Тарабхонаи KFC дар Хуҷанд: Шароити замонавӣ ва таъсиси ҷойҳои нави корӣ

Азназаргузаронӣ: 159

Дар доираи татбиқи лоиҳаҳои сармоягузорӣ ва ҷалби брендҳои байналмилалӣ дар шаҳри Хуҷанд сохтмони аввалин филиали шабакаи ҷаҳонии тарабхонаи зудхизматрасони KFC ҷараён дорад. 

Ин иншооти ҷашнӣ дар кӯчаи академикон Солеҳ ва Зариф Раҷабовҳо, дар яке аз нуқтаҳои серодами шаҳр бунёд мешавад.

Тавре масъулон ба Раиси вилояти Суғд Раҷаб Аҳмадзода маълумот доданд, масоҳати умумии иншоот 500 метри мураббаъ буда, дар корҳои сохтмонӣ зиёда аз 30 нафар сохтмончии маҳаллӣ ҷалб гардидаанд.

Бино аз ду ошёна иборат буда, дар он тамоми имконот фароҳам оварда мешавад ва технологияҳои муосири хизматрасонӣ ворид карда хоҳад шуд. Пас аз мавриди истифода қарор гирифтани иншоот то 120 нафар бо ҷойи кори доимӣ таъмин мегарданд. Ҳамзамон, тарабхона қобилияти қабули то 350 нафар мизоҷ дар як вақтро хоҳад дошт.

Дар Хуҷанд корҳои созандагӣ идома доранд

Азназаргузаронӣ: 140

Бо мақсади истиқболи шоистаи ҷашни 35-солагии Истиқлоли давлатии Ҷумҳурии Тоҷикистон дар шаҳри Хуҷанд корҳои ободониву бунёдкорӣ рӯз то рӯз вусъати тоза мегиранд. Тибқи нақшаи чорабиниҳои идона, дар маҷмӯъ бунёди 950 иншооти гуногун дар назар аст. То имрӯз 900 иншоот мавриди истифода қарор гирифта, иҷрои нақша беш аз 94 фоизро ташкил медиҳад.

Бо дарназардошти афзоиши аҳолии шаҳр, сохтмони биноҳои истиқоматии баландошёна, иншооти маъмуриву хизматрасонӣ ва дигар муассисаҳои муҳими инфрасохторӣ, зарурати навсозии шабакаи обу ташноби хиёбони ба номи Раҳмон Набиев ба миён омад. Бо ин мақсад лоиҳаи сохтмони шабака ва пойгоҳи партовоббардори ин хиёбон бо иштироки Раиси вилояти Суғд Раҷаб Аҳмадзода, роҳбарияти Мақомоти иҷроияи ҳокимияти давлатии шаҳри Хуҷанд, намояндагони ширкатҳои сохтмонӣ ва масъулини соҳаи обу корез муаррифӣ гардид.

Раиси вилояти Суғд Раҷаб Аҳмадзода дар ноҳияи Деваштич бо сохтмони иншооти ҷашнӣ шинос гардид

Азназаргузаронӣ: 84

Дар доираи нақшаи чорабиниҳо бахшида ба 35-солагии Истиқлоли давлатии Ҷумҳурии Тоҷикистон дар шаҳру навоҳии вилояти Суғд корҳои созандагӣ бо маром идома доранд. 

Зимни сафари корӣ ба ноҳияи Деваштич Раиси вилояти Суғд Раҷаб Аҳмадзода аз рафти сохтмони як қатор иншооти ҷашнӣ боздид ба амал овард.

Айни замон дар ноҳия бунёди бинои нави Кумитаи иҷроияи ҲХДТ, иншооти соҳаҳои маорифу тандурустӣ, хатҳои оби полезиву нӯшокӣ ва дигар тадбирҳои ободонӣ бо суръат идома доранд. Корҳои созандагиро метавон дар тамоми ҷамоатҳои ноҳия, ҳатто дурдасттарин деҳаву маҳаллаҳо мушоҳида кард. Сокинон дар ҳамбастагӣ баҳри ободии Ватан саҳм мегузоранд.

Мулоқоти Раиси вилояти Суғд бо ҳайати вилояти Рязани Федератсияи Россия

Азназаргузаронӣ: 144

Дар доираи баргузории Намоишгоҳи байналмилалии савдо “Суғд–2025” Раиси вилояти Суғд Раҷаб Аҳмадзода ҳайати расмии вилояти Рязани Федератсияи Россияро ба ҳузур пазируфт.

Ҳайати вилояти Рязан бо мақсади иштирок дар чорабинии мазкур ба вилояти Суғд ташриф оварда, зимни мулоқот бо роҳбарияти вилоят атрофи таҳкими муносибатҳои мутақобилан судманд табодули афкор намуданд.

Ҷонибҳо масоили марбут ба тақвияти ҳамкориҳои иқтисодиву тиҷоратӣ, ҷалби сармоягузорӣ ба иқтисодиёти минтақа, таъсиси корхонаҳои муштарак, инчунин коркарди маҳсулоти кишоварзӣ, аз қабили мева, сабзавот, пахта ва чармро мавриди баррасӣ қарор доданд.

Мулоқоти Раиси вилояти Суғд бо Сафири Фавқулода ва Мухтори Ҷумҳурии Озарбойҷон

Азназаргузаронӣ: 119

Соли ёздаҳум аст, ки дар вилояти Суғд Ярмаркаи байналмилалии савдо «Суғд – 2025» баргузор мегардад. Дар доираи баргузории ин чорабинии муҳими иқтисодӣ намояндагони воломақоми кишварҳои хориҷӣ, ташкилотҳои байналмилалӣ ва соҳибкорони дохиливу хориҷӣ ба вилояти Суғд ташриф оварданд.

Дар ҳошияи ярмаркаи байналмилалӣ Раиси вилояти Суғд Раҷаб Аҳмадзода Сафири Фавқулода ва Мухтори Ҷумҳурии Озарбойҷон дар Ҷумҳурии Тоҷикистон Алимирзамин Аскаровро ба ҳузур пазируфт.

Зимни мулоқот ҷонибҳо аз густариши ҳамкориҳои мутақобилан судманд изҳори қаноатмандӣ намуда, атрофи роҳҳои тавсеаи робитаҳои иқтисодӣ ва фарҳангӣ мубодилаи афкор намуданд. 

Мақолаҳои боқимонда...