Тибқи дастуру ҳидоятҳои Пешвои миллат муҳтарам Эмомалӣ Раҳмон ва бо мақсади дастгирии қишрҳои осебпазири ҷомеа Раиси вилояти Суғд Раҷаб Аҳмадзода дар шаҳри Хуҷанд як қатор оилаҳои камбизоат ва дорои фарзандони маъюбро аёдат намуд.

Раиси вилоят аз ҷумла аз ҳоли Наргиза Турабоева, Моҳира Юсупова, Башорат Солибоева, Санҷидa Сабурова ва Машҳура Аҳмедова, ки фарзандони маъюб доранд, хабар гирифт. 

Зимни аёдат Раиси вилоят бо шароити зиндагӣ, вазъи иҷтимоиву тандурустии беморон шинос шуда, таъкид намуд, ки дастгирии чунин оилаҳо ҳамеша дар маркази таваҷҷуҳи роҳбарияти давлат ва мақомоти иҷроияи ҳокимияти давлатии вилоят қарор дорад.

Дар Қасри варзиш таҳти роҳбарии Раиси вилояти Суғд, Раиси Федератсияи футболи вилоят Раҷаб Аҳмадзода ҷаласаи кумитаи иҷроияи Федератсияи футболи вилоят баргузор гардид.

Дар ҷаласа омодагии дастаҳои лигаи олӣ ба мавсими нави футбол, интихоби саривақтии ҳайати мураббиён ва бозингарон, инчунин рушди футзал, футболи кӯдакон ва наврасон мавриди баррасӣ қарор гирифт.

Зикр шуд, ки бо дастгирии пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи футболи Тоҷикистон муҳтарам Рустами Эмомалӣ футбол дар кишвар сол ба сол рушд меёбад. Бунёди варзишгоҳҳо ва майдончаҳои замонавӣ дар шаҳру ноҳияҳо ба густариши оммавияти футбол мусоидат мекунад.

Раиси вилояти Суғд Раҷаб Аҳмадзода дар шаҳри Конибодом аз ҳоли собиқадорони меҳнат хабар гирифта, ба онҳо аз номи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон туҳфаҳо тақдим кард.

Зимни дидорбинӣ бо Фозилҷон Охунов, собиқадори мақомоти прокуратура, Ғафурҷон Бобоҷонов, собиқадори соҳаи кишоварзӣ ва Юнусалӣ Эргашев, собиқадори соҳаи фарҳанг роҳбари вилоят ба саҳми онҳо дар пешрафти хоҷагии халқ баҳои баланд дод. 

Бояд қайд кард, ки аёдатшудагон барои таваҷҷуҳи хосаи роҳбарияти кишвар ва мақомоти иҷроияи ҳокимияти давлатии вилоят сипосу миннатдории самимии худро баён намуданд ва иброз доштанд, ки чунин ғамхорӣ ва дастгирӣ барои онҳо далели эҳтиром ва қадршиносӣ ба хизмати онҳо дар роҳи ободонии Ватан мебошад.

Дар толори мақомоти иҷроияи ҳокимияти давлатии шаҳри Конибодом таҳти раёсати Раиси вилояти Суғд Раҷаб Аҳмадзода ҷаласаи корӣ баргузор гардид, ки дар он масъулини сохторҳои дахлдори вилоят, роҳбарият ва фаъолони шаҳр ширкат варзиданд.

Дар ҷаласа асосан рафти иҷрои дастуру супоришҳои Ҳукумати Ҷумҳурии Тоҷикистон дар шаҳр мавриди таҳлил ва баррасӣ қарор гирифт.

Зимни таҳлили вазъи соҳаҳо таъкид гардид, ки ба масъалаҳои ободонӣ, баланд бардоштани маърифати ҳуқуқии аҳолӣ, пешгирии ҷинояткорӣ, беҳтар намудани сатҳи таълиму тарбия, рушди хизматрасонии тиббӣ, пешрафти иқтисодии шаҳр ва беҳтар намудани нишондиҳандаҳои соҳаи кишоварзӣ таваҷҷуҳи махсус дода шавад.