6 июн дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ноиби Президенти Бонки Осиёии Рушд Шиксин Ченро, ки ҷиҳати иштирок дар Конфронси дуюми Душанбе оид ба Даҳсолаи байналмилалии амал “Об барои рушди устувор”, солҳои 2018-2028 дар Тоҷикистон қарор дорад, ба ҳузур пазируфтанд.

Дар рафти мулоқот ҳолати кунунӣ ва ҳамкориҳои минбаъдаи Тоҷикистон ва Бонки Осиёии Рушд мавриди баррасӣ қарор дода шуд.

Бахшида ба Рӯзи Ваҳдати миллӣ ва 30-солагии Иҷлосияи 16-уми Шӯрои Олии Ҷумҳурии Тоҷикистон барои дарёфти Ҷоми Раиси вилояти Суғд мусобиқа оид ба бокс гузаронида шуд.

Мусобиқаи мазкур дар Қасри варзиши шаҳри Хуҷанд сурат гирифта, дар он наврасони соли таваллудашон 2003-2004 аз рӯи 13 вазн барои пирӯзӣ миёни ҳам рақобат намуданд. 

Дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корҳои таъмиру барқарорсозии Қалъаи қадимаи Хуҷанд, ки таърихи беш аз сеҳазорсола дорад, бомаром идома дорад.

Раиси вилояти Суғд Раҷаббой Аҳмадзода бо ҷараёни корҳои таъмиру таҷдиди иншооти таърихию фарҳангӣ шинос гардида, ҷиҳати бо сифати баланд ба итмом расонидани корҳои сохтмонӣ супоришҳо дод.

Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва таъмини аҳолӣ бо маҳсулоти нисбатан арзон ярмарка-фурӯши маҳсулоти кишоварзӣ ташкил карда шуд.

Ярмарка-фурӯши маҳсулоти кишоварзӣ бо ибтикори мақомоти иҷроияи ҳокимияти давлатии вилоят доир гардида, дар он кишоварзону соҳибкорон ва корхонаҳои саноатӣ маводи ғизоии нисбатан арзонро пешниҳод намуданд.