Боздиди Раиси вилоят аз КВДК "Хизматрасонии нақлиёти санитарии шаҳри Хуҷанд"

Азназаргузаронӣ: 268

Имрўз Раиси вилояти Суғд Раҷаббой Аҳмадзода бо фаъолияти КВДК "Хизматрасонии нақлиёти санитарии шаҳри Хуҷанд" шинос гардид.

Нахуст Раиси вилояти Суғд Раҷаббой Аҳмадзода аз ҳолати иҷрои дастуру супоришҳое, ки зимни сафари қаблӣ баён шуда буд, яъне оид ба корандозии техникаву таҷҳизоти азкормонда пурсиш ба амал овард.

Иттилоъ дода шуд, ки агар як моҳ қабл ҳамагӣ 11 адад техникаи партовкашонӣ ба мардум хизмат менамуд, баъди супориши роҳбари вилоят ва чораандешии қатъӣ шумораи техникаи партовкашонӣ ба 18 адад ва маҷмуан дигар техникаҳои ёрирасонӣ корхони КВДК "Хизматрасонии нақлиёти санитарии шаҳри Хуҷанд" ба 27 адад расонида шуд. Ҳамзамон дар ҳудуди корхона корҳои созандагӣ ва ободонӣ вусъат дода шуда, сохтмони парки таъмири автомашинаҳо бо харидории таҷҳизоти лозима ба анҷом расонида шуд.

Боздиди Пешвои миллат муҳтарам Эмомалӣ Раҳмон аз намоишгоҳи маҳсулоти саноатию кишоварзӣ ва ҳунарҳои мардумии сокинони шаҳри Душанбе ва вилояти Суғд

Азназаргузаронӣ: 323

9 сентябр дар Боғи фарҳангу фароғатии ба номи Абулқосим Фирдавсӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ, Раиси Маҷлиси намояндагони Маҷлиси Олии Ҷумҳурии Тоҷикистон муҳтарам Маҳмадтоир Зокирзода ва Сарвазири Ҷумҳурии Тоҷикистон муҳтарам Қоҳир Расулзода аз намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии сокинони шаҳри Душанбе ва вилояти Суғд боздид намуданд.

Масоҳати умумии Муассисаи давлатии Боғи фарҳангу фароғатии ба номи Абулқосими Фирдавсӣ 30 гектарро ташкил дода, дар роҳравҳои марказии он намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллӣ ташкил гардид.

Ба ифтихори 32-солагии Истиқлоли давлатӣ ва 30-солагии таъсисёбии Қувваҳои Мусаллаҳ паради ҳарбӣ баргузор шуд

Азназаргузаронӣ: 351

8 сентябри соли 2023 дар хиёбони ба номи Раҳмон Набиеви маркази вилоят​ ба ифтихори ҷашни 32-солагии Истиқлоли давлатии Ҷумҳурии Тоҷикистон ва 30-солагии таъсисёбии Қувваҳои Мусаллаҳи Ҷумҳурии Тоҷикистон​ паради ҳарбӣ гузаронида шуд.

Қабл аз гузашти низомӣ, хизматчиёни ҳарбӣ​ Парчами давлатии Ҷумҳурии Тоҷикистонро чун рамзи муқаддас аз назди иштирокчиёни паради ҳарбӣ гузаронида, дар сафи пеши дастаҳо қарор доданд.

Сипас ба Раиси вилояти Суғд Раҷаббой Аҳмадзода фармондеҳи паради ҳарбӣ –командири қисми ҳарбии 01972 генерал-майор Ҷамшед​ Мамадзода оид ба омодагии қисму воҳидҳои ҳарбӣ ба гузашти низомӣ гузориш дод.

Аёдати собиқадорони меҳнат дар шаҳри Хуҷанд

Азназаргузаронӣ: 292

7 сентябри соли 2023 Раиси вилояти Суғд Раҷаббой Аҳмадзода дар шаҳри Хуҷанд собиқадорони меҳнатро аёдат намуд.

Раиси вилоят Раҷаббой Аҳмадзода зимни суҳбати самимӣ бо ходими давлатӣ, собиқадори хизмати давлатӣ, Шаҳрванди фахрии Хуҷанд Хосият Зокирова ва Корманди хизматнишондодаи маданияти Тоҷикистон, Шаҳрванди фахрии Хуҷанд Баҳридин Ахмедов аз хизматҳои эшон дар назди халқу Ватан ёдоварӣ намуда, фарорасии Рӯзи Истиқлоли давлатии Ҷумҳурии Тоҷикистонро барояшон табрик кард.

Аёдатшудагон ба Пешвои муаззами миллат муҳтарам Эмомалӣ Раҳмон миннатдории хешро расониданд.

Хабаргирии собиқадорони меҳнат дар шаҳри Гулистон

Азназаргузаронӣ: 329

7 сентябри соли 2023 Раиси вилояти Суғд Раҷаббой Аҳмадзода ба дидорбинии собиқадорони меҳнат, ки дар шаҳри Гулистон истиқомат мекунанд, рафт.

Раиси вилоят дар суҳбат бо собиқадорони меҳнат Санавбар Нуруллоева ва Рухсатой Ӯрунова фарорасии​ Рӯзи Истиқлоли давлатии Ҷумҳурии Тоҷикистонро табрик гуфта, ба собиқадорон рӯзгори обод ва тансиҳатӣ орзу намуд.

Тазаккур дода шуд, ки​ таҳти сарварии Пешвои муаззами миллат муҳтарам Эмомалӣ Раҳмон давоми солҳои соҳибистиқлолӣ бо​ амалӣ гардидани барномаҳои иқтисодиву иҷтимоӣ раванди ислоҳот ва рушди бонизоми иқтисоди миллӣ бомаром идома ёфта, тадбирҳои андешидаи Ҳукумат ҷиҳати баланд бардоштани сатҳу сифати зиндагии мардум имрўз натиҷаҳои назаррас ба бор овардаанд. Дар пешрафти соҳаҳо саҳми собиқадорони меҳнат низ назаррас буда, хизматҳои фарзандони бонангу номус ҳамеша аз ҷониби давлат қадршиносӣ шудааст.

Мақолаҳои боқимонда...