Хабарҳо
Раҷаббой Аҳмадзода занону бонувони собиқадорро бахшида ба Рӯзи Модар табрик намуд - 07.03.2021 18:28
Раҷаббой Аҳмадзода бонувони собиқадори арсаи сиёсат, маориф, иқтисодиётро аёдат кард ва бо Рӯзи модар табрик намуд - 06.03.2021 18:25
Баргузории ярмарка - фуруши маҳсулоти кишоварзӣ - 06.03.2021 15:19
“Модар офарандаи ҳаёт, пайвандгари наслҳо, сарчашмаи меҳру муҳаббат ва нерӯбахши рӯҳу ҷон мебошад”-бардошт аз чорабинии идона дар шаҳри Исфара - 05.03.2021 20:44
Дар ноҳияи Ашт Рӯзи Модарро бо шукуҳи хоса ҷашн гирифтанд - 05.03.2021 20:24
Дар Хуҷанд бахшида ба Рӯзи Модар бо ҳузури Озарахшу Фарзона маҳфили «Ширу шакар» доир шуд - 05.03.2021 16:32
Президенти Ҷумҳурии Тоҷикистон Эмомалӣ Раҳмон бо Раиси Раёсати Бонки Авруосиёии Рушд Николай Подгузов мулоқот намуданд - 05.03.2021 16:19
Баргузории семинари омӯзишӣ дар мавзӯи «Баланд бардоштани нерӯи таълимии мактаб дар пешгирии ифротгароии хушунатомез» - 05.03.2021 14:51
Истаравшан. Соҳибкор Ҳакимова Рухшона коргоҳи хурди қаннодиро мавриди истифода қарор дод - 05.03.2021 14:48
Таҷлили Рӯзи Модар дар шаҳри Бӯстон - 05.03.2021 14:42

Дар Шаҳристон бунёди бинои бахши омори ноҳия ҷараён дорад

( 0 Овоз )

Дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон дар ноҳияи Шаҳристон бунёди бинои бахши омори ноҳия идома дорад.

Тавре зимни шиносоии Раиси вилоят Раҷаббой Аҳмадзода бо ҷараёни корҳои сохтмонии иншоот иттилоъ дода шуд, бинои мазкур бо фармоиши Сарраёсати омори вилояти Суғд сохта шуда, харҷномаи лоиҳавии иншоот 700 ҳазор сомониро ташкил мекунад.

Бинои бахши омори ноҳия бо мақсади беҳтар намудани шароити кории кормандони соҳаи омор сохта шуда, дар назар аст, ки сохтмони он соли равон ба итмом расонида шавад.

Ҳини шиносоӣ Раиси вилоят барои дар муҳлати пешбинишуда ва бо сифати баланд ба анҷом расонидани корҳои сохтмонӣ супоришҳои мушаххас дод.

Сипас, Раиси вилоят фаъолияти меҳмонхонаи “Шаҳристон”-ро мавриди таваҷҷуҳ қарор дода, бо нақшаи ободонӣ дар ин иншоот шинос шуда, барои тақвияти корҳои ободонӣ ба роҳбарияти ноҳия дастурҳои мушаххас дод. Таъкид гардид, ки бо мақсади беҳтар намудани хизматрасонӣ дар ҳудуди меҳмонхона иншооти ёрирасон бунёд шуда, барои мизоҷон шароити зарурӣ фароҳам оварда мешавад.

Дар поёни сафари корӣ Раиси вилоят ҳамзамон бо лоиҳаи майдони Парчами давлатӣ ошно гардида, барои такмили лоиҳа ба масъулин тавсияҳо дод. Майдони Парчам дар шафати Қасри фарҳанги ноҳия бунёд гардида, барои истироҳату фароғати сокинон ва меҳмонони ин минтақаи сайёҳӣ шароити зарурӣ фароҳам оварда хоҳад шуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Дар Шаҳристон бунёди бинои бахши омори ноҳия ҷараён дорад