5 декабр Раиси вилояти Суғд Раҷаббой Аҳмадзода Сафири Фавқулода ва мухтори Ҷумҳурии Ҳиндустон дар Тоҷикистон Раҷеш Уикеро ба ҳузур пазируфт.

Зимни суҳбат ҷонибҳо иброз доштанд, ки бо сиёсати пешгирифтаи роҳбарони ду мамлакат ҳамкорӣ дар ҳамаи самту соҳаҳо дар сатҳи зарурӣ ба роҳ монда шудааст.

Раиси вилоят аснои мулоқот доир ба имкониятҳои саноати куҳкорӣ, саноати сабуку хурока, соҳаҳои кишоварзӣ, сайёҳӣ ва дорусозӣ маълумот дод. Инчунин ба масъалаи татбиқи лоиҳа дар самти бунёди корхонаи коркарди чарм ва истеҳсоли маҳсулот аз он, корхонаҳои коркарди пахта таваҷҷуҳ равона гардид. 

Ҷонибҳо таъкид карданд, ки метавонанд дар бахшҳои саноат, кишоварзӣ, истеҳсоли доруворӣ, коркарди пахта ҳамкории густардаро ба роҳ монанд.

11 ноябр Раиси вилояти Суғд Раҷаббой Аҳмадзода гуруҳи соҳибкорон аз Ҷумҳурии мардумии Чинро бо роҳбарии Ху Сяоян ба ҳузур пазируфт.

Зимни мулоқот роҳбари вилоят доир ба имкониятҳои мавҷуда дар вилояти Суғд маълумот дода, ҳавасмандии хешро барои ба роҳ мондани ҳамкорӣ ба сармогузорон изҳор дошт. Таъкид карда шуд, ки дар Тоҷикистон саноатикунонии босуръат ҳадафи стратегӣ эълон гардидааст ва вилояти Суғд барои ташкили корхонаҳои нави саноатӣ метавонад бо шарикони хориҷӣ ҳамкории самарабахшро ба роҳ монад. 

Раҷаббой Аҳмадзода илова намуд, ки соҳибкорони тоҷик бо соҳибкорони чинӣ ҳамкории хубу густурда дошта, айни замон лоиҳаҳои гуногунро дар вилоят амалӣ намуда истодаанд.

Ху Сяоян иброз дошт, ки ӯ ва ҳамроҳонаш дар татбиқи лоиҳаҳои марбут ба тавлиди «энергияи сабз» таҷрибаи калон доранд ва дар ин самт метавонанд ҳамкориро ба роҳ монанд. Ба таъкиди сармоягузорони чинӣ ширкати онҳо бо истифода аз фановариҳои замони муосир аз боду офтоб ва коркарди партовҳо нерӯи барқ истеҳсол менамояд ва ҳавасманд аст, ки бо вилояти Суғд ҳамкорӣ намояд.

Раиси вилояти Суғд Раҷаббой Аҳмадзода гуруҳи соҳибкорон аз Ҷумҳурии мардумии Чинро ба ҳузур пазируфт. 

Соҳибкорони чинӣ бо роҳбарии Чен Сунг бо мақсади тақвияти ҳамкорӣ бо шарикони худ аз Тоҷикистон ба мамлакат ташриф овардаанд.

Раиси вилоят ба соҳибкорону сармоягузорон доир ба вазъи кунунӣ ва имкониятҳои соҳаҳои саноату кишоварзӣ маълумот дода, таъкид кард, ки вилояти Суғд барои ҳамкорӣ ва татбиқи лоиҳаҳои гуногунсамт омода аст. 

Таъкид гардид, ки дар вилояти Суғд бо ҷалби сармояи соҳибкорони чинӣ корхонаҳои саноатӣ фаъолият дошта, дар оянда низ барои ташкили корхонаҳои нав захираву имкониятҳо фаровон аст.

Ҷонибҳо вобаста ба истеҳсоли нерӯи барқ аз манбаъҳои табиӣ, аз ҷумла офтоб ҳавасмандии худро изҳор доштанд.

Раиси вилояти Суғд Раҷаббой Аҳмадзода роҳбарони ширкатҳои чинии «Shandong Ducrling Group» ва «Ujiha Study Abroad Consulting service» Ву Сихао ва Ван Сукуйро ба ҳузур пазируфт.

Дар оғози суҳбат ҷонибҳо аз таҳкими робитаҳои дӯстонаи Тоҷикистону Чин, ки самараи сиёсати оқилонаи роҳбарони давластҳост, изҳори қаноатмандӣ карданд.

Зимни мулоқот тарафҳо доир ба ҷалби сармоя ба иқтисодиёти вилоят, бунёди корхони истеҳсоли техникаи маишӣ, бунёди биноҳои баландошёна ва инфрасохтори зарурӣ барои шаҳракҳои навбунёд, ҳамкорӣ дар соҳаи маориф ва ҷалби ҷавонон донишгоҳҳои Чин мубодилаи афкор намуданд.

Имрӯз Раиси вилояти Суғд Раҷаббой Аҳмадзода директори бахши обтаъминкунӣ ва рушди сохтмони шаҳр дар Бонки Осиёии Рушд Сринивас Сампат ва ҳайати ҳамроҳонашро ба ҳузур пазируфт. 

Зимни мулоқот ҷонибҳо дурнамо ва ҳолати кунунии рушди соҳаи сайёҳӣ, зарфиятҳои соҳа ва аҳамияти ҳамкории мутақобилан судманд дар соҳаи сайёҳиро мавриди таҳлиу баррасӣ қарор доданд. 

Раиси вилояти Суғд дар оғози суҳбат таъкид намуд, ки дар Тоҷикистони биҳиштосо ба рушди соҳаи сайёҳӣ таваҷҷуҳи махсус равона гардида, бо дастгирӣ ва ғамхориҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон инфрасохтори муҳими соҳаи сайёҳӣ бунёд, мавзеъҳои таърихиву фарҳангӣ дубора барқарор ва шароити арзанда барои ҷабули сайёҳон фароҳам оварда шудааст. 

Имрӯз Раиси вилояти Суғд Раҷаббой Аҳмадзода роҳбари намояндагии Созмони Байналмилалии Муҳоҷират (СБМ) дар Тоҷикистон Виктор Лутенко ва ҳамроҳонашро ба ҳузур пазируфт.

Дар мулоқоти ҷонибҳо масоили муҳоҷират ва роҳҳои ба танзим даровардани он мавриди баррасӣ қарор гирифт.

Раиси вилоят меҳмононро ба вилояти Суғд хайрамақдам гуфта, аз тадбирандешиҳои Ҳукумати Ҷумҳурии Тоҷикистон баҳри фароҳам овардани шароити арзандаи кору фаъолият ба ҳар сокини мамлакат ва баланд бардоштани сатҳи зиндагии мардум ёдовар шуд.