Хабарҳо
1 ноябр дар тамоми муассисаҳои таҳсилоти миёнаи умумии Тоҷикистон таътили тирамоҳӣ оғоз меёбад - 28.10.2020 16:49
Сафари кории Раиси вилояти Суғд Раҷаббой Аҳмадзода ба шаҳри Конибодом - 28.10.2020 15:22
Гулистон. Беш аз 12 км роҳҳои автомобилгард мумфарш карда шуд - 28.10.2020 14:30
Роҳбарони Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи давлатии ҳуқуқшиносии Тошкент мулоқот намуданд - 28.10.2020 11:08
Маҷлиси Ҳукумати Ҷумҳурии Тоҷикистон баргузор гардид - 28.10.2020 08:57
Дар ноҳияи Бобоҷон Ғафуров то имрӯз 13234 тонна пахта ҷамъоварӣ шудааст - 27.10.2020 15:35
Маҷаллаи адабӣ ва илмию оммавии «Паёми Суғд» 25 сола шуд - 26.10.2020 14:01
Боздиди Раиси вилоят аз сардхонаи Кооперативи тиҷоратии “Шаҳристон” - 26.10.2020 11:11
Маркази матбуоти Қӯшунҳои сарҳадии КДАМ ҶТ хабар медиҳад - 26.10.2020 10:27
Дар ноҳияи Шаҳристон қутоспарварӣ ба роҳ монда шуд - 26.10.2020 10:06

Сарвари давлат Эмомалӣ Раҳмон дар ноҳияи Мастчоҳ қасри варзишии «Паҳлавонони суғдӣ»-ро мавриди истифода қарор доданд

( 0 Овоз )

Дар ноҳияи Мастчоҳ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи ба номи Ҷонмаҳмад Холиқови шаҳраки Бӯстон қасри варзишии «Паҳлавонони суғдӣ»-ро, ки аз рӯи лоиҳаи зебою замонавӣ бунёд шудааст, бо иштироки наврасону ҷавонон ва дӯстдорони варзишу тарбияи ҷисмонӣ мавриди истифода қарор доданд.

Бунёди қасри варзиш бо супориши Пешвои миллат муҳтарам Эмомалӣ Раҳмон бо мақсади фароҳам овардани шароити хуби машқу тамрин, эҳёву рушди намудҳои гуногуни варзиш, аз ҷумла гӯштин, гӯштини миллӣ, камарбандӣ, дзюдо, гӯштини самбо ва намудҳои дигари варзишӣ миллӣ ба роҳ монда шудааст.

Лоиҳаи иншооти варзишӣ бо дарназардошти унсурҳои меъморӣ, ороишӣ хосаи замони муосир ва фароҳам овардани шароити меъёрии машғул шудани наврасону ҷавонон ба машқу тамрин, баргузории чорабинию мусобиқаҳои варзишӣ таҳия гардидааст.

Корҳои сохтмонӣ моҳи майи соли 2018-ум оғоз гардида, дар бунёди иншоот 10 нафар сохтмончии ватанӣ малака ва донишу таҷрибаи хешро истифода намудаанд.

Масоҳати умумии иншооти варзишӣ 880 метри муррабаъро ташкил дода, аз як ошёна иборат мебошад.

Дар толори асосӣ ду ҷой барои тамрин, баргузории мусобиқаҳо мавҷуд буда, барои тамошои машғулиятҳову мусобиқаҳои варзишӣ ба 200 нафар тамошобин ҷойи нишаст муҳайё карда шудааст.

Дар маҷмааи варзишӣ барои машғул шудани то 100 нафар варзишгарон ба машқу тамрин шароит фароҳам гардидааст ва ҳамзамон ҳуҷраҳои истироҳатию либосивазкунӣ низ мавчуд мебошад.

Қасри варзишии «Паҳлавонони суғдӣ» бо мақсади оммавияти варзишу тарбияи ҷисмонӣ, ҷалби бештари ҷавонону наврасон ба обу тоби бадан бунёд гардидааст.

Сарвари давлат муҳтарам Эмомалӣ Раҳмон зимни боздид аз қасри «Паҳлавонони суғдӣ» ба корҳои сохтмонӣ баҳои баланд дода, машғул шудан ба варзишу тарбияи ҷисмониро омили муҳими таъмини солимии ҳар нафар, омода шудан ба мусобиқаҳои варзишӣ ва ба таври шоиста муаррифӣ кардани давлату миллат дар мусобиқаҳои байналмилалӣ арзёби намуданд.

Дар ҳудуди ноҳияи Мастчоҳ айни замон 7 варзишгоҳ, 41 толори варзишӣ, 21 майдончаи муосири варзишӣ ва як ҳавзӣ шиноварӣ амал мекунад, ки дар онҳо 600 нафар варзишгарон, дар қатори онҳо 55 нафар бонувон дар назди устодони соҳа аз рӯӣ намудҳои гуногуни варзиш машқу тамрин менамоянд.

Дар ноҳияи Мастчоҳ намудҳои гуногуни варзиш рушд карда, ҷавонону наврасон ба футбол, волейбол, баскетбол, гӯштин ва чавгон майлу рағбати зиёд дошта, дар мусобиқаҳои вилоятӣ, ҷумҳуриявӣ ва байналмилалӣ ширкат карда, дар баробари дастовардҳо ба мақоми устоди варзиш комёб гардидаанд.

Сокинон ва ҷавонони ноҳияи Мастчоҳ бунёди чунин қасри зебою замонавиро ғамхории навбатии Пешвои миллат муҳтарам Эмомалӣ Раҳмон нисбат ба насли оянда арзёбӣ намуданд.


Шарҳ додан


Защитный код
Нав кардан

ШУМО ДАР: Навид Сарвари давлат Эмомалӣ Раҳмон дар ноҳияи Мастчоҳ қасри варзишии «Паҳлавонони суғдӣ»-ро мавриди истифода қарор доданд