28 июн дар идомаи вохӯриву мулоқот бо фаъолони шаҳру ноҳияҳо Раиси вилояти Суғд Раҷаббой Аҳмадзода бо фаъолони шаҳри Конибодом мулоқот намуд.

Дар мулоқот Раиси вилоят аз дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 18 июни соли равон дар мулоқот бо фаъолон дар ноҳияи Данғара баён гардида буд, ёдовар шуда, ҷиҳати иҷрои нақшаҳои истеҳсолӣ ва таъмини рушди иқтисодиёт ва иҷтимоиёти шаҳр ба масъулин супоришҳо дод. Дастур дода шуд, ки дар шаҳр бояд дар самти таъмини фаровонии бозори истеъмолӣ бо маҳсулоти ниёзи аввал,  пешгирӣ кардани болоравии нархҳо, ба роҳ мондани фаъолияти муназзаму устувори ҳамаи соҳаҳои иқтисодиёт, бомаром амалӣ гардондани нақшаҳои созандагиву бунёдкорӣ, таъсиси ҷойҳои нави корӣ ва дигар тадбирҳо  масъулияти баланд ва муносибати ҷиддӣ зоҳир карда шаванд.

Бо мақсади таъмини иҷрои дастуру супоришҳои  Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯзи 24 июн Раиси вилояти Суғд Раҷаббой Аҳмадзода бо фаъолони ноҳияи Бобоҷон Ғафуров мулоқот намуд.

Тавре маълум аст,  рӯзи 18 июн Пешвои миллат муҳтарам Эмомалӣ Раҳмон  дар ноҳияи Данғара бо фаъолон мулоқот карда, барои таъмини сатҳи некуаҳволии мардум ба масъулин супоришҳо дода буданд ва дар ин радиф роҳбари вилоят низ бо фаъолони шаҳру ноҳияҳо вохӯриҳо анҷом дода истодааст.    

21 июн Раиси вилояти Суғд Раҷаббой Аҳмадзода дар мақомоти иҷроияи ҳокимияти давлатии ноҳияи Спитамен бо фаъолони ноҳия мулоқот намуд.

Дар мулоқот ҳисоботи раиси ноҳия Темурҷон Нуъмонзода оид ба фаъолияти мақомоти иҷроияи ҳокимияти давлатии ноҳия дар панҷ моҳи соли равон шунида шуд. Иттилоъ дода шуд, ки дар ин давра баҳри татбиқи ҳадафи чоруми стратегӣ-саноатикунонии мамлакат чораҳои зарурӣ андешида шуда, ба маблағи 219 миллиону 888 ҳазор сомонӣ маҳсулоти саноатӣ истеҳсол карда шудааст. Дар ноҳия корхонаҳои саноатии ҶДММ «Ҳимматшо», ҶДММ «Элегант», ки ба истеҳсоли регу шағал машғул мебошад, ба истифода дода шуда, корхонаи истеҳсоли шифери ҶДММ «Мавҷи Спитамен» бунёд гардид, ки рӯзҳои наздик ба истифода дода мешавад.

Раиси вилояти Суғд Раҷаббой Аҳмадзода соҳибкор аз Ҷумҳурии Ӯзбекистон Шоҳрух Холназаров ва ҳамроҳонашро ба ҳузур пазируфт.

Зимни суҳбат қайд карда шуд, ки бо сиёсати пешгирифтаи роҳбарони давлатҳои Тоҷикистон ва Ӯзбекистон робитаҳои иқтисодӣ ва фарҳангӣ миёни ду давлат тавсеа ёфта, доираҳои соҳибкории ҳарду тараф тарҳҳои муштаракро амалӣ намуда истодаанд.

Имрӯз Раиси вилояти Суғд Раҷаббой Аҳмадзода бо Сафири Фавқулода ва мухтори Подшоҳии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон Тим Ҷонс мулоқот намуд.

Зимни суҳбат масъалаи рушди ҳамкориҳои дуҷониба мавриди баррасӣ қарор гирифт.

Раиси вилоят сафирро ба вилояти Суғд хайрамақдам гуфта, таъкид кард, ки  Тоҷикистон ва Британияи Кабир муносибатҳои хуби дӯстона дошта, бо сиёсати роҳбарони олии ду кишвар ҳамкориҳо дар самтҳои мухталиф густариш ёфта истодааст.

20 июн дар толори меҳмонхонаи "Суғдиён"-и шаҳри Хуҷанд мулоқоти Раиси вилояти Суғд Раҷаббой Аҳмадзода бо соҳибкорони вилояти Липетски Федератсияи Россия баргузор гардид.

Дар мулоқот соҳибкорони вилояти Липетск бо роҳбарии Президенти Палатаи савдо ва саноати вилояти Липетск Анатолий Голтсов ва масъулини идораҳои давлативу соҳибкорони вилояти Суғд иштирок доштанд.