Хабарҳо
Дар доираи сафари корӣ ба ноҳияи Деваштич Раиси вилоят аз рафти кишти картошка боздид намуда бо кишоварзон мулоқот кард - 26.05.2020 19:43
Шиносоии Раиси вилоят бо ҷараёни корҳои сохтмонӣ дар ноҳияи Деваштич - 26.05.2020 18:45
Раиси вилоят ҷавонони маъюбро аёдат намуд - 26.05.2020 18:38
Раиси вилоят Раҷаббой Аҳмадзода аз рафти корҳои саҳрои ва аз худ кардани заминҳои нав дар ноҳияи Деваштич шинос шуд. - 26.05.2020 18:26
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Фитр - 23.05.2020 20:28
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ҷавонон - 22.05.2020 09:25
Паёми табрикии Раиси вилоят ба муносибати Иди саиди Фитр - 22.05.2020 09:57
Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров - 23.05.2020 18:03
Раиси вилоят оилаҳои аз бемории сироятӣ фавтидаро аёдат намуда изҳори ҳамдардӣ кард - 23.05.2020 17:40
Раҷаббой Аҳмадзода ба аёдати ҷавонони имконияташон маҳдуд рафт - 23.05.2020 17:34

Мулоқоти Раҷаббой Аҳмадзода бо табибони беморхонаи марказии шаҳри Панҷакент

( 0 Овоз )

Дар беморхонаи марказии шаҳри Панҷакент Раиси вилояти Суғд Раҷаббой Аҳмадзода бо табибон мулоқот намуд.

Бо мақсади огаҳӣ пайдо намудан аз вазъи фаъолияти табибон ва ҷараёни корҳо дар самти пешгирии бемории сироятии коронавирус (COVID-19) Раиси вилояти Суғд Раҷаббой Аҳмадзода дар доираи сафари корӣ ба шаҳри Панҷакент дар беморхонаи марказии шаҳр бо табибон  мулоқот намуд.

Нахуст роҳбари вилоят оид ба дастгирии давлатии соҳаи тандурустӣ аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва равона гардидани таваҷҷуҳи хоса ҷиҳати муҳайё намудани шароити мусоид барои  фаъолияти табибон ёдовар шуд. Гуфта шуд, ки рушди соҳаи тандурустӣ дар меҳвари сиёсати Ҳукумати Ҷумҳурии Тоҷикистон қарор дошта, имрӯзҳо фаъолияти шоистаи ҳар як табиб низ ҳамаҷониба мавриди қадршиносӣ қарор дорад. Барои адои садоқатмандонаи рисолати касбӣ ва меҳнати шабонарузии табибони шарафманди шаҳри Панҷакент арзи сипос намуд.

Даъват ба амал оварда шуд, ки дар шароити хуруҷи бемории сироятии короновирус зарур аст, ки табибони мо беш аз пеш  рисолати касбии хешро муваффақона ба анҷом расонида, ҷиҳати пешгирии авҷ гирифтани беморӣ байни аҳолӣ корҳои тарғиботиву равшаннамоиро вусъат бахшида, мардумро баҳри риояи қоидаҳои гигиенӣ ва тавсияи табибон раҳнамоӣ кунанд.

Баҳри худмуҳофизатӣ, зери назорати қатъӣ қарор додани  робита  бо мардум, ташкили маркази доимии машварат-онлайнҳо, таъмин намудан бо лавозимоти тиббӣ, корҷома, маводҳои антисептикӣ ва ниқобҳои тиббӣ, таъмин намудан бо наклиёти махсус барои фаъолияти табибони оилавӣ, ки дар заминаи қарорҳои ситоди доимоамалкунандаи ҷумҳуриявӣ ва вилоятӣ оид ба пешгирии паҳншавии бемории сироятии нави коронавирус (COVID-19) бармеояд ба масъулин дастуру супоришҳои мушаххас дода шуд.

Аз ҷониби роҳбари вилоят ба  беморхонаи марказии шахри Панчакент ба миқдори зарурӣ корҷомаҳои бисёркарата , маводҳои антисептикӣ ва ниқобҳои тиббӣ, дастгоҳи нафаси сунъи ва дорувории протоколии антивирусии Плакфинил барои табобат супорида  шуд. Ҳамчунин барои дастгирӣ ва расонидани кӯмаки тиббӣ барои беморони ниёзманд 50 маҷмаъи дорувори иборат аз маводи дорувории зиддивирусӣ ва антисептикӣ, ниқобҳои муҳофизати ройгон дастрас карда мешавад.

Раҷаббой Аҳмадзода дар идомаи сафар бо сохтмони бинои Беморхонаи марказии шаҳр аз наздик шинос гардида, барои дар мӯҳлати пешбинишуда ва бо сифати баланд бунёд намудани иншоот ба масъулин дастуру супоришҳо дод. Дар сохтмони ин иншоот, ки бо маблағгузории мақомоти иҷроияи ҳокимияти давлатии вилоят идома дорад, беш аз 60 нафар ҷалб гардиданд. Бинои нав тибқи лоиҳа аз чор ошёна иборат буда, барои 200 кат пешбинӣ шудааст ва он бо лавозимоти зарурии тиббӣ муҷаҳҳаз гардонида мешавад. Бо мавриди истифода қарор гирифтани иншоот сокинони шаҳр метавонанд дар шароити беҳтар табобат гиранд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Мулоқоти Раҷаббой Аҳмадзода бо табибони беморхонаи марказии шаҳри Панҷакент