Мақомоти иҷроияи ҳокимияти
давлатии вилояти Суғд
Заркорони ноҳияи Бобоҷон Ғафуров дар вилоят аввалин шуда нақшаи истеҳсоли пахтаро иҷро намуданд. Муждаи зафарро раиси ноҳияи Бобоҷон Ғафуров Зафарбек Давлатзода имрӯз, 21 октябр ба Раиси вилояти Суғд Раҷаббой Аҳмадзода расонид.
Пахтакорони ноҳияи Бобоҷон Ғафуров соли равон ӯҳдадор гардида буданд, ки аз майдони пахтазор 18 ҳазору 500 тонна пахта истеҳсол карда, ба корхонаҳои коркард супоранд. Дар натиҷаи тадбирҳои андешида ба санаи 21 октябр нақшаи пешбинишударо сарбаландона иҷро карданд.
21 октябри соли 2022 дар гузаргоҳи сарҳадии "Қизилбел"-и сарҳади Тоҷикистону Қирғизистон мулоқоти ҳайатҳои расмии Ҷумҳурии Тоҷикистон ва Ҷумҳурии Қирғизистон баргузор гардид.
Дар ин мулоқот Фармондеҳи Қушӯнҳои сарҳадии КДАМ Ҷумҳурии Тоҷикистон генерал-полковник Раҷабалӣ Раҳмоналӣ, директори Хадамоти сарҳадии КДАМ Ҷумҳурии Қирғизистон генерал-майор Уларбек Шаршеев, раисони вилоятҳои Суғд ва Ботканд Раҷаббой Аҳмадзода ва Абдикарим Алимбаев, роҳбарони мақомоти ҳифзи ҳуқуқи ду тараф, раисони навоҳии сарҳадии ду давлат ва дигар шахсони масъул иштирок намуданд.
21 октябр Раиси вилояти Суғд Раҷаббой Аҳмадзода директори бахши содироти ширкати дорусозии "Фармасинтез" - и Федератсияи Россия Григорий Демидовро ба ҳузур пазируфт.
Зимни суҳбат ҷонибҳо масоили тақвияти ҳамкориҳо дар бахши дорусозӣ ва татбиқи лоиҳаи нав дар самти бунёди коргоҳи истеҳсоли дорувориро баррасӣ карданд.
Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раисони ноҳияҳои Кӯҳистони Мастчоҳ, Лахш, Тоҷикобод, Рашт ва Нуробод суҳбати телефонӣ анҷом доданд.
Зимни суҳбат Роҳбари давлат муҳтарам Эмомалӣ Раҳмон ҳисоботи раисони ноҳияҳои зикршударо доир ба вазъи корҳо дар самти ҷамъоварии маҳсулоти кишоварзӣ, аз ҷумла картошка ва мева шуниданд.
19 октябр Раиси вилояти Суғд Раҷаббой Аҳмадзода бо масъулини соҳаи сохтмони шаҳри Хуҷанд мулоқот намуд.
Қабл аз оғози мулоқот роҳбари вилоят бо лоиҳаҳои иншооти нав, аз қабили биноҳои баландошёнаи истиқоматӣ, маъмурӣ, таълимӣ, фарҳангӣ, сайёҳӣ, варзишӣ ва марказҳои муосири савдою хизматрасонӣ, ки асосан дар кӯчаву хиёбонҳои Исмоили Сомонӣ, Камоли Хуҷандӣ, Сирдарё, Гагарин ва Истиқлол бунёд мешаванд, шинос гардид.
