16 август Раиси вилояти Суғд Раҷаббой Аҳмадзода бо корҳои азнавбарқароркунии корхонаи гидрометаллургии КВД “Фулузоти нодири Тоҷикистон” шинос гардид.
Тавре маълумот дода шуд, тибқи дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати таъмини рушди соҳаи саноат ва саҳмгузорӣ дар саноатикунонии босуръати мамлакат иқтидорҳои мавҷуда мақсаднок истифода бурда мешавад. Роҳбарияти КВД “Фулузоти нодири Тоҷикистон” тасмим гирифтааст, ки бо ворид намудани хатҳои нави истеҳсолӣ фаъолияти корхонаи металлургиро беҳтар намояд.
Раиси вилоят иқдоми масъулинро хуш истиқбол намуда, барои суръатбахшии корҳо ва ба ободонӣ фаро гирифтани ҳудуди корхона супоришҳо дод.
7 июл Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари корӣ ба ноҳияи Мастчоҳ ташриф оварда, дар Ҷамъияти дорои масъулияти маҳдуди “Арвис Зелал Текстайл”, ки аз калонтарин маҷмааи ресандагии вилояти Суғд ба ҳисоб меравад, бо раванди коркарди саноатии нахи пахта ва истеҳсоли ресмони пахтагин шинос шуданд.
Дар идомаи сафари корӣ дар шаҳри Хуҷанди вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Коргоҳи коркард ва истеҳсоли конструксияҳои металлии Ҷамъияти дорои масъулияти маҳдуди “Сохтмони Кабир”-ро ифтитоҳ намуданд.
