барои 450 хонанда дар як баст аз ҷониби дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон дар арафаи анҷомёбӣ қарор дорад. Дар деҳаи дашти Оббурдон бошад, бо маблағгузории Вазорати маориф ва илми Ҷумҳурии Тоҷикистон сохтмони мактаб бо 10 сифхона барои 240 нафар хонанда идома дошта, дар деҳаи Валиғонд бунёди муассисаи таълимӣ барои 240 хонанда аз ҳисоби буҷаи маҳаллӣ ва дар деҳаи Палдорак бошад, сохтмони муассисаи нави таълимии дуошёна аз ҷониби Идораи сохтмони асосии Мақомоти иҷроияи ҳокимияти давлатии вилоят ба роҳ монда шудааст. Сохтмони муассисаҳои нав бинобар нарасидани ҷойи нишаст ба муҳассилин ва ба талабот ҷавобгӯ набудани муассисаҳои фаъолиятдошта зарур шуморида мешавад.

Барои фароҳам овардани шароити машқу тамрин ва ҷалби ҷавонон ба намудҳои гуногуни варзиш барои баргузории мусобиқаҳои варзишӣ дар деҳаи Табушн майдончаи варзишӣ сохта шуд. Дар баробари дастгириҳои давлатӣ сокинони деҳаи Истошони Ҷамоати деҳоти Лангар азм гирифтанд, ки дар назди муассисаи таълимии рақами 25 толори варзишии замонавиро бо тамоми таҷҳизоти зарурӣ сохта, ба истифода диҳанд. Қомат афрохтани биноҳои баландошёна дар маркази ноҳия, мумфарш шудани ду километр роҳи маркази ноҳия, сохта ба истифода додани майдони Парчам ва Нишони давлатии Ҷумҳурии Тоҷикистон дар назди бинои мақомоти иҷроияи ҳокимияти давлатии ноҳия, сохтмони беморхона ва бунгоҳҳои тиббӣ дар деҳот, бо таҷҳизоти замонавӣ таъмин намудани беморхонаҳо гувоҳи гуфтаҳои боло мебошанд. Бояд зикр намуд, ки дар рушди иқтисодӣ ва иҷтимоии ноҳия саҳми шарикони рушд назаррас буда, давоми соли 2020, бо вуҷуди пеш омадани пандемияи COVID 19 якчанд корҳои ободониву созандагӣ ба чашм мерасад.

Бо дастгирии Лоиҳаи «Барқарорсозии системаи обёрӣ ва беҳтаргардонии идоракунии он дар ҳавзаи дарёи Зарафшон» дар ҳудуди ноҳия таъмиру барқарорсозии ҷуйборҳо бо усули бетонпӯшкунӣ ба масофаи 10 км 402 метр гузаронида шуд, ки маблағи он 641 922 сомониро ташкил медиҳад. Бо ин роҳ раванди обтаъминкунӣ беҳтар гардида, дар баланд бардоштани сатҳи ҳосилнокии зироатҳо таъсири мусбат бахшид. Бояд зикр намуд, ки яке аз иқдомҳои неки лоиҳа аз он иборат буд, ки аз оилаҳои камбизоати деҳаҳои наздик коргар қабул намуда, ба онҳо музди маоши хуб пардохт карда шуд. Бо дастгирии ташкилоти SAҚOӢ низ якчанд корҳо иҷро гардиданд, ки аз қабили ворид намудани тухмии аълосифати зироатҳои сабзавотӣ, тухмии зироатҳои хуроки чорво, нӯрии минералӣ, асбобҳои боғдорӣ мебошанд, ки дар рушди соҳаи кишоварзӣ саҳми назаррас доранд.

Фаъолияти ташкилоти MSDSP низ дар ҳудуди ноҳия назаррас мебошад. Бо дастгирии ташкилоти мазкур якчанд лоиҳаҳо амалӣ гардиданд, ки аз қабили ташкили ҳоҷатхонаҳои экосан, ҳоҷатхонаҳои ҷамъиятӣ, ворид намудани таҷҳизотҳо барои чорводорӣ, ворид намудани тухмии мош ва лӯбиёи хушсифат, ташкили анборҳои замонавии картошка, ворид намудани асбобҳои боғдорӣ мебошанд, ки маблағи онҳо дар маҷмӯъ 1 миллиону 307 ҳазору 447 сомониро ташкил медиҳад. Бояд зикр намуд, ки бо воситаи кӯмаки Консорсиуми Фонди Тоҷикистонии Оғохон дар ноҳияи Кӯҳистони Мастчоҳ дар соли сипаришуда ба маблағи 3 миллиону 137 ҳазору 129 сомонӣ корҳои ободониву созандагӣ дар самти кишоварзӣ ва баланд бардоштани ҳосилнокии боғоту зиротҳо ба сомон расонида шуд, ки барои мардуми ноҳия муваффақияти беназир мебошад. Ҳамчунин, бо дастгирии БР СММ дар ноҳия низ якчанд корҳои ободониву созандагӣ ба сомон расонида шуд. Аз ҷумла бо дастгирии Барнома дар Ҷамоати деҳоти Лангар дар деҳаҳои Мадрушкат ва Истошон панҷ ҳазор бех дарахти мевадиҳанда ба аҳолӣ тақсим карда шуд, ки натиҷаи хуб ба даст овард.

Дар самти бунёди муассисаҳои соҳаи тандурустӣ ва маориф низ саҳми барнома назаррас мебошад. Соли 2020 бо дастгирии барнома дар деҳаи Ланглиф як бунгоҳи саломатии замонавӣ сохта шуд, ки барои аҳолии ин минтақа зарур буд. Бояд зикр намуд, ки корҳои ободониву созандагӣ дар доираи Барномаи рушди иқтисодӣ ва иҷтимоии ноҳияи Кӯҳистони Мастчоҳ барои солҳои 2016 2020 ба нақша гирифта шуда буданд, ки дар рушди ҳамаи соҳаҳои иқтисодӣ ва иҷтимоии ноҳия беҳбудии куллӣ ба назар мерасад. Айни ҳол барномаи нав барои солҳои 2021 2025 мавриди амал қарор дорад, ки дар Барнома 143 лоиҳа ба маблағи 174 миллиону 666,5 ҳазор сомонӣ ба нақша гирифта шудаанд. Вақте бо чанде аз сокинон оид ба пешрафту шукуфоии ноҳия суҳбат кардем, ҳама бо як овоз дар хусуси ҷавонмардӣ ва дурандешиву дарки масъулияти роҳбари ҷавони ноҳия Хайрулло Бобозода ҳарф мезаданду аз кордонии ӯ қисса мекарданд.

Чунончӣ, худи ӯ дар суҳбат бо мо иброз дошт, барои ҳалли масъалаҳои иқтисодию иҷтимоӣ, баланд бардоштани иқтисодиёти ноҳия ва некӯаҳволии мардум, дар ин замина паст намудани сатҳи камбизоатӣ мақомоти иҷроияи ҳокимияти давлатии ноҳия тадбирҳои зарурӣ ва саривақтиро ба роҳ монда, ҳамасола нишондиҳандаҳои назаррасро соҳиб мегарданд.

Мо дар партави сиёсати бунёдкоронаи Пешвои муаззами миллат барои рушди соҳаҳои ноҳия ва ҷиҳати боло бурдани сатҳи зиндагии сокинон тамоми тадбирҳоро меандешем. Далели возеҳу равшани он сол то сол боло рафтани даромади сокинон ва дар ин замина рушд ёфтани бахшҳои муҳиму калидии соҳаҳои гуногуни ноҳия мебошад. Барои мисол дар соли сипаришуда мо ба 3 деҳае, ки то имрӯз қувваи барқ надоштанд, хатҳои интиқоли барқ кашидем. Ё дар самти кишоварзиву дигар соҳаҳо низ дастовардҳои хубу назаррас доштем, афзуд раиси ноҳия.

Бо боварӣ метавон гуфт, ки бо чунин ташаббусҳо ноҳияи Кӯҳистони Мастчоҳ дар солҳои минбаъда низ рушд карда, вазъи зиндагии сокинони он боз ҳам беҳтар хоҳад шуд.

Нодир ТУРСУНЗОДА,
«Ҳақиқати Суғд»

ДДХ: НАТИҶАГИРӢ АЗ КОНФЕРЕНСИЯҲОИ ИЛМӢ

( 0 Овоз )

21-уми апрел, дар Қасри ҷавонон ба номи Лоиқ Шералии шаҳри Хуҷанд ҷаласаи ҷамъбастии конференсияи илмӣ-анъанавии устодон, олимони ҷавон, магистрантону донишҷӯён бахшида ба 30-солагии Истиқлолияти давлатии Ҷумҳурии Тоҷикистон, “Солҳои рушди деҳот, сайёҳӣ ва ҳунарҳои мардумӣ”, “20-солаи рушди илмҳои табиатшиносӣ, риёзӣ ва техникӣ”, 110-солагии Қаҳрамони Тоҷикистон Мирзо Турсунзода ва Рӯзи илми тоҷик баргузор гашт.

Дар ибтидо табрикоти Раиси вилоят Раҷаббой Аҳмадзодаро ба муносибати Рӯзи илми тоҷик мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Тоҷибой Султонзода ба самъи иштирокчиёни чорабинӣ расонид.

Ректори донишгоҳ, профессор Ҷамшед Ҷӯразода сухан карда, гуфт, ки ҳоло дар Донишгоҳи давлатии Хуҷанд ба номи академик Бобоҷон Ғафуров 874 омўзгор, аз ҷумла 54 нафар ё 6,2% доктори илм, профессор ва 409 нафар ё 46,7% номзади илм, дотсент фаъолият менамоянд, ки маҷмуъан, 52,9%-и теъдоди умумии омўзгоронро устодони соҳибунвон ташкил медиҳанд. Имрӯз дар ҳайати профессорону омӯзгорони донишгоҳ 201 нафар ё 23% омӯзорони ҷавони то 35 сола фаъолият доранд, ки 53 нафар ё 6,6%-и онҳоро ҷавонони соҳибунвон ташкил медиҳанд.

Иттилоъ дода шуд,  ки дар маҷмуъ, соли 2020 ва семоҳаи якуми соли 2021 дар донишгоҳ 3 рисолаи докторӣ ва 48 рисолаи номзадӣ бо муваффақият ба дифоъ расиданд. Ҳоло устодон бо 2 рисолаи докторӣ ва 10 рисолаи номзадии дигар ба дифоъ роҳ ёфтаанд, ки ин аз сатҳи омода намудани мутахассисони соҳибунвон ва хидматҳои бузурги олимони донишгоҳамон шаҳодат медиҳад.

Дар донишгоҳ бахшида ба Рӯзи илми тоҷик ва Ҳафтаи илм 24 мизи мудаввар, 28 конференсия, 2 конференсияи онлайнӣ, 45 маҳфили илмӣ, 43 семинари илмӣ-назариявӣ, 37 озмун ва чорабиниҳои дигари илмӣ ташкил ва гузаронида шуд. Танҳо дар конференсияҳои донишгоҳӣ 1 754 маърӯзаи илмӣ дар бахшҳои гуногун ироа гардиданд. Ин гувоҳӣ аз он медиҳад, ки имрўз ба рушди илмҳои муосир тадбирҳои зарурӣ амалӣ мешаванд.

Дар чорабинии мазкур, як қатор устодон, олимони ҷавон, докторантон, магистрантону донишҷӯён баҳри дастовардҳои илмӣ-тадқиқотӣ, натиҷаҳои шоён дар озмуну олимпиадаҳо, ҳамчунин, ҷиҳати дар сатҳи зарурӣ гузаронидан ва ҷамъбаст намудани конференсияи анъанавӣ қадр гардиданд.

Дар идома барномаи фарҳангӣ-фароғатӣ манзур гардид.

Хадамоти матбуоти
Раиси вилояти Суғд

АЁДАТИ ОИЛАҲОИ МАЪЮБ ВА НИЁЗМАНД

( 0 Овоз )

Дар заминаи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳнамоиҳои Раиси вилояти Суғд муҳтарам Раҷаббой Аҳмадзода  20 апрели соли равон раиси шаҳри Истаравшан Адҳам Маъмурзода ба аёдати оилаҳои маъюб ва ниёзманд рафта, ба онҳо аз номи роҳбарият маводҳои озуқаворӣ тақдим намуд.

Зимни аёдат раиси шаҳри Истаравшан аз вазъи саломатӣ ва шароити зисти эҳтиёҷмандон пурсон гардида, таъкид намуд, ки ғамхорӣ ва дастгирии шахсони имконияташон маҳдуд ва оилаҳои ниёзманд яке аз самтҳои муҳими сиёсати иҷтимоии роҳбарияти давлату Ҳукумати Ҷумҳурии Тоҷикистон ба ҳисоб меравад ва дар ин ҷода тайи солҳои охир ҷиҳати боз ҳам беҳтар гардидани вазъи зиндагии онҳо пайваста тадбирҳои судманд амалӣ карда шуда, ин қишри ҷомеа аз иқдому ташаббусҳои хайрхоҳонаи Пешвои муаззами миллат муҳтарам Эмомалӣ Раҳмон ҳамеша баҳравар мебошанд.

Аёдатшудагон аз ин амали некбинона изҳори хушнудӣ намуда, барои таваҷҷӯҳ ва ғамҳориҳои доимӣ миннатдории самимии хешро баён доштанд.

Хадамоти матбуоти
Раиси вилояти Суғд

Ҷаласаи навбатии ҳайати мушовараи Раёсати маорифи вилоят

( 0 Овоз )

Дар толори маҷлисгоҳи Гимназияи рақами 1-и ба номи Раҳим Ҷалили шаҳри Хуҷанд  ҷаласаи навбатии  ҳайати мушовараи Раёсати маорифи вилоят бо иштироки сарварони раёсат ва мудирони шуъбаҳои маорифи шаҳру ноҳияҳо, роҳбарони зерсохторҳои назди Раёсати маорифи вилоят доир гардид.

Ҷаласаро сардори Раёсати маорифи вилоят Осим Каримзода ифтитоҳ бахшида, иштирокдоронро бо рӯзномаи кории ҷаласа ошно намуд. Мавсуф фаъолияти семоҳаи маорифчиёнро мавриди таҳлил қарор дода, қайд намуд, ки ҷомеаи меҳнатии маорифчиёни вилоят  ҳанӯз таҳти таассуроти баланд аз сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд қарор дошта, тибқи дастуру ҳидоятҳояшон ҷиҳати истиқболи сазовори 30 - солагии Истиқлолияти давлатии Ҷумҳурии Тоҷикистон кӯшиш ба харҷ дода истодаанд.

Дар идомаи кори ҷаласаи мушовара   оид ба санҷиши таъмини иҷрои «Барномаи маҳаллии маҷмӯии рушди тарбияи ҷисмонӣ ва варзиш дар вилоят барои солҳои 2017-2021» ва омӯзиши фанни омодагии дифои ҳарбӣ дар муассисаҳои таълимии шаҳру ноҳияҳои Истиқлол, Мастчоҳ ва Бӯстон,  санҷиши рафти қарори Ҳукумати Ҷумҳурии Тоҷикистон аз 31 марти соли 2020, №199 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021» дар муассисаҳои таълимии шаҳру ноҳияҳои  Бӯстон, Мастчоҳ ва Зафаробод, оид ба рӯзҳои Раёсати маорифи вилоят, санҷиши сатҳу сифати таҳсилот ва татбиқи Амри Президенти Ҷумҳурии Тоҷикистон, аз 05.02.2020, №АП-1339 доир ба гузаронидани озмуни ҷумҳуриявии “Фурӯғи субҳи доноӣ китоб аст” дар муассисаҳои таълимии ноҳияи Мастчоҳ сармутахассисони  Раёсати маорифи вилоят  Мирҷумъа Бобозода,  Шуҳрат Сатторов ва Абдураҳим Қурбонов гузориш доданд.

Дар бораи фаъолияти созмони хонандагони муассисаҳои таълимии шаҳру ноҳияҳои Истаравшан, Конибодом, Деваштич гузориши Фирдавс Ашурматов, директори Маркази таҳсилоти иловагии вилоят шунида шуд.

Корманди Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Васлибек Назриён оид ба пешгирӣ ва бартараф намудани ҳуқуқвайронкуниҳои ба ҳолатҳои коррупсионӣ мусоидаткунанда дар соҳаи маориф  маълумот дод.

Дар хотимаи ҷаласа сардори Раёсати маорифи вилоят Осим Каримзода ҷиҳати баланд бардоштани сатҳ ва сифати таълиму тарбияи насли наврас, тақвияти фаъолият дар партави дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  сухан ронда, аз масъулин даъват ба амал овард, ки барои афзун намудани дастовардҳо  ҳарчи бештар аз имкониятҳои  мусоид истифода баранд.

Хадамоти матбуоти
Раиси вилояти Суғд

Дар ноҳияи Бобоҷон Ғафуров 5 корхонаи нав бо 60 ҷойи корӣ ба фаъолият оғоз кард

( 0 Овоз )

Дар толори мақомоти иҷроияи ҳокимияти давлатии ноҳияи Бобоҷон Ғафуров, маҷлиси фаъолон оид ба натиҷаҳои рушди иқтисодиву иҷтимоии ноҳия дар се моҳи аввали соли 2021 бо иштироки васеи кормандони мақомотҳои ҳифзи ҳуқуқ, мудирони шуъбаву бахшҳои дастгоҳи раиси ноҳия ва намояндагони воситаҳои ахбори умум таҳти раёсати Раиси ноҳия Зафарбек Давлатзода баргузор гардид.

Дар он як масъала: «Натиҷаҳои рушди иқтисодиву иҷтимоии ноҳия дар се моҳи аввали соли 2021» мавриди баррасӣ қарор гирифта, аз рӯи ин масъала муовини аввали Раиси ноҳия Орифӣ Фаррух Абдуллозода гузориши муфассал дод.

Зимни баромад таъкид сохт, ки ҳаллу фасли масъалаҳои иқтисодӣ ва иҷтимоӣ ҳамеша дар мадди назари давлату ҳукумати ҷумҳурӣ қарор дошта, сарпарастию ғамхории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон водор месозад, ки масъулини соҳаҳо дар якҷоягӣ барои бештару хубтар роҳандозӣ намудани фаъолият кӯшиш ба харҷ диҳанд.

Дар се моҳи аввали соли 2021 нақшаи даромадҳои буҷети давлатӣ бе назардошти андози иҷтимоӣ 100,0 фоиз иҷро гардида, ба буҷет зиёда аз 74,1 млн. сомонӣ маблағ ворид гардид. Нақшаи воридоти андози иҷтимоии ғайрибуҷетӣ бошад 118,9 фоиз иҷро гардида, дар маҷмӯъ хазинаи Агентии суғуртаи иҷтимоӣ ва нафақа бо 23,8 млн.сомонӣ маблағ таъмин шуд.

Зимни баррасии соҳаи кишоварзӣ иттилоъ дода шуд, ки дар ҳамаи шаклҳои хоҷагидорӣ дар майдони 24580 гектар кишти баҳорона пешбинӣ гардида, то имрӯз дар бахши кишоварзӣ дар майдони 6180 гектар аз ҷумла, ғалладонагиҳо 3456 гектар, сабзавот 1098 гектар, картошка 480 гектар кишт карда шуданд. Айни ҳол дар хоҷагиҳои кишоварзии ҳудуди ноҳия кишти пахта оғоз гардида, соли ҷорӣ он дар майдони 8600 гектар пешбинӣ шудааст ва то имрӯз дар майдони 2615 гектар замин кишти пунбадона гузаронида шудааст.

Масъалаи таъмин намудани суръати афзоиш ва ба маҷрои муайян даровардани фаъолияти корхонаҳои саноатӣ дар маркази таваҷҷӯҳи мақомоти иҷроияи ҳокимияти давлатии ноҳия қарор дорад. Зимни баррасии фаъолияти соҳаи саноат зикр гардид, ки дар соли 2021 аз ҳисоби корхонаҳои хурду миёна 12 адад корхонаҳои саноатӣ пешбини шуда, дар ин давра 5 корхонаи нави хурду миёнаи истеҳсолӣ таъсис дода шуд, ки дар натиҷа 60 нафар бо ҷои кори доимӣ таъмин шуданд.

Дар идомаи маҷлиси фаъолон масъалаҳои истифодаи нерӯи барқ дар ташкилоту муассисаҳо ва аҳолии ноҳия, самти нақлиёт, муҳоҷирати меҳнатӣ, ободонӣ, иҷрои нақшаи андоз ва тамоми самтҳои иҷтимоиёт мавриди таҳлили амиқ қарор гирифтанд.

Раиси ноҳияи Бобоҷон Ғафуров Зафарбек Давлатзода тамоми соҳаҳои иқтисодиву иҷтимоии ноҳияро мавриди муҳокима қарор дода, рушди ҳар як соҳаро аз иҷрои босифату саривақтии нақшаву супоришҳои пешбинигардида вобаста донист. Ва ҷиҳати ислоҳи камбудиҳо масъулинро муваззаф сохт.

Хадамоти матбуоти
Раиси вилояти Суғд

ШУМО ДАР: Навиди Суғд