Боздиди Раиси вилоят Раҷаббой Аҳмадзода аз Ҷамоати деҳоти Чоркӯҳи шаҳри Исфара

Азназаргузаронӣ: 201

7 май Раиси вилояти Суғд Раҷаббой Аҳмадзода дар Ҷамоати деҳоти Чоркӯҳи шаҳри Исфара бо рафти корҳои ободониву созандагӣ шинос гардид.

Ба истиқболи ҷашни 35-солагии Истиқлолияти давлатии Ҷумҳурии Тоҷикистон дар ҷамоати деҳоти Чоркӯҳи шаҳри Исфара корҳои созандагиву ободонӣ бо саҳми мақомоти давлатӣ ва соҳибкорони ватандӯст бо маром идома доранд. Бунёди иншооти таъиноти гуногун дар ин минтақа пеш аз ҳама ба беҳтар гардидани нишондиҳандаҳои иҷтимоиву иқтисодӣ ва таъмини аҳолӣ бо ҷойҳои нави корӣ мусоидат менамояд.

Раиси вилояти Суғд Раҷаббой Аҳмадзода зимни шиносоӣ бо ҷараёни корҳои ободониву созандагӣ иқдому ташаббусҳои сокинон ва соҳибкоронро натиҷаи татбиқи сиёсати созандаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон арзёбӣ намуд.

Паёми табрикии Раиси вилоят ба муносибати Рўзи Ғалаба дар Ҷанги Бузурги Ватанӣ

Азназаргузаронӣ: 210

Соли равон ба пирӯзии бузурги халқҳои сулҳпарвару тараққихоҳи олам бар фашизми гитлерӣ 80 сол пур мешавад. 

Ба муносибати ин санаи фаромӯшнопазири таърих иштирокчиёни ҷанг, собиқадорони меҳнат ва мардуми сарбаланди вилоятро сидқан табрику таҳният гуфта, ба хонадони ҳар як сокини кишвари азизамон оромию осудагӣ, хушбахтӣ ва ба Ватани маҳбубамон фазои орому осуда таманно менамоям.

Ҷанги дуюми ҷаҳон, ки дар таърихи инсоният яке аз фоҷиабортарин ҷангҳо ба ҳисоб меравад, бо оқибатҳои даҳшатбори худ то имрӯз дар ҷисму ҷони халқҳои гуногуни олам доғи носутурданӣ гузоштааст.

Дидорбинии Раиси вилояти Суғд Раҷаббой Аҳмадзода бо иштирокчиёни ақибгоҳ ба муносибати Рӯзи Ғалаба

Азназаргузаронӣ: 325

Ба муносибати 80-солагии Рӯзи Ғалаба дар Ҷанги Бузурги Ватании солҳои 1941–1945 Раиси вилояти Суғд Раҷаббой Аҳмадзода дар ноҳияи Бобоҷон Ғафуров аз ҳоли иштирокчиёни ақибгоҳ — Аҳмадҷон Бобоҷонов, Саттор Қодиров ва Юлчибой Боймирзоев хабар гирифт. 

Зимни суҳбат Раиси вилоят иброз дошт, ки саҳми иштирокчиёни ақибгоҳ дар таъмини ғалаба бар фашизм арзишманд буда, эҳтирому қадршиносӣ ба заҳмати онҳо вазифаи муҳими давлат ва ҷомеа мебошад.

Соли равон тибқи қарори Раиси вилоят ба муносибати ин санаи таърихӣ барои расонидани ёрии яквақтаи моддӣ ба ҳар яке аз иштирокчиёни ақибгоҳ, ки дар ноҳияи Бобоҷон Ғафуров 3 нафар умр ба сар мебаранд, ба миқдори 8000 сомонӣ ҷудо карда шудааст. 

Дидорбинӣ бо собиқадорони ҷангу меҳнат дар Хуҷанд

Азназаргузаронӣ: 280

Раиси вилояти Суғд Раҷаббой Аҳмадзода дар шаҳри Хуҷанд аз ҳоли собиқадорони ҷангу меҳнат хабар гирифт. 

Раиси вилоят бо Қутфинисо Раҳмонова, Самия Азизова, Маҷид Ширинов, Фотима Шукурова ва Баҳриддин Ахмедов аз наздик суҳбат ороста, аз ҳолу аҳволи онҳо пурсон гардид.

Номбаршудагон бо заҳмату фидокориҳои худ дар рушди иҷтимоии мамлакат ва тарбияи насли наврас саҳми арзанда гузоштаанд. 

Раҷаббой Аҳмадзода изҳор дошт, ки давлату Ҳукумат ҳамеша хизматҳои фарзандони шуҷоу ватандӯстро қадр менамояд. Ғамхориҳои роҳбарияти кишвар дар самти дастгирии собиқадорон ва баланд бардоштани сатҳи зиндагии онҳо далели равшани ин гуфтаҳо мебошад. 

Оғози корҳои сохтмонӣ дар Боғи фарҳангию фароғатии “Ғалаба” - и шаҳри Хуҷанд

Азназаргузаронӣ: 353

Бо ҳидоят ва дастгириҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯзҳо корҳои созандагиву бунёдкорӣ дар тамоми гӯшаву канори кишвар вусъати тоза гирифтааст. 

Дар ин раванд дар шаҳри Хуҷанд низ ба истиқболи 35-солагии Истиқлоли давлатии Ҷумҳурии Тоҷикистон бунёди садҳо иншооти гуногун идома дорад. Яке аз чунин иншоот Боғи фарҳангию фароғатии “Ғалаба” мебошад, ки бо тарҳу ороиши хос навсозӣ карда мешавад. 

Раиси вилояти Суғд Раҷаббой Аҳмадзода зимни боздид аз ҷараёни корҳои сохтмонӣ, ки айни замон оғоз шудааст, ба масъулин ҷиҳати бо сифати баланд ба анҷом расонидани корҳо тавсияҳо дод. 

Мақолаҳои боқимонда...