Хабарҳо
Машварати кории Раиси вилоят Раҷаббой Аҳмадзода - 22.01.2021 16:24
Пешвои миллат Эмомалӣ Раҳмон бинои хобгоҳи рақами 8-и Донишгоҳи миллии Тоҷикистонро мавриди истифода қарор доданд - 22.01.2021 13:50
Ифтитоҳи Осорхонаи Пешвои миллат дар Донишгоҳи миллии Тоҷикистон бо иштироки Сарвари давлат Эмомалӣ Раҳмон - 22.01.2021 12:49
Президенти мамлакат Эмомалӣ Раҳмон бинои нави таълимии факултети иқтисодӣ ва молиявии Донишгоҳи миллии Тоҷикистонро мавриди истифода қарор доданд - 22.01.2021 12:47
Раёсати Вазорати корҳои дохилӣ дар вилояти Суғд машқҳои таълимӣ гузаронид - 22.01.2021 12:56
"Худомӯзи саводи расонаӣ" — шакли электронии ин китоби омӯзишӣ дастраси хонандагон гардид - 22.01.2021 12:38
Шиносоӣ бо фаъолияти Кооперативи истеҳсолии “Шаҳристон” - 20.01.2021 13:14
Шиносоии Раиси вилоят бо ҷараёни васлу насби таҷҳизот дар корхонаи коркарди ғаллаи ҶДММ “Хубҷамъ” - 21.01.2021 16:23
Дар Истаравшан майдони муҷассамаи Шоҳ Исмоили Сомонӣ бунёд мешавад - 20.01.2021 10:43
Боздиди Раиси вилоят аз намоиши асарҳои ҳунарманду наққош ва рассоми номӣ Зиёвиддин Мирзоев - 21.01.2021 15:52

Навиди Суғд


Раёсати Вазорати корҳои дохилӣ дар вилояти Суғд машқҳои таълимӣ гузаронид

( 0 Овоз )

21 январ бо дастури роҳбарияти Раёсати Вазорати корҳои дохилӣ дар Ҷумҳурии Тоҷикистон дар вилояти Суғд бо иштироки ҳайати шахсии шуъбаву хадамот ва ҷузъу томҳои мақомоти корҳои дохилии вилоят дар майдончаи сафороии қисми ҳарбии  Раёсати қӯшунҳои дохилии ВКД, воқеъ дар шаҳри Хуҷанд машқҳои таълимӣ-дастурӣ гузаронида шуданд.

Намоиши машқҳои таълимӣ бо иштироки гурӯҳҳои зудамали дастгоҳи марказии Раёсат, қисми ҳарбии  РҚД ВКД, Раёсати хадамоти давлатии оташнишонӣ, Хадамоти давлатии «Муҳофиза», шуъбаҳои ВКД дар шаҳру ноҳияҳои Хуҷанд, Бӯстон, Гулистон, Б.Ғафуров, масъулини шуъбаи тиббии Раёсат ва курсантони факултети №4 Академияи ВКД доир гардид.

Баъди тамринҳои якҳафтаина дар ҳузури роҳбарияти мақомоти корҳои дохилии вилоят омодагии ҳайати шахсӣ дар ҳифзи тартиботи ҷамъиятӣ натиҷагирӣ карда шуд.

Саҳнаҳои шартӣ ташкил карда шуда, фаъолияти қувваю воситаҳои мақомоти милитсия дар чунин вазъият баҳри таъмини тартиботи ҷамъиятӣ, ҳимояи ҳаёту саломатии шаҳрвандон, ҳифзи моликияти ҷамъиятиву давлатӣ дар саҳнаҳои шартӣ намоиш дода шуд.

Сардори Раёсати ВКД дар вилояти Суғд, генерал-майори милитсия Абдулло Навҷувонов аз натиҷаи машқи таълимӣ изҳори қаноатмандӣ намуд.

Масъулини шуъбаи ҳифзи тартиботи ҷамъиятии Раёсати мазкур, ки намоиш аз рӯи нақшаи онҳо гузаронида шуд, вазифадор гардиданд, ки минбаъд низ чунин машқҳои таълимӣ ташкил кунанд. Зеро ҳайати шахсӣ таҷрибаи амалӣ андӯхта, ҳарчи бештар омода мешавад.

Дар қисмати ҷамъбастии машқҳои тактикӣ барои иштироки фаъолона, қобилияти фарқкунанда дар иҷрои вазифаҳои хизматӣ ва нишон додани масъулияти баланди касбӣ 70 нафар иштирокчиёни фаъоли машқи таълимӣ бо туҳфа, Сипоснома ва ифтихорномаҳо қадрдонӣ карда шуданд.

Хадамоти матбуоти
Раиси вилояти Суғд

"Худомӯзи саводи расонаӣ" — шакли электронии ин китоби омӯзишӣ дастраси хонандагон гардид

( 0 Овоз )

"Худомӯзи саводи расонаӣ" - ин китоби омӯзишӣ аз ҷониби Илҳом Ҷамолиён, номзади илмҳои филологӣ, сармуаллими кафедраи журналистика ва назарияи тарҷумаи Донишгоҳи давлатии Хуҷанд ба номи академик Бобоҷон Ғафуров омода ва шакли электронии он дар шабакаи интернет(https://bit.ly/3oTpKhg ) ҷойгир карда шудааст.

Чуноне, муаллиф дар муқаддимаи китоб зикр кардааст, саводи расонаӣ як қатор малака ва маҳоратҳоеро, ки барои ҷустуҷӯи самаранок, таҳлили интиқодӣ, истифода ва интишори иттилооту муҳтаво, дарки аҳамияти ҳуқуқи инсон дар интернет, тарзи муқовимат бо сайберозорӣ ва хушунат дар фазои маҷозӣ, дарки масъалаҳои ахлоқии марбут ба дастрасӣ ва истифодаи иттилоот, ҳамкорӣ бо намояндагони васоити ахбори омма ва технологияҳои иттилоотӣ-коммуникатсионӣ ҷиҳати мусоидат ба баробарӣ, озодии баён, муколамаи байни фарҳангҳо, сулҳ ва ғайра заруранд, фаро мегирад.

-Худомӯзи саводи расонаӣ аз 10 дарс мураттаб гаштааст, ки матни он тавъам бо инфографикаи тафсирӣ хонандаро бо алифбои расонашиносӣ, тафаккури интиқодӣ, диҷитолшиносӣ, тарғиботшиносӣ ва шинохти шеваҳои дасткорӣ, далелсанҷӣ ва расонаҳои рақамӣ, интернетшиносӣ, шинохти шабакаҳои иҷтимоӣ, шеваҳои худмуҳофизатӣ ва амнияти рақамӣ ва ғайра ошно месозад. Дар поёни ҳар дарс суолномае доир ба мавзӯи азхудшуда пешкаш мешавад, ки ба он бояд посух гуфт ва дар баробари ин пайванди санҷиши тестӣ низ гузошта шудааст. Посух ба суолҳои санҷишӣ далолат медиҳанд, ки дарси мазкур аз ҷониби хонанда то чӣ ҳад ҳифз шудааст. Дар поёни ҳар дарс ҳамчунин намунаҳои подкаст ва видеои дарс манзур шудаанд, ки китоби электронии мо тамошо ва шунидани онҳоро дар дохили “худомӯз” имконпазир мекунад, - мегӯяд муаллифи китоб Илҳоми Ҷамолиён.

«Худомузи саводи расонаӣ» ҷанбаи умумии омузишӣ дошта, метавонад мавриди истифодаи донишҷӯёни мактабҳои оливу миёна ва одамони касбу пешаи гуногун, аз ҷумла рӯзноманигорон қарор гирад.

Боиси зикр аст, ки аз тарафи муаллиф ҳамзамон шабакаи омӯзишӣ оид ба рушди саводи иттилоотӣ-расонаӣ бо номи «МедиаДоно» дар заминаи Android фаъол карда шудааст, ки  он унсурҳои бозиро дошта, яке аз нахустин захираҳои омӯзишӣ дар соҳаи саводи иттилоотӣ-расонаӣ ба забони тоҷикӣ аст.  Кӯмак ба наврасону навҷавонон ва инчунин ба волидайни онҳо ҷиҳати расонаомӯзӣ ва баланд бардоштани саводи расонаӣ ҳадафи асосии ин шабака ба ҳисоб меравад.

Хадамоти матбуоти
Раиси вилояти Суғд

Филми ҳуҷҷатии Бешарафӣ

( 0 Овоз )

https://youtu.be/GL0_Xfg7sAY

Хонандагони Литсей барои хонандагони болаёқат дар шаҳри Хуҷанд дар олимпиадаи байналмиллалии BRICMATH-2020 соҳиби ҷойҳои ифтихорӣ шуданд

( 0 Овоз )

Ғолибони 4 - умин олимпиадаи байналмиллалии BRICMATH-2020 аз фанни математика, ки аз ҷониби кишварҳои узви паймони БРИКС (маммолики Бразилия, Россия, Ҳиндустон, Чин, Африқои Ҷанубӣ) ташкил карда шуда буд, эълон гардид.

Дар қатори беш аз 2 миллион иштирокчӣ аз 7 кишвари олам, 22 нафар хонандагони Литсей барои хонандагони болаёқат дар шаҳри Хуҷанд низ дар олимпиадаи мазкур аз фанни дақиқ бо забони англисӣ тариқи фосилавӣ (онлайн) иштирок намуда, аз онхо 15 нафар хонандагон мақоми аввал ва ғолибиятро дар озмуни мазкур ба даст оварда, бо Диплом ва медалҳо сазовор гардиданд.

Тибқи иттилои директори Литсей барои хонандагони болаёқат дар шаҳри Хуҷанд Сурайё Неъматова  дар натиҷаи ҷамъбасти озмуни сатҳи чаҳонӣ хонандагон литсей — Ибрагимов Сарвар, Раҳимов Меҳрвар, Ибрагимов Раҳимҷон, Тоҷибоев Абдухолиқ, Акрамӣ Назокат, Каримов Анушервон, Абдуқодиров  Мирзоибодулло, Собирзода Меъроҷ, Раҳимов Абубакр, Раҷабов Наврӯзшоҳ, Орипов Абубакр  Шукуров Баҳодур, Аҳмадов Самад бо ба даст овардани ҷойҳои ифтихорӣ шарафи Тоҷикистонро дар ин озмун ҳимоя намуданд.

Бояд қайд намуд, ки Олимпиадаи ҷаҳонии  BRICMATH-2020 аз фанни математика аз ҷониби кишварҳои узви паймони БРИКС (кишварҳои Бразилия, Россия, Хиндустон, Чин, Африқои Ҷанубӣ) ташкил карда шуда, дар он хонандагони синфҳои 1-11 аз кишварҳои гуногуни олам иштирок мекунанд. Имсол соли 4 ум аст, ки олимпиадаи мазкур ташкил карда шуда, бо сабаби пандемияи коронавирус озмун тариқи фосилавӣ сурат гирифт.

Ҳадафи асосии озмун ин ҷалби кўдакон ба фанҳои дақиқ, аз ҷумла риёзӣ ва рушди тафаккури мантиқии хонандагон мебошад.

Лозим ба таъкид аст, ки дар соли хониши 2020-2021 Литсей барои хонандагони болаёқат дар шаҳри Хуҷанд дар олимпиадаҳои ҷаҳонӣ дар кишварҳои Таиланд, Туркия(Анталия) , Федератсияи Россия(Москва) иштирок намуда, 39 медалро ба даст оварданд, ки аз ин микдор 22 медали тилло, 8 медали нуқра ва 9 медали биринҷиро ташкил дода, ин натиҷа дастоварди беназири мактабиён ба ҳисоб меравад.

Хадамоти матбуоти
Раиси вилояти Суғд

Шиносоӣ бо фаъолияти Кооперативи истеҳсолии “Шаҳристон”

( 0 Овоз )

Раиси вилояти Суғд Раҷаббой Аҳмадзода аснои сафари корӣ ба ноҳияи Шаҳристон бо фаъолияти Кооперативи истеҳсолии “Шаҳристон” шинос шуд.

ШУМО ДАР: Навиди Суғд