Дар Истаравшан корҳои ободониву хуррамгардонӣ ва ниҳолшинонӣ идома дорад

Азназаргузаронӣ: 358

31 октябр Раиси вилояти Суғд Раҷаббой Аҳмадзода дар шаҳри Истаравшан ба корҳои сабзу хуррамгардонӣ оғоз бахшид.

Зимни суҳбат бо роҳбарияти шаҳр ва сокинони шаҳри бостонии Истаравшан роҳбари вилоят таъкид кард, ки ба сабзу хуррамгардонӣ ва тозаву озода нигоҳ доштани муҳити зист бояд таваҷҷуҳи зарурӣ зоҳир карда шавад. Раиси вилоят дастур дод, ки шафати роҳҳои маҳаллӣ ва шоҳроҳи Душанбе-Чаноқ бояд ҳамеша тозаву озода нигоҳ дошта шуда, барои шинонидани ниҳолҳои ороишӣ чораҷӯӣ карда шавад.

Дар ин рӯз бо иштироки Раиси вилоят ва кормандони ташкилоту идораҳои шаҳр дар шафати роҳҳои маҳалливу шоҳроҳ, мавзеъҳои истироҳативу фароғатӣ, саҳни корхонаву ташкилот беш аз 400 бех ниҳолҳои ороишӣ шинонида шуд.

Ифтитоҳи майдончаи варзишӣ ва шиносоӣ бо сохтмони иншооти ҷашнӣ дар ноҳияи Айнӣ

Азназаргузаронӣ: 431

30 октябр дар деҳаи Ҳайронбеди ноҳияи Айнӣ маҷмааи варзишие, ки бо саҳми соҳибкорон ва дастгирии сокинони деҳа бунёд гардидааст, ба истифода дода шуд. 

Раиси вилояти Суғд Раҷаббой Аҳмадзода зимни ифтитоҳи иншооти варзишӣ таъкид намуд, ки дар вилояти Суғд ба истиқболи ҷашни 35-солагии Истиқлоли давлатии Ҷумҳурии Тоҷикистон бунёди 12 ҳазор иншоот ба нақша гирифта шуда, дар ин раванд садҳо иншооти варзишӣ низ ба истифода дода хоҳад шуд. 

Раиси вилоят ба ташаббуси сокинони деҳа баҳои баланд дода, аз номи Мақомоти иҷроияи ҳокимияти давлатии вилояти Суғд ба соҳибкорону сокинон изҳори сипос намуд. 

Ифтитоҳи маҷмааи хизматрасонии "Ораш" дар ноҳияи Айнӣ

Азназаргузаронӣ: 343

30 октябр дар ноҳияи Айнӣ бо иштироки Раиси вилояти Суғд Раҷаббой Аҳмадзода маҷмааи хизматрасонии "Ораш" ба истифода дода шуд. 

Маҷмааи хизматрасонии "Ораш" дар деҳоти Айнии ноҳияи Айнӣ ҷойгир буда, иншоот дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон аз ҷониби соҳибкори маҳаллӣ бо тарҳу намои зебову замонавӣ сохта шуда, минбаъд барои рушди соҳаи сайёҳӣ мусоидат хоҳад кард. 

Маҷмааи хизматрасонии "Ораш" дар шафати шоҳроҳи Душанбе-Хуҷанд барои хизматраоснӣ ба меҳмону сайёҳон пешбинӣ шудааст. 

Дар маҷмаа барои 60 нафар кӯдакони ятим ва аз оилаҳои ниёзманд дастурхони идона ороста шуда, аз номи Пешвои миллат муҳтарам Эмомалӣ Раҳмон туҳфаҳо ва либоси зимистона тақдим карда шуд. 

Баргузории ҳамоиш таҳти унвони "Тоҷикистон бо Пешвои миллат, ба пеш!"

Азназаргузаронӣ: 481

29 октябр дар шаҳри Хуҷанд қабл аз конференсияи 16-уми ҳисоботӣ - интихоботии Кумитаи иҷроияи ҲХДТ дар вилояти Суғд ҳамоиши ҷавонону аъзои ҲХДТ таҳти унвони "Тоҷикистон бо Пешвои миллат, ба пеш!" баргузор гардид.

Чорабинӣ бо ибтикори Кумитаи иҷроияи марказии Ҳизби Халқии Демократии Тоҷикистон дар якҷоягӣ бо КИ ҲХДТ дар вилояти Суғд ва ТҶҶ "Созандагони Ватан" баргузор шуд.

Беш аз 5000 нафар ҳизбиён, аъзои ТҶҶ “Созандагони Ватан”, ҷавонон ва дигар қишрҳои ҷомеа бо шиору овезаҳои ватандӯстона, Парчаму дигар муқаддасоти миллӣ роҳпаймоӣ намуда, дар назди Театри мазҳака ва мусиқии ба номи Камоли Хуҷандӣ сарҷамъ гардиданд. 

Иштирок дар конференсияи 16-уми ҳисоботӣ - интихоботии Кумитаи иҷроияи ҲХДТ дар вилояти Суғд

Азназаргузаронӣ: 328

29 октябр дар шаҳри Хуҷанд конференсияи 16-уми ҳисоботӣ - интихоботии Кумитаи иҷроияи ҲХДТ дар вилояти Суғд баргузор гардид, ки дар он Раиси вилояти Суғд Раҷаббой Аҳмадзода, муовини Раиси Ҳизби Халқии Демократии Тоҷикистон Асрор Латифзода, як қатор вакилони Маҷлиси намояндагон, роҳбарияти Кумитаи иҷроияи ҲХДТ дар вилояти Суғд, вакилони конференсия аз ташкилотҳои ҳизбии шаҳру ноҳияҳо, собиқадорону аъзои ТҶҶ «Созандагони Ватан» иштирок намуданд.

Рӯзномаи конференсия аз 7 масъала - ҳисоботи Кумитаи иҷроияи ҲХДТ дар вилояти Суғд оид ба фаъолияти ташкилотҳои ҳизбӣ, ҳисоботи Комиссияи тафтишотии Ҳизби Халқии Демократии Тоҷикистон дар вилояти Суғд дар давраи ҳисоботӣ, интихоби аъзои Кумитаи иҷроияи Ҳизби Халқии Демократии Тоҷикистон дар вилояти Суғд, интихоби аъзои Комиссияи тафтишотии Ҳизби Халқии Демократии Тоҷикистон дар вилояти Суғд, интихоби сармуҳаррири нашрияи ҳизбии «Сухани халқ» ва интихоби вакилон ба Анҷумани 15-уми Ҳизби Халқии Демократии Тоҷикистон иборат буд.

Мақолаҳои боқимонда...