Шиносоӣ бо фаъолияти корхонаҳои истеҳсоли равған

Азназаргузаронӣ: 2179

Имрӯз Раиси вилояти Суғд Раҷаббой Аҳмадзода дар ноҳияи Бобоҷон Ғафуров ва шаҳри Хуҷанд бо фаъолияти як қатор корхонаҳои истеҳсоли равған шинос гардид. 

Дар вилояти Суғд бо мақсади иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ашёи хом коркард шуда, бозори истеъмолӣ бо маҳсулоти ватанӣ таъмин карда мешавад. Тибқи иттилои масъулин айни замон дар шаҳру ноҳияҳои вилоят беш аз 30 адад корхонаи истеҳсоли равған фаъолият дошта, дар соли ҷорӣ 3724 тонна равған истеҳсол шудааст. 

Раиси вилоят дар ноҳияи Бобоҷон Ғафуров аз корхонаҳои истеҳсоли равғани ҶДММ "Сахо", ҶДММ "Шамс 777" ва ширкати "Фаровон" боздид намуд. 

Ифтитоҳи коргоҳи истеҳсоли хишт ва маркази хизматрасонӣ дар деҳоти Чинори Панҷакент

Азназаргузаронӣ: 2327

Дар деҳоти Чинори шаҳри Панҷакент бо иштироки Раиси вилояти Суғд Раҷаббой Аҳмадзода коргоҳи истеҳсолии ҶДММ “Хишти манор” ба истифода дода шуд.

Коргоҳи мазкур дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон ташкил гардидааст.

Коргоҳ имкон дорад дар як моҳ то 30-35-ҳазор дона хишт истеҳсол намояд, ки асосан барои ороиши намуди зоҳирии биноҳо васеъ истифода мегардад. Баробари ба кор андохтани ин корхона 10 нафар шаҳрвандон ба шуғли доимӣ фаро гирифта шуданд.

Бо мавриди истифода қарор гирифтани коргоҳ талаботи бозори дохилӣи то андозае қонеъ гардонида мешавад. Муассисон тасмим доранд дар оянда, дар сурати зиёд шудани талабот ҳаҷми истеҳсолро зиёд намоянд.

Боздид аз Ҷамъияти дорои масъулияти маҳдуди “Афзали Суғд”

Азназаргузаронӣ: 2392

Раиси вилояти Суғд Раҷаббой Аҳмадзода ба Ҷамъияти дорои масъулияти маҳдуди “Афзали Суғд” ташриф оварда, бо ҷараёни истеҳсоли маҳсулот дар ин корхонаи маъруф шинос гардид.

Раиси вилоят аснои боздид роҳбарият ва кормандони Ҷамъияти дорои масъулияти маҳдуди “Афзали Суғд”-ро бо 25-умин солгарди таъсисёбии ширкат табрик гуфта, қайд намуд, ки бо роҳбариии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар даврони Истиқлоли давлатии Тоҷикистон соҳаи саноат рушд карда, сатҳи зиндагии мардуми кишвар, аз ҷумла сокинони вилояти Суғд беҳтар гардида истодааст.

Тазаккур дода шуд, ки бо дастгириҳои Ҳукумати мамлакат дар солҳои соҳибистиқлолии кишвар шумораи коргоҳу корхонаҳои саноатӣ мунтазам зиёд гардида, соҳибкорӣ рушд кард ва дар ин замина садҳо ҳазор ҷойҳои нави корӣ муҳайё шуданд, ки ин ба иқтисодиёти вилоят таъсири мусбат расонид, ҳаҷми истеҳсоли маҳсулоти саноатӣ афзоиш ёфт.

Мақолаҳои боқимонда...