Истиқболи Пешвои миллат Эмомалӣ Раҳмон дар Фурудгоҳи байналмилалии Хуҷанд

Азназаргузаронӣ: 1103

29 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади иштирок дар тантанаҳои ҷашни Наврӯзи байналмилалӣ, шиносоӣ бо ҷараёни корҳои кишоварзии баҳорӣ, бунёди боғу токзор, мулоқоту суҳбат бо сокинон ва ифтитоҳи якчанд иншооти истеҳсолию иҷтимоӣ ба вилояти Суғд ташриф оварданд.

Дар Фурудгоҳи байналмилалии Хуҷанд Президенти Ҷумҳурии Тоҷикистон муҳтарам Эмомалӣ Раҳмонро Раиси вилояти Суғд Раҷаббой Аҳмадзода ва дигар шахсони расмӣ истиқбол гирифтанд.

Оғози кишти пахта дар ноҳияи Бобоҷон Ғафуров

Азназаргузаронӣ: 1810

Дар ноҳияи Бобоҷон Ғафуров бо иштироки Раиси вилояти Суғд Раҷаббой Аҳмадзода ба кишти пахта оғоз бахшида шуд.

Раиси вилоят бо ҳамроҳии пирони кор ва кишоварзони ноҳия дар Ҷамъияти саҳомии ба номи Абдураҳим Ҷумъаев ба кишти пахта оғоз бахшида, барои истифодаи самараноки замин, сари вақт ба анҷом расонидани кишт, риояи қоидаҳои агротехникӣ ва таъмини заминҳои кишоварзӣ бо оби полезӣ ба масъулин супоришҳо дод.

Бояд қайд намуд, ки дар ноҳияи Бобоҷон Ғафуров имсол дар беш аз 8 ҳазор гектар пахта кишт хоҳад шуд.

Ба биноҳои нави таълимии Факултети №4 Академияи ВКД дар шаҳри Хуҷанд ва шуъбаи тиббии Раёсати ВКД ҶТ дар вилояти Суғд санги асос гузошта шуд

Азназаргузаронӣ: 1981

Дар шаҳри Хуҷанд бо иштироки Вазири корҳои дохилии Ҷумҳурии Тоҷикистон, генерал-полковники милитсия Рамазон Раҳимзода ва Раиси вилояти Суғд Раҷаббой Аҳмадзода ба сохтмони биноҳои нави таълимии Факултети №4 Академияи ВКД дар шаҳри Хуҷанд ва шуъбаи тиббии Раёсати ВКД ҶТ дар вилояти Суғд санги асос гузошта шуд.

Иттилоъ дода шуд, ки фармоишгари лоиҳаи бинои нави таълимии Факултети №4 Академияи ВКД дар шаҳри Хуҷанд Идораи сохтмони асосии вилояти Суғд буда, бинои маъмурии сохташаванда аз таҳхона ва шаш ошёна иборат ва дар он тамоми инфрасохтори зарурӣ дар назар дошта шудааст. Дар бинои мазкур ошхона, хобгоҳ, 17 синфхонаи таълимӣ, маҷлисгоҳ барои 500 нафар, утоқҳои корӣ пешбинӣ гардидааст. Интизор меравад, ки иншооти мазкур дар моҳи сентябри соли 2023 мавриди баҳрабардорӣ қарор дода шавад.

Мулоқот бо соҳибкорон ва саноатчиёни вилояти Суғд

Азназаргузаронӣ: 2524

Дар Кохи фарҳанги ба номи Абӯабдуллоҳи Рӯдакӣ мулоқоти Раиси вилояти Суғд Раҷаббой Аҳмадзода ва раиси Кумитаи андози назди Ҳукумати Ҷумҳурии Тоҷикистон Нусратулло Давлатзода бо соҳибкорон ва саноатчиён баргузор шуд.

Дар мулоқот таъкид гардид, ки соҳибкорӣ яке аз соҳаҳои муҳими кишвар ба ҳисоб рафта, ба рушди он аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва Ҳукумати Ҷумҳурии Тоҷикистон пайваста аҳамияти хоса дода мешавад.

Боздиди гуруҳи корӣ аз ноҳияи Кӯҳистони Мастчоҳ

Азназаргузаронӣ: 1937

23-юми марти соли 2023 соати 1:07 дақиқа ба вақти маҳаллӣ дар ҳудуди Ҷумҳурии Тоҷикистон заминларза ба амал омад.

Маркази ҷунбиши қишри замин дар 6-7 километрии деҳаи Палдораки Ҷамоати деҳоти Лангари ноҳияи Куҳистони Мастчоҳи вилояти Суғд ба қайд гирифта шуд, ки дар натиҷа ба чанд деҳа хисорот расид.

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти роҳбарии Сарвазири мамлакат Қоҳир Расулзода Коммисияи ҷумҳуриявӣ оид ба бартараф намудани оқибатҳои заминларза таъсис дода шуд.

Мақолаҳои боқимонда...