Мулоқоти Раиси вилоят бо директори генералии Ширкати куҳӣ-саноатии Тоҷикистону Хитой

Азназаргузаронӣ: 2078

26 октябр Раиси вилояти Суғд Раҷаббой Аҳмадзода бо директори генералии Ширкати куҳӣ-саноатии Тоҷикистону Хитой Ли Яохуэй мулоқот намуд.

Тавре дар мулоқот таъкид гардид, Ширкати куҳӣ-саноатии Тоҷикистону Хитой аз калонтарин корхонаҳои ҷумҳурӣ ба ҳисоб рафта, дар он 3460 нафар кору фаъолият доранд. Дар нӯҳ моҳи соли ҷорӣ корхона ба маблағи 2 миллиарду 779,9 миллион сомонӣ маҳсулот истеҳсол кардааст. Аз ҷумла, 60,8 ҳазор тонна консентрати сурб ва 94,5 ҳазор тонна консентрати руҳ истеҳсол шудааст. Саҳми корхона дар ободии маҳал низ назаррас буда, бо 75 миллион сомонӣ маблағгузории ширкат роҳи автомобилгарди Зарнисор-Бӯстон ба масофаи 38 км мумфарш гардида истодааст. Ҳамзамон корхона аз ҳисоби даромадҳои худӣ дар шаҳри Истиқлол як кудакистони замонавӣ бунёд намудааст.

Мулоқоти Раиси вилоят бо директори генералии корхонаи "Зарафшон"

Азназаргузаронӣ: 1110

Нимаи дуюми рӯз Раиси вилояти Суғд Раҷаббой Аҳмадзода Жан Яомин, директори генералии корхонаи муштараки "Зарафшон"-ро ба ҳузур пазируфт.

Зимни суҳбат ҷонибҳо оид ба фаъолияти корхонаи калони саноатӣ, вазъи корҳои сохтмонии корхонаи нави металлургӣ ва иҷрои ӯҳдадориҳои корхона мубодилаи афкор намуданд. 

Мулоқоти Раиси вилоят бо директори бахши содироти ширкати "Фармасинтез"-и ФР

Азназаргузаронӣ: 1940

21 октябр Раиси вилояти Суғд Раҷаббой Аҳмадзода директори бахши содироти ширкати дорусозии "Фармасинтез" - и Федератсияи Россия Григорий Демидовро ба ҳузур пазируфт.

Зимни суҳбат ҷонибҳо масоили тақвияти ҳамкориҳо дар бахши дорусозӣ ва татбиқи лоиҳаи нав дар самти бунёди коргоҳи истеҳсоли  дорувориро баррасӣ карданд.

Мулоқоти Раиси вилояти Суғд Раҷаббой Аҳмадзода бо ҳокими вилояти Фарғона Хайрулло Бозоров

Азназаргузаронӣ: 3568

8 сентябр дар шаҳри Гулистон мулоқоти Раиси вилояти Суғд Раҷаббой Аҳмадзода бо ҳокими вилояти Фарғона Хайрулло Бозоров баргузор гардид.

Дар мулоқот ҷонибҳо бо ёдоварӣ аз сиёсати оқилонаи роҳбарони давлатҳо барои таҳкими ҳамкориҳо омодагии худро изҳор доштанд.

Раиси вилояти Суғд Раҷаббой Аҳмадзода ҳокими вилояти Фарғона Хайрулло Бозоровро ба ҳузур пазируфт

Азназаргузаронӣ: 3670

8 сентябр дар шаҳри Гулистон Раиси вилояти Суғд Раҷаббой Аҳмадзода ҳокими вилояти Фарғона Хайрулло Бозоровро ба ҳузур пазируфт.

Раҷаббой Аҳмадзода ҳайати меҳмононро, ки ҷиҳати иштирок дар чорабиниҳои идона ба муносибати 31-солагии Истиқлоли давлатии Ҷумҳурии Тоҷикистон ба вилояти Суғд ташриф оварданд, хайрамақдам гуфт.

Мулоқоти Раиси вилоят бо Сафири Фавқулода ва Мухтори Ҷумҳурии Корея дар Ҷумҳурии Тоҷикистон

Азназаргузаронӣ: 3880

29 август Раиси вилояти Суғд Раҷаббой Аҳмадзода бо Сафири Фавқулода ва Мухтори Ҷумҳурии Корея дар Ҷумҳурии Тоҷикистон Квон Донгсок мулоқот намуд.

Зимни суҳбат Раиси вилоят иброз дошт, ки Ҷумҳурии Тоҷикистон ва Ҷумҳурии Кореяро алоқаҳои дӯстонаи таърихӣ ба ҳам мепайвандад ва ҳамкориҳои судманд байни кишварҳо сол аз сол мустаҳкам мегарданд.

Мулоқоти Раиси вилоят бо роҳбарияти Фонди Оғохон дар Тоҷикистон

Азназаргузаронӣ: 3173

Раиси вилояти Суғд Раҷаббой Аҳмадзода директори иҷроияи Фонди Оғохон дар Тоҷикистон Кишвар Абдулалишоев ва ҳамроҳонашро ба ҳузур пазируфт.

Зимни суҳбат ҷонибҳо нақшаи фаъолиятҳо оид ба татбиқи лоиҳаи "Идоракунии ҳамгироишудаи захираҳои табиӣ дар водии Зарафшон барои рушди одилона ва устувор"- ро баррасӣ намуданд.

Мақолаҳои боқимонда...