Хабарҳо
Раҷаббой Аҳмадзода занону бонувони собиқадорро бахшида ба Рӯзи Модар табрик намуд - 07.03.2021 18:28
Раҷаббой Аҳмадзода бонувони собиқадори арсаи сиёсат, маориф, иқтисодиётро аёдат кард ва бо Рӯзи модар табрик намуд - 06.03.2021 18:25
Баргузории ярмарка - фуруши маҳсулоти кишоварзӣ - 06.03.2021 15:19
“Модар офарандаи ҳаёт, пайвандгари наслҳо, сарчашмаи меҳру муҳаббат ва нерӯбахши рӯҳу ҷон мебошад”-бардошт аз чорабинии идона дар шаҳри Исфара - 05.03.2021 20:44
Дар ноҳияи Ашт Рӯзи Модарро бо шукуҳи хоса ҷашн гирифтанд - 05.03.2021 20:24
Дар Хуҷанд бахшида ба Рӯзи Модар бо ҳузури Озарахшу Фарзона маҳфили «Ширу шакар» доир шуд - 05.03.2021 16:32
Президенти Ҷумҳурии Тоҷикистон Эмомалӣ Раҳмон бо Раиси Раёсати Бонки Авруосиёии Рушд Николай Подгузов мулоқот намуданд - 05.03.2021 16:19
Баргузории семинари омӯзишӣ дар мавзӯи «Баланд бардоштани нерӯи таълимии мактаб дар пешгирии ифротгароии хушунатомез» - 05.03.2021 14:51
Истаравшан. Соҳибкор Ҳакимова Рухшона коргоҳи хурди қаннодиро мавриди истифода қарор дод - 05.03.2021 14:48
Таҷлили Рӯзи Модар дар шаҳри Бӯстон - 05.03.2021 14:42

Боздиди Раиси вилоят аз намоиши асарҳои ҳунарманду наққош ва рассоми номӣ Зиёвиддин Мирзоев

( 0 Овоз )

21 январ дар Арт-галереяи “Сомониён”-и маркази вилоят намоиши асарҳои ҳунарманду наққош ва рассоми номӣ Зиёвиддин Мирзоев доир шуд.

Дар намоиш асарҳои рассом бо номҳои “Тирамоҳи кӯча”, “Нақши аввалин”, “Гавазн”, “Нурафшон”, “Садбарг”, “Фарҳанг”, ”Шӯхоб”, “Рӯди куҳӣ”, “Роҳи Аглук”, “Ҷӯи мӯлиён”, “Гулдаста”, “Санги лағжон”, “Маликаи Саразм”, “Меҳргон”, “Зарафшон”, “Баландкуҳ”, “Ангур”, “Кӯли диёр”, “Пулча”, дар маҷмуъ 59 номгӯй пешниҳоди тамошобинон гардонида шуд.

Дар осори ба намоиш гузошташуда манзараҳои дилфиреби Тоҷикистони биҳиштосо, рӯду куҳҳо, зебоиҳои ҳаёт, образҳои воқеию бадеӣ, Саразми бостон, маликаи Саразм тасвир шудааст, ки аз ҳунари волои рассом гувоҳӣ медиҳанд.

Раиси вилояти Суғд Раҷаббой Аҳмадзода аз намоиши мазкур дидан карда, ба ҳунари наққош ва рассом Зиёвиддин Мирзоев баҳои баланд дод. Таъкид карда шуд, ки мақомоти иҷроияи ҳокимияти давлатии вилоят барои дастгирии ҳунармандон ва рушди навъҳои гуногуни санъату ҳунар тадбирҳои заруриро роҳандозӣ менамояд. Ташкили чунин чорабиниҳо барои баланд бардоштани ҳисси зебоипарастии сокинон, дарки зебоиҳо, муаррифии бештари манзараҳои нотакрор саривақтӣ буда, арҷгузорӣ ба ҳунару офаридаҳои эҷодкорон низ маҳсуб меёбад.

Раиси вилоят ба масъулин ҷиҳати харидории асарҳои беҳтарини рассом ва ҷойгир намудани онҳо дар осорхонаву дигар муассисаҳои фарҳангӣ ба масъулин супоришҳо дода, дастур дод, ки намоиши асарҳои рассомонро мунтазам ба роҳ монда, барои иштироки рассомон дар озмуну намоишгоҳҳои ҷумҳуриявӣ ва байналмилалӣ мусоидат карда шавад.

Боиси зикр аст, ки Зиёвиддин Мирзоев бо тахаллуси Наққош фаъолият дорад. Ӯ зодаи шаҳри бостонии Панҷакент буда, хатмкардаи омӯзишгоҳи рассомии ба номи М.Олимов мебошад.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Боздиди Раиси вилоят аз намоиши асарҳои ҳунарманду наққош ва рассоми номӣ Зиёвиддин Мирзоев