Хабаргирӣ аз ҳоли собиқадорони меҳнат дар ноҳияи Ашт

30 апрел зимни сафари корӣ ба ноҳияи Ашт Раиси вилояти Суғд Раҷаббой Аҳмадзода аз ҳоли собиқадорони меҳнат хабар гирифт. 

Раиси вилоят ба манзили Равзалиева Хурсандой ва Шодиев Мадисмон омада, бо собиқадорон суҳбат анҷом дод. Таъкид карда шуд, ки мақомоти иҷроияи ҳокимияти давлатии вилоят дар партави дастуру ҳидоятҳои Пешвои миллат муҳтарам Эмомалӣ Раҳмон барои дастгирии собиқадорони меҳнат тадбирҳои заруриро амалӣ карда, ин қишри ҷомеаро ба ғамхорӣ фаро мегирад. Зеро кору фаъолияти собиқадорон барои насли ҷавон намунаи ибрат аст.

Раҷаббой Аҳмадзода ҳамзамон илова намуд, ки саҳми собиқадорони меҳнат ва шахсиятҳои фаъоли ҷомеа дар тарбияи наврасону ҷавонон назаррас буда, калонсолон бояд наврасону ҷавононро дар рўҳияи ватандӯстӣ ва меҳанпарастӣ тарбия намоянд. 

Дар ноҳияи Ашт 20 000 гектар боғи зардолу мавҷуд аст

30 апрел Раиси вилояти Суғд Раҷаббой Аҳмадз­ода дар ноҳияи Ашт аз боғоти зардолуи хо­ҷагии деҳқонии "Куҳс­ор" боздид намуд.

Хоҷагии деҳқонии "К­уҳсор" дорои 13 гект­ар боғи зардолу буда, бо мусоид омадани боду ҳавои имсола ҳо­сили дарахтон хуб ас­т.

Боғпарварон тасмим доранд, ки пас аз пухта расидан ҳосилро ҷамъоварӣ карда, со­дироти онро ба роҳ монанд.

Дар хоҷагӣ 3 гектар зардолуи пешпазак мавҷуд аст, ки ҳамасо­ла ҳосили он - зардо­луи тар ба Федератси­яи Россия Қазоқистон содирот ме­гардад.

Таъкид бояд кард, ки ноҳияи Ашт дорои 20 ҳазор гектар боғоти зардолу аст ва боғп­арварон аз ин ҳисоб даромади хуб мегиран­д.

Беҳтаршавии вазъи таъминоти заминҳои кишоварзӣ бо оби полезӣ дар Конибодом

29 апрел Раиси вилояти Суғд Раҷаббой Аҳмадзода дар деҳоти Куҳандиёри шаҳри Конибодом бо вазъи таъминоти заминҳои кишоварзӣ бо оби полезӣ шинос шуд.

Дар натиҷаи тадбирандешиҳои мақомоти иҷроияи ҳокимияти давлатии вилоят дар чанд соли охир бори аввал вазъи таъминоти заминҳои кишоварзӣ бо об беҳтар гардида, барои шодобсозии беш аз 4000 гектар заминҳои минтақа имкон фароҳам оварда шуд.

Об аз пойгоҳи обкашии "Маҳрам-1" ва канали калони Фарғона ба киштзор омада, деҳқонон бо дилгармӣ дар замин кор карда истодаанд.

Раиси вилоят барои тақсимоти дурусти об ва истифодаи самараноки он ба масъулин супоришҳо дода, илова намуд, ки бояд ҳар порча замин пурсамар истифода гардад.

Мумфаршкунии роҳҳо дар деҳаи Ҷаҳонзеби шаҳри Конибодом

29 апрел дар шаҳри Конибодом ба мумфаршкунии роҳҳои деҳаи Ҷаҳонзеби Ҷамоати деҳоти ба номи Абулқосим Лоҳутӣ оғоз бахшида шуд.

Раиси вилояти Суғд Раҷаббой Аҳмадзода зимни иштирок дар маросими оғози корҳои мумфаршкунӣ ва суҳбат бо сокинони деҳа иброз дошт, ки бо дастуру ҳидоятҳои Пешвои миллат муҳтарам Эмомалӣ Раҳмон дар шаҳру ноҳияҳои вилоят ба истиқболи 35-солагии Истиқлоли давлатии Ҷумҳурии Тоҷикистон бунёдкориву созандагӣ вусъат ёфта, симои шаҳру ноҳияҳо дигар гардида истодааст.

Таъкид карда шуд, ки дар шаҳри Конибодом низ ба истиқболи ин ҷашн бунёду навсозии иншооти гуногун идома дошта, сокинон бо руҳияи баланд барои ободонии маҳал саҳм мегузоранд.

Боздиди Раиси вилоят аз пойгоҳҳои обкашии ноҳияҳои Зафаробод ва Спитамен

Раиси вилояти Суғд Раҷаббой Аҳмадзода аз пойгоҳҳои обкашии ноҳияҳои Зафаробод ва Спитамен боздид намуд.

Соли ҷорӣ бо мақсади беҳтар намудани вазъи инфрасохтори соҳаи обрасонӣ, таъмиру тармими пойгоҳҳои обкашӣ ва харидории таҷҳизоти зарурӣ аз буҷети вилоят маблағҳои зарурӣ ҷудо гардид. Аз ҷумла, барои ноҳияи Спитамен 3,5 млн. сомонӣ ва Зафаробод 3 млн. сомонӣ ҷудо шуда, пойгоҳҳои обкашӣ ба мавсими нав омода карда шуд.

Илова бар ин, бо дастгирии Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилоят барои харидорӣ ва насб намудани як дастгоҳи обкашӣ бо муҳаррики барқӣ барои пойгоҳи обкашии «Мирзочӯл-2»-и ноҳияи Зафаробод маблағҳои зарурӣ равона карда шуд.