Президенти Тоҷикистон Эмомалӣ Раҳмон дар ҷаласаи Шӯрои сарони давлатҳои аъзои Иттиҳоди Давлатҳои Мустақил иштирок намуданд

Азназаргузаронӣ: 4320

14 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Остонаи Ҷумҳурии Қазоқистон дар ҷаласаи Шӯрои сарони давлатҳои аъзои Иттиҳоди Давлатҳои Мустақил иштирок ва суханронӣ намуданд.

Ҷаласаи навбатии Шӯрои сарони давлатҳои аъзои Иттиҳоди Давлатҳои Мустақил таҳти раёсати Президенти Ҷумҳурии Қазоқистон Қосим-Жомарт Токаев баргузор гардид.

Дар кори ҷаласа Президенти Ҷумҳурии Тоҷикистон муҳтарам Эмомалӣ Раҳмон, Президенти Ҷумҳурии Озарбойҷон Илҳом Алиев, Сарвазири Ҷумҳурии Арманистон Никол Пашинян, Президенти Ҷумҳурии Беларус Александр Лукашенко, Президенти Ҷумҳурии Қазоқистон Қосим-Жомарт Токаев, Президенти Федератсияи Россия Владимир Путин, Президенти Туркманистон Сердар Бердимуҳаммедов, Президенти Ҷумҳурии Узбекистон Шавкат Мирзиёев ва Президенти Ҷумҳурии Қирғизистон Садир Жапаров иштирок карданд.

Аёдати собиқадорони меҳнат дар ноҳияи Кӯҳистони Мастчоҳ

Азназаргузаронӣ: 1439

Раиси вилояти Суғд Раҷаббой Аҳмадзода дар ноҳияи Кӯҳистони Мастчоҳ собиқадорони меҳнат Мирзоҳасан Бобоев ва Назар Идиевро аёдат кард.

Мирзоҳасан Бобоев собиқадори хизмати давлатӣ буда, солҳои зиёд дар мақомоти иҷроияи ҳокимияти давлатии ноҳия ва дигар ниҳодҳои давлатӣ кор кардааст.

Назар Идиев  собиқадори соҳаи маориф аст ва дар таълиму тарбияи насли наврас саҳми арзанда гузоштааст.

Дар ноҳияи Кӯҳистони Мастчоҳ ҷамъоварии ҳосили картошка идома дорад

Азназаргузаронӣ: 2668

Зимни сафари корӣ ба ноҳияи Кӯҳистони Мастчоҳ Раиси вилояти Суғд Раҷаббой Аҳмадзода бо ҷараёни корҳои саҳроӣ дар ноҳия шинос гардид.

Роҳбари вилоят аз ҷумла бо фаъолияти хоҷагии деҳқонии "Валиғонд" таваҷҷуҳ зоҳир намуда, бо деҳқонону кишоварзон суҳбат намуд. Аснои суҳбат иттилоъ дода шуд, ки дар ноҳияи Кӯҳистони Мастчоҳ айни замон ҷамъоварии ҳосили картошка идома дошта, кишоварзон нақша доранд, ки 105 ҳазор тонна картошка истеҳсол намоянд.

Ифтитоҳи иншооти гуногун дар ноҳияи Кӯҳистони Мастчоҳ

Азназаргузаронӣ: 2794

Раиси вилояти Суғд Раҷаббой Аҳмадзода зимни сафари корӣ ба ноҳияи Кӯҳистони Мастчоҳ дар маросими ифтитоҳи як қатор иншоот ширкат варзид.

Бо иқдоми соҳибкорони маҳаллӣ бо мақсади таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳия коргоҳи коркарди маҳсулоти ширӣ, маҳсулоти хоҷагии ҷангал ва инчунин коргоҳи дӯзандагӣ сохта шуда, барои анҷоми корҳо 700 ҳазор сомонӣ равона карда шудааст.

Ифтитоҳи бинои муассисаи таҳсилоти миёнаи умумии №12 дар ноҳияи Кӯҳистони Мастчоҳ

Азназаргузаронӣ: 1377

13 октябр бо иштироки Раиси вилояти Суғд Раҷаббой Аҳмадзода дар деҳаи Валиғонди ноҳияи Кӯҳистони Мастчоҳ бинои муассисаи таҳсилоти миёнаи умумии №12 ба истифода дода шуд.

Бинои муассиса аз ҳисоби буҷети мақомоти иҷроияи ҳокимияти давлатии ноҳияи Кўҳистони Мастчоҳ сохта шуда, барои 240 нафар хонанда дар як баст сохта шудааст.

Мақолаҳои боқимонда...