Дар вилояти Суғд беш 1,9 миллион сар чорвои хурд мавҷуд аст

Чорводорӣ аз бахшҳои сердаромад ва муҳими соҳаи кишовразӣ ба шумор рафта, шароит ва иқлими кишвар барои парвариши чорво мувофиқ буда, сол аз сол саршумори чорво бештар ва ба масъалаи хушзоткунӣ эътибори хоса дода мешавад.

Раиси вилояти Суғд Раҷаббой Аҳмадзода дар шоҳроҳи Хуҷанд-Мастчоҳ бо масъулину мутахассисони соҳаи кишоварзии хоҷагиҳои ноҳияи Бобоҷон Ғафуров ва ноҳияи Мастчоҳ суҳбат намуда, бо вазъи наслгирӣ шинос шуд. Тибқи иттилои масъулин ҳоло дар вилояти Суғд саршумори чорвои хурд ба 1,9 миллион сар расонида шуда, ба масъала хушзоткунӣ таваҷҷуҳи хоса равона шудааст.

Бино ба назари мутахассисон дар вилояти Суғд солона имкон аст, ки то 150 тонна пашм ҷамъоварӣ ва мавриди коркард қарор дода шавад. Аз ин хотир бо ташаббуси мақомоти иҷроияи ҳокимияти давлатии вилояти Суғд ва саҳми соҳибкорон дар ояндаи наздик коргоҳи коркарди пашм таъсис дода мешавад.

Баргузории семинар-машварати вилоятӣ оид ба мубориза бар зидди малах

Бо ташаббуси мақомоти иҷроияи ҳокимияти давлатии вилоят ва вазорати кишоварзӣ дар ноҳияи Мастчоҳ семинар-машварати вилоятӣ оид ба мубориза бар зидди малах баргузор гардид.

Раиси вилояти Суғд Раҷаббой Аҳмадзода ва намояндаи Вазорати кишоварзии Ҷумҳурии Тоҷикистон зимни иштирок дар семинар-машварат бо масъулони соҳа иброз доштанд, ки бо дастгирӣ ва ғамхориҳои Пешвои миллат муҳтарам Эмомалӣ Раҳмон соҳаи кишоварзӣ рушд меёбад ва майдони заминҳои корам бештар мегардад. Ҳифзи майдони кишт, боғу токзор ва чарогоҳҳо аз ҳашароти зараррасони малах аз масъалаҳои муҳим дониста шуда, баргузории семинар-машварти вилоятӣ, ки фаъолояти сохторҳои дахлдорро дар ин самт ҳамоҳанг мекунад, маҳз ба ҳамин хотир ташкил гардидааст. Ба назари мутахассисон камборишӣ ва хушксолӣ эҳтимоли хуруҷи ҳашароти зараррасони малахро зиёд менамояд, зеро бо кам шудани манбаи хӯрок малах ба киштзор, боғ ва ҳатто ба чарогоҳҳо низ зарар расонида метавонад.

Номаи табрикотии Раиси вилоят ба муносибати Рӯзи пойтахти Ҷумҳурии Тоҷикистон - шаҳри Душанбе

Ба Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе

муҳтарам Рустами Эмомалӣ

Муҳтарам Рустами Эмомалӣ!

Шумо ва дар шахсияти Шумо тамоми сокинони пойтахти Ватани маҳбубамон шаҳри Душанберо бахшида ба Рӯзи пойтахти Ҷумҳурии Тоҷикистон самимона табрику таҳният мегўям.

Шаҳри Душанбе на танҳо бо табиати дилрабою мардумони шоистааш шӯҳрат дорад, балки чун шаҳри сиёсатмадорони бузург, донишмандону соҳибназарон ва суханварон дар радифи бузургтарин шаҳрҳои олам маъруфият пайдо кардааст.

Боздиди Раиси вилоят аз Нерӯгоҳи барқи обии "Қайроққум"

Раиси вилояти Суғд Раҷаббой Аҳмадзода дар шаҳри Гулистон бо таҷдид ва барқарорсозии Нерӯгоҳи барқи обии "Қайроққум" шинос гардид. 

Тавре аснои шиносоӣ маълумот дода шуд, навсозии агрегатҳои иншооти муҳими соҳаи энергетика тибқи нақша ҷараён дорад.

НБО «Қайроққум» дорои шаш агрегат буда, корҳои сохтмонии он соли 1952 оғоз гардидаанд. Агрегати якуми он бо иқтидори 21 мегаватт 15 декабри соли 1956 ба кор дароварда шудааст. Иншооти гидроэнергетикӣ аз 20 ноябри соли 1957 бо иқтидори пурраи 126 мегаватт фаъолият намуда, бо сабаби фаъолияти беш аз нимасра таҷҳизоти неругоҳ кӯҳнаю фарсуда гардида, зарурати таҷдид ва навсозии онро ба миён овард. 

Шиносоӣ бо бунёди корхонаҳои нави саноатӣ дар шаҳри Гулистон

Дар минтақаи саноатии шаҳри Гулистон тибқи дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сохтмони коргоҳи истеҳсоли қубурҳои полиэтиленӣ ва ноқил идома дорад.

Аснои шиносоии Раиси вилояти Суғд Раҷаббой Аҳмадзода бо ҷараёни корҳои сохтмонӣ иттилоъ дода шуд, ки маҳсулоти дар оянда истеҳсолшаванда воридотивазкунанда мебошад.

Коргоҳ аз ҷониби соҳибкори инфиродӣ Саидбой Абдуллоев сохта шуда, корҳои созандагӣ дар иншоот тибқи нақша пеш меравад. Мусаллам аст, ки дар бозори дохил ва берун аз он талабот бо ноқилҳои барқӣ зиёд аст. Дар коргоҳ истеҳсоли қубурҳои полиэтиленӣ барои обёрии заминҳо ва беш аз 10 намуди ноқилҳои барқӣ ба роҳ монда мешавад.